ប្រទេសថៃ ៖ ការបោះឆ្នោតសភាថៃឆ្នាំ២០១៩ ត្រូវធ្វើនាថ្ងៃទី២៤មីនាដើម្បីជ្រើសរើសសមាជិកសភា៥០០រូប។ ប្រទេសថៃដឹកនាំដោយរបបយោធាមួយដែលកាន់អំណាច ក្រោយវិបត្តិនយោបាយយ៉ាងជ្រៅ មុននិងក្រោយការបោះឆ្នោតសភាឆ្នាំ២០១៤។ សភាដែលបោះឆ្នោតជ្រើសរើសក្នុងឆ្នាំ២០១៤ត្រូវបានរំលាយ ក្រោយរដ្ឋប្រហារខែឧសភាឆ្នាំ២០១៤ហើយជំនួសដោយសភាមួយ ជ្រើសតាំងដោយរបបយោធា…
ប្រទេសថៃ ៖ ការបោះឆ្នោតសភាថៃឆ្នាំ២០១៩ ត្រូវធ្វើនាថ្ងៃទី២៤មីនាដើម្បីជ្រើសរើសសមាជិកសភា៥០០រូប។ ប្រទេសថៃដឹកនាំដោយរបបយោធាមួយដែលកាន់អំណាច ក្រោយវិបត្តិនយោបាយយ៉ាងជ្រៅ មុននិងក្រោយការបោះឆ្នោតសភាឆ្នាំ២០១៤។ សភាដែលបោះឆ្នោតជ្រើសរើសក្នុងឆ្នាំ២០១៤ត្រូវបានរំលាយ ក្រោយរដ្ឋប្រហារខែឧសភាឆ្នាំ២០១៤ហើយជំនួសដោយសភាមួយ ជ្រើសតាំងដោយរបបយោធា ដែលប្រកាសដោយខ្លួនឯងបង្កើតក្រុមប្រឹក្សាជាតិដើម្បីសន្តិភាពនិងរក្សាសណ្ដាប់ធ្នាប់។
អគ្គមេបញ្ជាការកងទ័ពថៃនិងជាអ្នកដឹកនាំធ្វើរដ្ឋប្រហារ លោកប្រាយុទ្ធចាន់អូចា ចាប់តាំងពីពេលនោះមកក្លាយជានាយករដ្ឋមន្ត្រី។ ក្នុងឆ្នាំ២០១៨លោកបានបង្កើតគណបក្សមួយដើម្បីជួយលោក រក្សាតំណែងប្រមុខរដ្ឋាភិបាល។ គណបក្សលោកមានឈ្មោះថា គណបក្សអំណាចរដ្ឋដើម្បីប្រជាជន។ ការបោះឆ្នោតសភាថៃពីដំបូងសន្យាធ្វើក្នុងឆ្នាំ២០១៥ តែចាប់ពីពេលនោះមកត្រូវបានពន្យារពេលច្រើនឆ្នាំ រហូតដល់ខែមករាឆ្នាំ២០១៩ តែត្រូវបានគេសម្រេចរៀបចំធ្វើថ្ងៃទី២៤មីនា។
រដ្ឋធម្មនុញ្ញថៃឆ្នាំ២០១៧ រៀបចំដោយរបបយោធា ហើយអនុម័តតាមរយៈការបោះប្រជាមតិមួយនាឆ្នាំ២០១៦ចែងថា ថៃជាប្រទេសមានសភា២គឺ សភាជាន់ទាបនិងសភាជាន់ខ្ពស់ដែលជាព្រឹទ្ធសភា។ ព្រឹទ្ធសភាមានសមាជិក២៥០រូប ដែលជ្រើសតាំងទាំងស្រុងដោយពួកយោធា។ ចំណែកសភាមានសមាជិក៥០០រូប ដែលត្រូវបោះឆ្នោតជ្រើសរើសរៀងរាល់៤ឆ្នាំម្ដង។ ក្នុងចំណោមកៅអីទាំង៥០០ក្នុងសភា ៣៥០រូបបោះឆ្នោតជ្រើសរើសបែបឯកត្តនាមយកសំឡេងភាគច្រើន ក្នុងបណ្ដាមណ្ឌលបោះឆ្នោត។ ចំណែកកៅអី១៥០ទៀតជ្រើសរើសបែបសមាមាត្រ។ ផ្ទុយពីប្រព័ន្ធមុនបណ្ដាអ្នកបោះឆ្នោតមានសន្លឹកឆ្នោតតែមួយសន្លឹកគត់ ដែលត្រូវបំពេញពុំមែន២សន្លឹកទេ។
ច្បាប់បោះឆ្នោតថៃពេលនេះតម្រូវម្យ៉ាងទៀតឲ្យបណ្ដាគណបក្សចូលរួមបោះឆ្នោត ប្រកាសជាមុន បេក្ខជននាយករដ្ឋមន្ត្រីរហូតដល់៣រូប។ អ្នកទាំងនោះមិនចំបាច់ទាល់តែមនុស្សក្នុងគណបក្សដែលជាអ្នករើសជាបេក្ខជនឡើយ។ ដូច្នេះលោកប្រាយុទ្ធចាន់អូចាជាផ្លូវការនៅតែជាអ្នកឯករាជ្យ។
គណបក្សដែលចូលរួមក្នុងការបោះឆ្នោតមាន គណបក្សភឿថៃរបស់លោកSUDARAT KEYURAPHAN គណបក្សប្រជាធិបតេយ្យរបស់លោកអាប់ភីសីតវាចាជីវ៉ា គណបក្សអំណាចរដ្ឋដើម្បីប្រជាជន របស់លោកប្រាយុទ្ធចាន់អូចា គណបក្សអនាគតថ្មីរបស់លោកTHANATHORN គណបក្សមោទនភាពថៃ និងគណបក្សអភិវឌ្ឍន៍ជាតិ ៕
ចែករំលែកព័តមាននេះ