ប្រទេសសូម៉ាលី ៖ អង្គការសិទ្ធិមនុស្សAMNESTY INTERNATIONALបានចេញផ្សាយកាលពីថ្ងៃទី២០មីនា នូវឯកសារមួយ មានចំណងជើងថា សង្គ្រាមលាក់បាំងរបស់សហរដ្ឋអាមេរិកនៅសូម៉ាលី។
របាយការណ៍នោះសរសេរថា ពួកអ្នកជំនាញការរបស់យើង បានទៅកាន់សូម៉ាលីដោយនៅទីនោះពួកគេ បានជួបសម្ភាសន៍១៥០លើក ជាមួយបណ្ដាសាក្សី ដែលជាសាច់ញាតិជនរងគ្រោះ ជាមនុស្សរត់ភៀសខ្លួនដោយការប្រយុទ្ធគ្នានិងបណ្ដាអ្នកជំនាញការ ក្នុងនោះមានទាំងអ្នកជំនាញការ ក្នុងផ្ទៃកងទ័ពអាមេរិកផង។ ក្នុងសេចក្ដីប្រកាសមួយ អង្គការនោះបន្តថា បណ្ដាព័ត៌មានដែលប្រមូល មានទាំងបណ្ដារូបភាពតាមផ្កាយរណប បណ្ដារូបភាពនៃកន្លែងទម្លាក់គ្រាប់បែក ព្រមទាំងបណ្ដាអំបែងគ្រាប់ប្រមូលនៅទីតាំងរងការវាយប្រហារ។
ចាប់តាំងពីឆ្នាំ២០១៧មកអង្គការនោះរាប់ឃើញមានការវាយប្រហារ តាមអាកាសជាង១០០លើករបស់អាមេរិកនៅសូម៉ាលី។ គេផ្ដោតខ្លាំងលើការវាយប្រហារតាមអាកាស៥លើក រយៈពេល២ឆ្នាំ ដែលសម្លាប់ជនស៊ីវិល១៤នាក់ហើយ៨នាក់ទៀតរងរបួស។ ការវាយប្រហារសម្លាប់ជនស៊ីវិល មានបញ្ហាលើតួនាទីរបស់អាមេរិក ក្នុងសង្គ្រាមនៅសូម៉ាលី ដែលលាក់បាំងហើយពុំមានការដាក់ទោស។
នៅសូម៉ាលីការវាយប្រហាររបស់អាមេរិកធ្វើឡើងជាពិសេសតាមយន្តហោះគ្មានមនុស្សបើក៕
ចែករំលែកព័តមាននេះ