អ្នកអានព័ត៌មានទូរទស្សន៍កូរ៉េបកអាក្រាតខ្ទេច រឿងអាស្រូវថតវីដេអូអាសអាភាសទុក
នាង កាង គីយុងយុន (Kang Kyung-yoon) អ្នកប្រកាសព័ត៌មានរបស់ស្ថានីយទូរទស្សន៍ «SBS funE» របស់កូរ៉េខាងត្បូងបានបកអាក្រាតរឿងអាស្រូវរបស់លោក Jung…
នាង កាង គីយុងយុន (Kang Kyung-yoon) អ្នកប្រកាសព័ត៌មានរបស់ស្ថានីយទូរទស្សន៍ «SBS funE» របស់កូរ៉េខាងត្បូងបានបកអាក្រាតរឿងអាស្រូវរបស់លោក Jung Joon Young ជាប់ពាក់ព័ន្ធលើរឿងជួញដូរផ្លូវភេទ ដោយបញ្ជាក់ថា នាងបានប្រទះឃើញនារីរងគ្រោះជាច្រើននាក់នៅក្នុងវីដេអូឃ្លីបអាសអាភាស ។ នាងទាំងនោះបានរៀបរាប់ពីទុក្ខសោករបស់ខ្លួន ។
អ្នកប្រកាសព័ត៌មានរូបនេះថ្លែងថា «ខ្ញុំបានឃើញនារីរងគ្រោះដោយលោក Jung Joon Young ប្រហែល៤-៥នាក់មកហើយ ពួកគេភាគច្រើនជានិស្សិត មានអាយុប្រហែល២០ឆ្នាំ ។
បើតាមនារីរងគ្រោះម្នាក់បានបញ្ជាក់ថា «បុរសបង្កហេតុ (Jung Joon Young) បានថតវីដេអូពេលដែលពួកគេរួមភេទជាមួយគ្នាទុក ហើយនាងបានប្រទះឃើញក្នុងពេលមើលទូរស័ព្ទរបស់គេ ដោយរូបគេសន្យាថានឹងធ្វើឱ្យពួកនាងក្លាយជាតារាល្បីជាថ្នូរនឹងការរួមភេទនោះ» ។
អ្នកប្រកាសព័ត៌មានរូបនេះបានបញ្ជាក់ថា ប្រសិនបើជាមនុស្សធម្មតាប្រហែលជាព្រមទទួលយកការណែនាំ និងឈប់ប្រព្រឹត្តរឿងបែបនេះ ប៉ុន្តែសម្រាប់លោក Jung Joon Young ជាអ្នកផ្គើនលើការស្នើសុំរបស់នារីរងគ្រោះឲ្យលុបចោលនូវវីដេអូដែលលោកថតសកម្មភាពពេលរួមភេទ និងបានពឹងឲ្យមិត្តភក្ដិផ្ញើរូបអាសអាភាសនេះមកឲ្យរូបគេវិញថែមទៀតផង ៕
ចែករំលែកព័តមាននេះ