អ្នកប្រហែលជាចំណាយពេលមួយចំនួនលើនាឡិកា Smartwatch របស់អ្នកជារៀងរាល់ថ្ងៃដើម្បីឆែកអ៊ីមែល ទទួលទូរស័ព្ទ ឬស្តាប់បទចម្រៀងផ្សេងៗ ប៉ុន្តែតើអ្នកសុខចិត្តលះបង់សន្តិសុខមួយចំនួនទេ? ក្រុមតាមដានជុំវិញពិភពលោកកំពុងតែព្រមានដល់អ្នកប្រើប្រាស់ទាក់ទិននឹងបញ្ហាព័ត៌មានឯកជនព្រោះឧបករណ៍អេឡិចត្រូណិចថ្មីៗបន្តចូលក្នុងទីផ្សារ។ កាលពីឆ្នាំ ២០១៧ ក្រុមប្រឹក្សាតំណាងអតិថិជន…
អ្នកប្រហែលជាចំណាយពេលមួយចំនួនលើនាឡិកា Smartwatch របស់អ្នកជារៀងរាល់ថ្ងៃដើម្បីឆែកអ៊ីមែល ទទួលទូរស័ព្ទ ឬស្តាប់បទចម្រៀងផ្សេងៗ ប៉ុន្តែតើអ្នកសុខចិត្តលះបង់សន្តិសុខមួយចំនួនទេ?
ក្រុមតាមដានជុំវិញពិភពលោកកំពុងតែព្រមានដល់អ្នកប្រើប្រាស់ទាក់ទិននឹងបញ្ហាព័ត៌មានឯកជនព្រោះឧបករណ៍អេឡិចត្រូណិចថ្មីៗបន្តចូលក្នុងទីផ្សារ។
កាលពីឆ្នាំ ២០១៧ ក្រុមប្រឹក្សាតំណាងអតិថិជន Norwegian Consumer Council និងក្រុមហ៊ុនសន្តិសុខក្នុងចក្រភពអង់គ្លេសបានធ្វើការសាកល្បងលើនាឡិកា Smartwatch ចំនួន៤ប្រភេទដែលត្រូវបានលក់សម្រាប់កុមារប្រើប្រាស់។
ការសិក្សាបានបង្ហាញថាឧបករណ៍ទាំងនោះមានបញ្ហាផ្នែកសន្តិសុខជាច្រើនដែលបង្កើតឱកាសសម្រាប់ Hacker ក្នុងការដឹងពីទីតាំងរបស់កុមារ និងអាចស្តាប់លឺសម្លេងកុមារផងដែរ។
លោក Peter Griffin ដែលជាអ្នកជំនាញផ្នែកបច្ចេកវិទ្យាបាននិយាយថាអតិថិជនកាន់តែជឿជាក់លើក្រុមហ៊ុនបច្ចេកវិទ្យាធំៗកាន់តែច្រើនក្នុងការការពារភាពឯកជនរបស់ពួកគេ។
លោកបានបន្តថា «អ្វីដែលមនុស្សកាន់តែច្រើនចាប់ផ្តើមប្រើប្រាស់គឺឧបករណ៍វៃឆ្លាតក្នុងផ្ទះ។ វាមានព័ត៌មានឯកជនជាច្រើនដូចជាជម្រើសផលិតផលរបស់អ្នក ទីតាំង រូបភាព ប្រតិទិន អ៊ីមែល និងព័ត៌មានសម្រាប់ទាក់ទងផ្សេងៗជាដើម»។
លោកបានបន្ថែមថា ឧបករណ៍ទាំងនេះភាគជ្រើនពឹងផ្អែកលើបច្ចេកវិទ្យា Artificial Intelligence ដើម្បីវិវដ្ដទៅមុខ ក្រុមហ៊ុនបច្ចេកវិទ្យាអាចកាត់បន្ថយតម្លៃឧបករណ៍របស់ពួកគេដើម្បីទាក់ទាញអតិថិជនកាន់តែច្រើនដើម្បី AI អាចអភិវឌ្ឍន៍បាន។
លោកបាននិយាយទៀតថា ព័ត៌មានអាចត្រូវបានកត់ត្រាពីប្រដាប់ប្រដាក្មេងលេងព្រោះក្រុមហ៊ុនផលិតមិនមានទ្រង់ទ្រាយធំដូចជា Microsoft, Amazon ឬ Google ទេដូច្នេះពួកគេអាចមានបញ្ហាផ្នែកសន្តិសុខច្រើន។
លោក Griffin បាននិយាយថា ក្នុងពិភពលោកដែលព័ត៌មាន និងទិន្នន័យកាន់តែមានសារៈសំខាន់ វិធីសាស្ត្រដែលល្អជាងគេក្នុងការការពារវាគឺប្រើលេខសម្ងាត់រឹងមាំ និងប្តូរវាជាប្រចាំ ៕
ចែករំលែកព័តមាននេះ