ក្រុមហ៊ុន Huawei បច្ចុវប្បន្ននេះជាក្រុមហ៊ុនស្មាតហ្វូនធំជាងគេលេខពីរបន្ទាប់ពីក្រុមហ៊ុន Samsung និងជាយីហោស្មាតហ្វូនធំជាងគេក្នុងប្រទេសចិន ។ ក្រុមហ៊ុននេះក៏មានប្រជាប្រិយភាពខ្លាំងក្នុងវិស័យទូរគមនាគមន៍ផងដែរ។ ក្នុងពេលថ្មីៗ Huawei បានប្រកាសពីពត៌មានមួយដ៏ធំទាក់ទិននឹងគម្រោងផលិតកុំព្យូ័រ…
ក្រុមហ៊ុន Huawei បច្ចុវប្បន្ននេះជាក្រុមហ៊ុនស្មាតហ្វូនធំជាងគេលេខពីរបន្ទាប់ពីក្រុមហ៊ុន Samsung និងជាយីហោស្មាតហ្វូនធំជាងគេក្នុងប្រទេសចិន ។
ក្រុមហ៊ុននេះក៏មានប្រជាប្រិយភាពខ្លាំងក្នុងវិស័យទូរគមនាគមន៍ផងដែរ។ ក្នុងពេលថ្មីៗ Huawei បានប្រកាសពីពត៌មានមួយដ៏ធំទាក់ទិននឹងគម្រោងផលិតកុំព្យូ័រ Laptop និងស្មាតហ្វូនដែលបច្ចុប្បន្ននេះកំពុងតែប្រើប្រព័ន្ធដំណើរការ Windows របស់ Microsoft និង Android របស់ Google ផងដែរ ។
Huawei បានបញ្ជាក់ថាពួកគេបានព្យាយាមបង្កើតប្រព័ន្ធដំណើរការរបស់ខ្លួនផ្ទាល់ដែលខុសពីAndroid និង Windows តាំងពីឆ្នាំ ២០១២ មក ហើយបច្ចុប្បន្ននេះពួកគេបានសម្រេចវារួចរាល់ហើយ។ ពួកគេបានបន្ថែមថាពួកគេនឹងបញ្ឈប់ការប្រើ Android និង Windows ប្រសិនបើពួកគេត្រូវបានបង្ខំឲ្យបោះបង់ផលិតផលអាមេរិក និងបន្តអភិវឌ្ឍន៍ប្រព័ន្ធដំណើរការរបស់ខ្លួនវិញ។
លោក Richard Yu ដែលជានាយកប្រតិបត្តិរបស់ក្រុមហ៊ុន Huawei បាននិយាយថា “ពួកយើងបានរៀបចំប្រព័ន្ធដំណើរការរបស់ខ្លួនហើយ។ ប្រសិនបើមានហេតុការណ៍អ្វីកើតឡើង ពួកយើងអាចបញ្ឈប់ប្រើប្រាស់ប្រព័ន្ធដទៃបាន។”
សេចក្តីថ្លែងការណ៍នេះត្រូវបានចេញក្នុងរយៈពេលប៉ុន្មានថ្ងៃបន្ទាប់ពីក្រុមហ៊ុននេះសម្រេចដាក់ពាក្យបណ្តឹងប្រឆាំងនឹងហារហាមឃាត់ការប្រើប្រាស់ផលិតផលរបស់ពូកគេដោយរដ្ឋាភិបាលអាមេរិក។
កន្លងមក សហរដ្ឋអាមេរិកបានអះអាងថាបច្ចេកវិទ្យារបស់ Huawei មិនគួរឲ្យទុកចិត្តឡើយ និងបង្កជាហានិភ័យដល់សន្តិសុខជាតិរបស់សហរដ្ឋអាមេរិកៀងដែរ។ ហើយដើម្បីឆ្លើយតបនឹងការចោទប្រកាន់នេះ Huawei បាននិយាយថាការហាមឃាត់របស់រដ្ឋាភិបាលអាមេរិកល្មើសច្បាប់។
បើទោះជា Huawei បានងាកទៅគម្រោងទីពីរក្នុងការបង្កើតប្រព័ន្ធដំណើរការខ្លួនឯងពិតមែន លោក Yu បាននិយាយថាក្រុមហ៊ុននៅតែជ្រើសរើសយក Android និង Windows ដដែលប្រសិនបើភាពតានតឹងរវាងសហរដ្ឋអាមេរិកនិង Huawei មិនបង្ខំដល់ពួកគេ ៕
ចែករំលែកព័តមាននេះ