ខេត្តក្រចេះ ៖ ម្ហូបអាហារបន្លែផ្លែឈើ៥៤មុខ ដែលកំពុងដាក់តាំងលក់ក្នុងផ្សារសាមគ្គី ក្រុងក្រចេះ ត្រូវបានយកមកពិសោធន៍ ក្នុងនោះសសៃមីលឿងទម្ងន់៨គីឡូក្រាម ត្រូវបានក្រុមមន្ត្រីជំនាញរកឃើញមានផ្ទុកសារធាតុបូរ៉ាក់ ដែលសារធាតុនេះត្រូវបានក្រុមមន្ត្រីអះអាងថា បានធ្វើឱ្យប៉ះពាល់ដល់ប្រព័ន្ធបន្ដពូជ និងប៉ះពាល់ប្រព័ន្ធរំលាយអាហារដល់អ្នកទទួលទាន ។ នេះជាការរកឃើញថ្មីមួយទៀត ពីក្រុមន្ត្រីជំនាញរបស់អគ្គនាយកដ្ឋានកាំកុងត្រូល ដែលប្រើដោយរថយន្តពិនិត្យពិសោធន៍មានបច្ចេកវិទ្យាទំនើប ក្រោយការចុះត្រួតពិនិត្យយ៉ាងល្អិតល្អន់ពីក្រុមមន្ត្រីជំនាញ ដែលបានបន្តធ្វើឡើងនៅថ្ងៃទី២០ មីនា នៅផ្សារសាមគ្គីក្រុងក្រចេះ ក្រោមការ ដឹកនាំផ្ទាល់ពីលោកម៉ក់ ពេជ្ជរិទ្ធ អគ្គនាយកកាំកុងត្រូល និងដោយមានការូលរួមពីអាជ្ញាធរខេត្ត។
លោកបានឱ្យដឹងថា នេះជាសកម្មភាពការចុះត្រួតពិនិត្យថ្មីមួយទៀត របស់ក្រុមមន្ត្រីក្នុងគោលដៅលើក កម្ពស់សុវត្ថិភាពចំណីអាហារ ជូនដល់ប្រជាពលរដ្ឋជាអ្នកទទួលទាន មុនរដូវបុណ្យចូលឆ្នាំថ្មីខាងមុខនេះ។
លោកអគ្គនាយកកាំកុងត្រូលបានលើកឡើងទៀតថា អគ្គនាយកដ្ឋានកាំកុងត្រូល បានចាត់ ឲ្យមានមន្ត្រីប្រចាំការដើម្បីបន្តត្រួតពិនិត្យលើមុខទំនិញនំចំណីម្ហូបអារហារ ប្រយោជន៍ដើម្បីលើក កំពស់សុវត្ថិភាពចំណីអារហារបំរើសេវាផ្ដល់ជូនប្រជាពលរដ្ឋតាមមូលដ្ឋាន បញ្ជៀសផលប៉ះពាល់ គ្រោះថ្នាក់ដល់សុខភាពបណ្ដាលមកមុខទំនិញដែលមានលាយសារធាតុគីមីហាមឃាត់ ។
លោក ម៉ក់ ពេជ្ជរិទ្ធ បានថ្លែងបន្តថា ជាក់ស្តែងការចុះត្រួតពិនិត្យលើម្ហូបអាហារនៅថ្ងៃនេះ ក្រុមការងារបានរកឃើញភាពអវិជ្ជមានច្រើន គឺមិនមានផលប៉ះពាល់សម្រាប់បញ្ហាម្ហូបអាហារទេ ក៏ដោយសារប្រជាអាជីវករ ពួកគាត់មានការយល់ដឹងច្រើនអំពីផលប៉ះពាល់នៃសារធាតុគីមី និងបញ្ហាសុខភាព។ ក្រុមមន្ត្រីថា ម្ហូបអាហារបន្លែផ្លែឈើចំនួន៥៤ ដែលក្រុមការងារបានតេស្តជាមួយរថយន្ដ ពិសោធន៍ គឺមានតែមីសរសៃលឿងតែមួយមុខគត់ ដែលមានផ្ទុកសារធាតុបូរ៉ាក់ ។ ជាមួយគ្នានោះ មន្ត្រីជំនាញក៏បានដកហូតមីសសៃលឿងបានចំនួន៨គីឡូក្រាម ដែលបានរកឃើញថា មានផ្ទុក សារធាតុគីមីនោះបានរឹបអូសប្រមូលយកទៅដុតបំផ្លាញចោល។
ជាមួយនិងសកម្មភាពរបស់ក្រុមមន្ត្រីជំនាញអគ្គនាយកដ្ឋានកាំកុងត្រូល ដែលជាច្រើនថ្ងៃ មកនេះបានបន្តចុះ ពិនិត្យលើមុខទំនិញចំនីអារហារដែលកំពុងតែដាក់លក់នៅតាមទីផ្សារនានា ក្នុងខេត្តក្រចេះ ក្នុងគោលបំណង ដើម្បីលើកកំពស់សុវត្ថិភាពចំណីអារហារមុនរដូវបុណ្យចូលឆ្ នាំ។ បានធ្វើឲ្យពលរដ្ឋនៅក្នុងខេត្ត សម្តែងការសាទរជាមួយនិងសកម្មភាពរបស់ក្រុមមន្ត្រី ។
ក៏ព្រោះតែខេត្តក្រចេះ ជាខេត្តមួយដែលកន្លងមកធ្លាប់បានផ្ទុះនូវបាតុភាពពុលជាញឹកញាប់ ដូចជាពុលទឹក ពុល ស្រា និងពុលនំចំណីម្ហូបអារហារផ្សេងទៀត រហូតបង្កឲ្យមានពលរដ្ឋប្រុសស្រីបានស្លាប់បាត់ បង់ជីវតអស់ជាច្រើននាក់ដោយសាររងពីការពុល។ ភាពតុកស្លុតនេះគឺនៅតែស្ថិតក្នុងការចង់ចាំ របស់ពលរដ្ឋនៅរស់នៅខេត្តក្រចេះនៅឡើយដែរ។ ដោយពួកគាត់នៅតែមានអារម្មណ៍ខ្លាចរអារ ទៅនិងការទទួលទានចំណីអារហារប្រចាំថ្ងៃដោយខ្លាចមានផ្ទុកសារធាតុគីមីធ្វើឲ្យពុល៕
ចែករំលែកព័តមាននេះ