ប្រទេសអីុរ៉ង់ ៖ ដោយយោងតាមទីភ្នាក់ងារសង្គ្រោះបន្ទាន់ក្រុងតេហេរ៉ង់ ទីភ្នាក់ងារព័ត៌មានអីុរ៉ង់FARSរាយការណ៍ថា យន្តហោះមួយគ្រឿងមានភ្លើងឆាបឆេះ ពេលចុះនៅព្រលានយន្តហោះអន្តរជាតិ MEHRABADក្រុងតេហេរ៉ង់ កាលពីថ្ងៃទី១៩មីនាវេលាម៉ោង២១ម៉ោងក្នុងស្រុកខណៈមនុស្ស១០០នាក់ជិះក្នុងនោះ។ ចំណែកទីភ្នាក់ងារព័ត៌មានអីុរ៉ង់ISNAនិយាយថា យន្តហោះនោះមានភ្លើងឆេះពេលចុះ…
ប្រទេសអីុរ៉ង់ ៖ ដោយយោងតាមទីភ្នាក់ងារសង្គ្រោះបន្ទាន់ក្រុងតេហេរ៉ង់ ទីភ្នាក់ងារព័ត៌មានអីុរ៉ង់FARSរាយការណ៍ថា យន្តហោះមួយគ្រឿងមានភ្លើងឆាបឆេះ ពេលចុះនៅព្រលានយន្តហោះអន្តរជាតិ MEHRABADក្រុងតេហេរ៉ង់ កាលពីថ្ងៃទី១៩មីនាវេលាម៉ោង២១ម៉ោងក្នុងស្រុកខណៈមនុស្ស១០០នាក់ជិះក្នុងនោះ។
ចំណែកទីភ្នាក់ងារព័ត៌មានអីុរ៉ង់ISNAនិយាយថា យន្តហោះនោះមានភ្លើងឆេះពេលចុះ ហើយអ្នកដំណើរប្រមាណជាពាក់កណ្ដាលត្រូវបានជម្លៀសចេញ ខណៈអ្នកឯទៀតៗស្ថិតក្នុងយន្តហោះ។ ភ្លើងក្រោយមក ត្រូវបានពន្លត់ រួចអ្នកដំណើរទាំងអស់បានចេញពីយន្តហោះ ដោយពុំមាននរណាម្នាក់រងរបួសឡើយ។ នាគ្រាដំបូងមនុស្សជិត៥០នាក់ត្រូវបានជម្លៀសចេញ ខណៈអ្នកឯទៀតនៅជាប់ខាងក្នុង។ ទោះជាពុំមានអ្នករបួស តែគេឃើញរថយន្តសង្គ្រោះប្រមាណជា១០គ្រឿងនៅក្បែរយន្តហោះ។
យោងតាមបណ្ដាសារព័ត៌មានថា យន្តហោះធុនFOKKER 100 នោះបានឆេះពេលចុះ។ វាហោះមកពីកោះKISH ក្នុងឈូងសមុទ្រពែរ្ស៍ មកកាន់ក្រុងតេហេរ៉ង់។៕
ចែករំលែកព័តមាននេះ