ខេត្តមណ្ឌលគិរី ៖ កាលពីរសៀលថ្ងៃទី១៥ ខែមីនា ឆ្នាំ២០១៩ មន្ត្រីដែនជម្រកសត្វព្រៃភ្នំណាមលៀ បានចុះធ្វើប្រតិបត្តិការល្បាតត្រង់ចំណុចអូរតាំកន ស្ថិតក្នុងភូមិសាស្ត្រឃុំពូលុះ ឃុំប៊ូស្រា ស្រុកពេជ្រាដា…
ខេត្តមណ្ឌលគិរី ៖ កាលពីរសៀលថ្ងៃទី១៥ ខែមីនា ឆ្នាំ២០១៩ មន្ត្រីដែនជម្រកសត្វព្រៃភ្នំណាមលៀ បានចុះធ្វើប្រតិបត្តិការល្បាតត្រង់ចំណុចអូរតាំកន ស្ថិតក្នុងភូមិសាស្ត្រឃុំពូលុះ ឃុំប៊ូស្រា ស្រុកពេជ្រាដា ដោយឃាត់បានរថយន្តដឹកឈើម៉ាកឡង់គ្រីសឺកែច្នៃ១គ្រឿង ដែលផ្ទុកឈើ១៨កំណាត់ ដែលក្នុងនោះមានឈឺគគីរ៤កំណាត់ និងឈើទេព្រូ១៤កំណាត់ ។ ប្រតិបត្តិការនេះ នៅគ្រាដែលពួកឈ្មួញខិលខូចរៀងចំដឹកឈើចេញឆ្លងដែនទៅប្រទេសវៀតណាម ។
ប្រតិបត្តិការនៃការបង្ក្រាបនេះត្រូវបានលោក វុធ សារុំ នាយកដែនជម្រកសត្វព្រៃភ្នំណាមលៀ បានឲ្យដឹងថា តំបន់អូរតាំកន គឺស្ថិតនៅជាប់ហើយនៅជិតព្រំដែនវៀតណាម ដែលសមត្ថកិច្ចលំបាកក្នុងការធ្វើប្រតិបត្តិការចុះទៅដល់ ។ ម្យ៉ាងទៀត ដោយសារកម្លាំងមន្ត្រីការពារបរិស្ថានមានចំនួនតិច ដូច្នេះការល្បាតគឺមិនអាចគោលដៅមួយចំនួនឲ្យបានទៀងទាត់នោះទេ ។
ពួកឈ្មួញ និងជនខិលខូច តែងតែឆ្លៀតឱកាសនៅពេលដែលសមត្ថកិច្ចឆកល្វែង មិនបានចុះទៅដល់គោលដៅទាំងនោះ ។ យ៉ាងណាក៏ដោយ មន្ត្រីបរិស្ថាននៃតំបន់ដែនជម្រកសត្វព្រៃភ្នំណាមលៀ នៅតែបន្តខិតខំប្រឹងប្រែងបំពេញភារកិច្ចរបស់ខ្លួន មិនបានធ្វេសប្រហែលសនោះទេ ។
គួរបញ្ជាក់ថា រថយន្តឡង់គ្រីសឺដឹកឈើខាងលើនេះ ត្រូវបាសមត្ថកិច្ចយោធាឃាត់ដើម្បីទារប្រាក់ ។ នៅពេលដែលម្ចាស់ឈើមិនអាចរកលុយគ្រប់ចំនួន និងទាន់ពេលវេលា ទើបបណ្តាលឲ្យក្រុមមន្ត្រីបរិស្ថានចុះល្បាតប្រទះឃើញក៏ឃាត់ទាំងរថយន្ត និងឈើនោះតែម្តង ។
មន្ត្រីយោធាបានទារប្រាក់ពីម្ចាស់រថយន្តដឹកឈើនោះចំនួន៣ពាន់ដុល្លារ ។ ប៉ុន្តែម្ចាស់ឈើគ្មានលុយ និងកំពុងស្វះស្វែងរកលុយបន្ថែមទៀត ទើបធ្វើឲ្យរថយន្តដឹកឈើនោះមិនអាចធ្វើដំណើរឆ្លងដែនចូលទៅប្រទេសវៀតណាមបាន ៕
ចែករំលែកព័តមាននេះ