រាជធានីភ្នំពេញ ៖ រោងបុណ្យគំរប់ខួប៣ឆ្នាំមួយកន្លែង តាមបណ្តោយផ្លូវ៦២Rក្រុម៤ ភូមិទួលគោក សង្កាត់ទួលសង្កែទី១ ត្រូវបានអាជ្ញាធរខណ្ឌប្ញស្សីកែវ និងសង្កាត់ចុះទៅណែនាំអោយរុះរើចេញ បន្ទាប់ពីរោងបុណ្យនោះ សង់អត់ច្បាប់និងបង្កអោយកក់ស្ទះចរាចរណ៍មក ។ ការចុះឱ្យរុះរើរោងបុណ្យនេះ ធ្វើឡើងនៅព្រឹកថ្ងៃទី២០ មីនា នេះ ។ ទន្ទឹមនោះ ម្ចាស់រោងដែលគេអះអាងថា ជាមន្ត្រីនគរបាលនិងជាកូនលោកចៅសង្កាត់ទួលសង្កែ២ ព្រមទាំងក្រុមគ្រួសារក៏មានប្រតិកម្មថា មុនសាងសង់ក៏បានទូរស័ព្ទប្រាប់មេភូមិរួចហើយដែរ ។
ទន្ទឹមនោះ ម្ចាស់ឱ្យដឹងខាងលើឱ្យដឹងទៀតថា យូៗគាត់ធ្វើបុណ្យម្តង គួរមានការយោគយល់ ហើយការសង់នោះ ក៏ពុំបានបិទផ្លូវទាំងស្រុងនោះដែរ ។ តាមអាជ្ញាធរថា ការសុំច្បាប់អនុញាតសង់រោងបុណ្យ ឬរោងការយ៉ាងហោចណាស់ ម្ចាស់កម្មវិធីត្រូវសុំឱ្យបានមុន៣ថ្ងៃ ។ លើកលែងតែបុណ្យសពដែលមិនបានព្រៀងទុកមុន ។ តាមអាជ្ញាធរឱ្យដឹងទៀតថា រោងបុណ្យនេះ សង់ធំស្ទើរតែពេញផ្លូវ បង្កឱ្យមានការកកស្ទះ និងពុំបានសុំច្បាប់នោះទេដោយអាងខ្លួនជាប៉ូលិស និងត្រូវជាកូនចៅសង្កាត់ទួលសង្កែទី២ ។
ការសង់រោងការ ឬរោងបុណ្យលើផ្លូវសាធារណៈ ត្រូវសង់១ភាគ៣ នៃដងផ្លូវ ដើម្បីទុកអោយអ្នកដំណើរឆ្លងកាត់បាន ។ តាមព័ត៌មានឱ្យដឹងទៀតថា ការចុះទៅណែនាំឱ្យរុះរើរោងបុណ្យនេះ បន្ទាប់ពីលោកអភិបាលរាជធានីភ្នំពេញ បានធ្វើដំណើរឆ្លងកាត់មានការកកស្ទះបានបញ្ជាទៅអាជ្ញាធរចុះសួរនាំ អត់ច្បាប់បានណែនាំអោយរុះរើតែម្តង ។
លោកជា ពិសី អភិបាលខណ្ឌប្ញស្សីកែវ បានឱ្យដឹងដែរថា មុនដំបូង អាជ្ញាធរបានណែនាំឱ្យម្ចាស់សង់ តែ១ភាគ៣នៃទ្រូងផ្លូវ តែម្ចាស់់មិនស្តាប់ ក៏មានវិធានការរុះរើ តែក្រោយមកម្ចាស់ក៏បានហៅអ្នកសង់រោងមករុះរើ ហើយខិតចូលឱ្យតូចត្រឹមត្រូវតាមការអនុញ្ញាតវិញ ៕
ចែករំលែកព័តមាននេះ