រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានផ្តាំទៅលោកសម រង្ស៊ីថា កុំចាត់ទុកសហការរីកជាអតីតបក្សប្រឆាំងដែលសុំសិទ្ធិនយោបាយដូចជា ទំនិញលក់ដូរនោះទេ ។ ថ្លែងក្នុងជំនួបសំណេះសំណាលជាមួយកម្មករនៅខេត្តពោធិសាតិ៍ នាព្រឹកថ្ងៃទី២០ ខែមី នា ឆ្នាំ២០១៩នេះ សម្តេចតេជោបានបញ្ជាក់ថា «ខ្ញុំឃើញអាណាមួយបង្ហោះក្នុងហ្វេសប៊ុកថា អុ្នកសុំសិទ្ធិនយោបាយត្រូវបានទិញពី១០ម៉ឺនដុល្លារ ឬ២០ម៉ឺនដុល្លារ តែសុំផ្តាំទៅអ្នកកុំចាត់ទុកអតី តមន្ត្រីសហការីការរបស់អុ្នកជាទំនិញលក់ដូរ ឲ្យសោះ ។
កុំមើលស្រាលអ្នកដែលមិននូវជាមួយអ្នកឯង ហើយគេសុំសិទ្ធិនយោបាយសេរីភាព របស់គេក្លាយជាទំនិញដែលគេត្រូវទិញ ។ ហ៊ុន សែន គ្មានអ្វីចាំបាត់ ដើម្បីទៅទិញអ្នកណាទេ ព្រោះមនុស្សទាំងអស់នោះមិនមែនជាសត្វធាតុ ឬវត្ថុសម្រាប់លក់នោះទេ ។ យើងត្រូវផ្តល់ការគោរពចំពោះ សេរីភាពចំពោះមនុស្សទាំងអស់ ទោះបីអ្នកនោះនៅគណបក្សនយោបាយក៏ដោយយើងខ្ញុំគោរព» ។ សម្តេចក៏បានបញ្ជាក់ថា «នៅក្នុងបក្សនយោបាយណាក៏ដោយយើងខ្ញុំផ្តល់ការគោរព អ្នកចេញមកសុំសិទ្ធិនយោបាយ យើងខ្ញុំក៏គោរពអ្នកសុំសិទ្ធិនយោបាយ ហើយអ្នកមិនសុំ សិទ្ធិក៏យើងខ្ញុំគោរព ចំពោះសេចក្តីសម្រេចរបស់អ្នក ហេតុអ្វីបានជាអ្នកមើលងាយចំពោះ អ្នកដែលធ្លាប់ធ្វើការនៅជាមួយអ្នកបែរជាទំនិញលក់ដូរទៅវិញ អ្នកគណបក្សប្រជាជនមាន ចំណេះដឹងខ្ពស់ច្រើន ហើយគណបក្សខ្លះមានបណ្ឌិតពី ឬបីនាក់ ។
ពូមិននិយាយអួតអាងអ្វីទេ គណបក្សខ្លះគ្មានបញ្ញាវន្តស្មើរនឹងអ្នកផ្ទះរបស់ពូផង» ។ សម្តេចក៏បានលើកឡើងថា សម្តេចគ្មានលុយទិញអ្នកសុំសិទ្ធិនយោយោបាយនោះទេ ។ សម្តេចបញ្ជាក់ថា«ហ៊ុនសែន គ្មានលុយទិញ១០ ឬ២០ម៉ឺនដុល្លារនោះទេ ហើយបើហ៊ុន សែនមានលុយបែបនេះ ហ៊ុនសែន ធ្វើសាលាឲ្យពេញវាលនេះ ។ហ៊ុនសែនគ្មានលុយទិញទេ ហើយក៏គ្មានចាំបាច់ទិញទេ ធនធានមនុស្សរបស់គណបក្សប្រជាជនកម្ពុជាមិនទាន់ប្រើអស់ សក្តានុពលឲ្យត្រូវមុខជំនាញឡើយទេ » ។
សម្តេចគូសបញ្ជាក់ទៀតថា «អ្នកឯងត្រូវចាំ ចំណេះអ្នកឯងមិនទាន់គ្រប់គ្រាន់ទេ មិន ទាន់ត្រូវកាលីបគ្រប់គ្រងប្រទេសនោះទេ ហើយមិនទាន់ត្រូវដល់កាលីប សូម្បីជាអ្នកជំនួយការ របស់រដ្ឋមន្ត្រីម្នាក់របស់ហ៊ុន សែន ក៏មិនទាប់គ្រប់កាលីបដែរ » ។ សម្តេចបន្ថែមថា គេកសាងធនធានមនុស្សជាង៤០ឆ្នាំមកហើយ រាប់ទាំងក្បាលអ្នកឯងក៏គេបញ្ជូនទៅរៀន ។ មានម្នាក់នោះបានបង្ហោះហ្វេសប៊ុកថា តើខ្ញុំគួរប្រឆាំងគាត់ ឬអត់ បើគាត់ដឹកនាំប្រទេស បើគាត់បញ្ជូនខ្ញុំឲ្យទៅរៀននៅក្រៅប្រទេសនោះ» ។
សូមជម្រាបថា អតីតថ្នាក់ដឹកនាំអតីតសង្គ្រោះជាតោដែលទទួលបានសិទ្ធិធ្វើនយោបាយឡើងវិញនោះ រួមមានទី១- លោក គង់ គាំ អតីតទីប្រឹក្សាជាន់ខ្ពស់គណបក្សសង្គ្រោះជាតិ ទី២- លោក គង់ បូរ៉ា អតីតតំណាងរាស្ត្រគណបក្សសង្គ្រោះជាតិ ទី៣- លោក ស៊ីម សុវណ្ណនី និងទី៤- លោក រៀល ខេមរិន្ទ អតីតតំណាងរាស្ត្រនៃអតីតគណបក្សសង្គ្រោះជាតិ ទី៥- លោក អ៊ូ ច័ន្ទរ័ត្ន ទី៦- លោកស្រី ទេព សុទ្ធី ទី៧- លោក កង គឹមហាក់ ទី៨- លោក ជីវ កត្តា និងទី៩- លោក ច័ន្ទ សិលា៕
ចែករំលែកព័តមាននេះ