រាជធានីភ្នំពេញ ៖ នៅពេលដែលអ្នកមិនអាចបង្ហាញពីអារម្មណ៍នៅក្នុងខ្លួនអ្នកបានពេញលេញ ដោយសារតែមានការសង្ស័យ និងខ្វះទំនុកចិត្ត នោះអ្នកអាចនឹងមានភាពតានតឹង និងហត់នឿយ ។ ទោះបីជាគ្មានដំណោះស្រាយណាមួយក្នុងរយៈពេលមួយយប់ ដែលនឹងផ្លាស់ប្តូរអ្នក ទៅជាមនុស្សដែលមានទំនុកចិត្តក៏ដោយ ក៏ការប្រព្រឹត្ដល្អចំពោះខ្លួនអ្នក គឺជាជំហានដំបូង ដ៏ល្អក្នុងការបង្កើនទំនុកចិត្ត ។ ខាងក្រោមនេះជាជំហានមួយចំនួនដើម្បីឱ្យអ្នកចាប់ផ្តើមបាន។
១- ទទួលយក និងអភិវឌ្ឍន៍អ្វីដែលខ្លួនអ្នកមាន ៖
ការទទួលយកអ្វីដែលខ្លួនអ្នកមានមិនមែនមានន័យថា អ្នកត្រូវតែបោះបង់ចោលការអភិវឌ្ឍន៍ ខ្លួនឯងនោះទេ។ ប្រសិនបើមានផ្នែកណាមួយនៃជីវិតរបស់អ្នកដែលអ្នកចង់ផ្លាស់ប្តូរ អ្នកគួរតែកំណត់គោលដៅសម្រាប់ខ្លួនអ្នកដើម្បីជួយអ្នកឱ្យទៅដល់ទីនោះ។ សរសេរវាទុកនៅកន្លែង ណាមួយ ដូច្នេះអ្នកអាចតាមដានដំណើរការរបស់អ្នកបាននៅពេលក្រោយ។
២- កុំបណ្តោយឱ្យយោបល់របស់អ្នកដទៃមកកំណត់លើអ្នក និងអ្វីដែលអ្នកធ្វើ៖
ជៀសជាងការផ្តោតលើការវាយតម្លៃរបស់ខ្លន ដោយផ្អែកលើយោបល់អ្នកដទៃ អ្នកគួរតែព្យាយាមស្វែងរកតម្លៃរបស់អ្នកវិញ ដើម្បីឱ្យមានអារម្មណ៍ពេញចិត្តលើខ្លួនឯង។ ស្រមៃគិតពី គោលដៅរបស់អ្នក និងឈានជើងបន្តិចម្តងៗឆ្ពោះទៅកាន់គោលដៅនោះ ។ អ្នកគួរសរសេរទុកនៅ គោលដៅនោះ ដើម្បីឲ្យវានាំផ្លូវអ្នកបាន ។
៣- រាប់អានមនុស្សដែលមានគំនិតវិជ្ជមាន៖
ផ្នែកដ៏ធំមួយដែលជួយអោយអ្នកពេញចិត្តលើខ្លួនរបស់អ្នក គឺចំណាយពេលនៅជាមួយមនុស្ស ដែលតែងតែគាំទ្រអ្នក ហើយធ្វើឱ្យអ្នកមានអារម្មណ៍ល្អអំពីខ្លួនអ្នក។ ដូចគ្នានេះដែរ អ្នកគួរតែប្រុងប្រយ័ត្ននៅអ្វីដែលអ្នកបញ្ចេញទៅក្រៅ កំណត់ព្រំដែនមួយសម្រាប់មិត្តភក្តិណាមួយដែលទាញយកផលប្រយោជន៍ពីអ្នកច្រើនជាងជួយអ្នក។
៤- ធ្វើសមា្មធិ ៖
ចំណាយពេល 10-15 នាទីក្នុងមួយថ្ងៃធ្វើសម្មាធិនៅកន្លែងដែលមានផាសុខភាព ដោយអនុវត្ត ការដកដង្ហើម និងការរម្ងាប់អារម្មណ៍។ ការធ្វើបែបនេះនឹងជួយអ្នកឱ្យមានអារម្មណ៍ស្ងប់ ហើយវាក៏ជួយអ្នកពីការរំខានប្រចាំថ្ងៃផងដែរ។
៥- ធ្វើអ្វីដែលធ្វើឱ្យអ្នកសប្បាយចិត្ត៖
ទុកពេលវេលាមួយចំណែកដើម្បីធ្វើអ្វីដែលអ្នកចូលចិត្ត ជួនកាលការចូលរួមក្នុងសកម្មភាព សប្បាយរីករាយសម្រាប់បុព្វហេតុដ៏ល្អមួយ ក៏អាចជួយផ្តល់អារម្មណ៍ល្អ និងបង្កើនទំនុកចិត្តផងដែរ។
ជាពិសេសកុំភ្លេចវិនិយោគលើសុខភាពរាងកាយរបស់អ្នកក្នុងការព្យាបាលដែលមានគុណភាពល្អដែលនឹងផ្តល់ឱ្យអ្នកនូវទំនុកចិត្តទាំងក្នុង និងក្រៅ ។ កុំជឿលើអព្ភូតហេតុដែលមិនសមស្រប ។
ឧ. ត្រូវផ្តោតលើផលិតផលថែរក្សាស្បែកមានគុណភាពល្អដែលត្រូវបានណែនាំដោយ អ្នកជំនាញខាងសើស្បែកហើយត្រូវអត់ធ្មត់ក្នុងការព្យាបាលផងដែរ។
តើអ្នកបានយល់ពីចំណេះដឹងអ្វីដែលថ្មីទេ? ចុចទីនេះដើម្បីទៅកាន់ទំព័រហ្វេសប៊ុករបស់យើងនិងស្វែងយល់បន្ថែមពីការព្យាបាលស្នាម និងមុន ៕ ដោយសហការ
ចែករំលែកព័តមាននេះ