រាជធានីភ្នំពេញ ៖ ជនសង្ស័យពាក់ព័ន្ធគ្រឿងញៀន៥នាក់ត្រូវបានកម្លាំងនគរបាលខណ្ឌពោធិ៍សែនជ័យ បង្ក្រាបបានជាបន្តបន្ទាប់ កាលពីម៉ោង៣រសៀល ថ្ងៃទី១៩ ខែមីនា ឆ្នាំ២០១៩ នៅក្នុងភូមិត្រពាំងថ្លឹង១ សង្កាត់ចោមចៅ១…
រាជធានីភ្នំពេញ ៖ ជនសង្ស័យពាក់ព័ន្ធគ្រឿងញៀន៥នាក់ត្រូវបានកម្លាំងនគរបាលខណ្ឌពោធិ៍សែនជ័យ បង្ក្រាបបានជាបន្តបន្ទាប់ កាលពីម៉ោង៣រសៀល ថ្ងៃទី១៩ ខែមីនា ឆ្នាំ២០១៩ នៅក្នុងភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ។ ក្នុងនោះជនសង្ស័យ២នាក់ជាប់សង្ស័យថា ជាអ្នកជួញដូរថ្នាំញៀន និង៣នាក់ទៀត ក្នុងនោះមានស្រីផង ជាប់ពាក់ព័ន្ធនឹងការប្រើប្រាស់គ្រឿងញៀន ។
នគរបាលបានឲ្យដឹងថា ជនសង្ស័យដែលចាប់ខ្លួននោះ ១-ឈ្មោះ រស់ រ៉ូ ភេទប្រុស អាយុ១៩ឆ្នាំ ជាកម្មកររោងចក្រ ស្នាក់នៅក្នុងភូមិជើងឯក សង្កាត់ជើងឯក ខណ្ឌដង្កោ ជននេះមានថ្នាំញៀនចំនួន៤កញ្ចប់តូចនៅជាប់ខ្លួន ។
២-ឈ្មោះ ភួង វណ្ណៈ ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ ជននេះមានថ្នាំញៀន២កញ្ចប់នៅជាប់ខ្លួន ហើយជនសង្ស័យទាំង២នាក់នេះ គឺជាមុខសញ្ញាជួញដូរចែកចាយគ្រឿងញៀន។
ចំណែក៣-ឈ្មោះ ឆាយ លីម៉េង ភេទប្រុស អាយុ២១ឆ្នាំ មុខរបរកម្មកររោងចក្រ ៤-ឈ្មោះ ផល ផាត ភេទប្រុស អាយុ២៧ឆ្នាំ មុខរបរកម្មរោងក្រ និង៥-ឈ្មោះ ហឿន សុខុម ភេទស្រី អាយុ២៨ឆ្នាំ មុខរបរមិនពិតប្រាកដ អ្នកទាំង៣នាក់នេះ គឺជាមុខសញ្ញាប្រើប្រាស់គ្រឿងញៀន និងស្នាក់នៅបន្ទប់ជួលក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ ។
ប្រភពដដែលបន្តថា ការចាប់ខ្លួនជនសង្ស័យខាងលើ គឺធ្វើឡើងតាមរយៈការស្រាវជ្រាវ ហើយកម្លាំងទទួលបានការរាយការណ៍ពីប្រជាពលរដ្ឋថា មានសកម្មភាពជួញដូរ និងប្រើប្រាស់គ្រឿងញៀននៅចំណុចនោះ ទើបកម្លាំងចុះទៅកាន់ទីតាំងដែលប្រជាពលរដ្ឋរាយការណ៍ ក៏ឃើញជនសង្ស័យ២នាក់ជាអ្នកជួញដូរក៏ឃាត់ខ្លួនត្រួតពិនិត្យរកឃើញគ្រឿងញៀនជាប់ខ្លួន កម្លាំងក៏ធ្វើការសាកសួររហូតឈានដល់ការចាប់ខ្លួនអ្នកប្រើប្រាស់ជាបន្តបន្ទាប់ទៀតតែម្ដង។
ក្រោយពេលចាប់ខ្លួនជនសង្ស័យត្រូវបានបញ្ជូនទៅកាន់ផ្នែកព្រហ្មទណ្ឌនគរបាលខណ្ឌពោធិ៍សែនជ័យ ដើម្បីសួរនាំបន្ត និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់៕
ចែករំលែកព័តមាននេះ