រាជធានីភ្នំពេញ ៖ ខណៈដែលគណៈប្រតិភូសហភាពអឺរ៉ុបមកទស្សនកិច្ចនៅកម្ពុជា សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ការមកទស្សនៈកិច្ចរបស់ គណៈប្រតិភូមសហភាពអ៊ឺរ៉ុប គឺជារឿងមួយសម្រាប់តែអ្នកដែលត្រូវជួប ចំណែកសម្តេច នៅតែបន្តជួបកម្មករ កសិករជារឿងធម្មតា ។ មានប្រសាសន៍ក្នុងពិធីសំណេះសំណាល ជាមួយកម្មករនៅក្នុងខេត្តពោធិ៍សាត់ នាព្រឹកថ្ងៃទី២០ មីនា ឆ្នាំ២០១៩ សម្តេចក៏បាន លើកឡើងថា ចំពោះការបញ្ចូនគណៈប្រតិភូសហភាពអ៊ឺរ៉ុបមកកម្ពុជា គឺជារឿងមួយ តែសម្តេចនៅតែបន្តជួបជាមួយកម្មករជារឿងធម្មតា ។
សម្តេចបញ្ជាក់យ៉ាងដូច្នេះថា « គេថាប៉ុន្មានថ្ងៃមុនគេបញ្ចូនអ្នកមកដោះស្រាយរឿង EBA អឺដោះទៅ ហ៊ុន សែន ដើរជួបកម្មករនៅតែដើរជួប ហើយជួបកសិករនៅតែជួប ។ អ្នកណា ធ្វើអីធ្វើនឹងទៅ! រឿងអ្នកឯងចូលជួបអ្នកណាជួបទៅ តែរឿងសម្រេចចុងក្រោយ នាយករដ្ឋមន្ត្រីតែម្តង»។ ជាមួយគ្នានោះដែរសម្តេចក៏បានផ្តាំទៅ កម្មករថា កុំស្តាប់អ្នកណា និយាយពីអ្វីឲ្យសោះ ឬកុំស្តាប់អាណានិយាយពីអី ។ សម្តេចថា«បើក្មួយនៅមានការងារធ្វើ មានប្រាក់ចំណូល ក្មួយៗកុំខ្វល់អាណានិយាយពីអី! ពួកនេះទាល់តែនិយាយអាណានិយាយពីអី បើនិយាយពីអ្នកណានិយាយពីអីវាអត់ដឹងទេ ។
ទាល់តែឮសូរសំឡេងអីញ្ចឹងចាក់ចំត្រចៀកបានវាដឹង ហើយកុំបបួលភ្នាល់ បើបបួលស្បថបានយើងធ្វើ ព្រោះអានេះវាអត់ហ៊ានស្បថទេ ខ្លាចណាស់ ។ ព្រោះវានិយាយមុសាររហូតដល់មុសារគេបបួលស្បថវាខ្លាច ។ ឥឡូវបើវានិយាយមកអ្វីខុស គឺ វាខ្សត់ពាក្យស្បថហើយ ព្រោះរាល់ពាក្យស្បថថា ពាក្យមុសារ សូម្បីតែពេលសម្មាទាសីលក៏គេ មិនឲ្យនិយាយពាក្យមុសារដែរ»៕
ចែករំលែកព័តមាននេះ