រាជធានីភ្នំពេញ ៖ ក្មេងទំនើង២នាក់ផឹកស្រាស្រវឹងច្រឡំមនុស្សបានទៅវាយនារីវ័យក្មេងម្នាក់កំពុងតែអង្គុយផឹកស៊ីនៅមុខវត្តបុទុមវត្តីបែកក្បាល ត្រូវបានសមត្ថកិច្ចឃាត់ខ្លួនភ្លាមៗ បង្កឱ្យមានការភ្ញាក់ផ្អើលកាលពីម៉ោង4ទៀបភ្លឺ ថ្ងៃទី២០ ខែមីនា ឆ្នាំ២០១៩ តាមបណ្តោយផ្លូវសុធារស ចំណុចមុខវត្តបុទុមវត្តី…
រាជធានីភ្នំពេញ ៖ ក្មេងទំនើង២នាក់ផឹកស្រាស្រវឹងច្រឡំមនុស្សបានទៅវាយនារីវ័យក្មេងម្នាក់កំពុងតែអង្គុយផឹកស៊ីនៅមុខវត្តបុទុមវត្តីបែកក្បាល ត្រូវបានសមត្ថកិច្ចឃាត់ខ្លួនភ្លាមៗ បង្កឱ្យមានការភ្ញាក់ផ្អើលកាលពីម៉ោង4ទៀបភ្លឺ ថ្ងៃទី២០ ខែមីនា ឆ្នាំ២០១៩ តាមបណ្តោយផ្លូវសុធារស ចំណុចមុខវត្តបុទុមវត្តី ស្ថិតក្នុងសង្កាត់ចតុមុខ ខណ្ឌដូនពេញ ។
នារីរងគ្រោះខាងលើឈ្មោះហេង សុខហៀងអាយុ22ឆ្នាំ ស្នាក់នៅផ្ទះជួលគ្មានលេខ២ សង្កាត់ស្រះចក ខណ្ឌដូនពេញ ចំណែកជនវាយនារីរងគ្រោះឈ្មោះជី វ៉ា ភេទប្រុស អាយុ២១ឆ្នាំ ស្នាក់នៅសង្កាត់ជ្រោយចង្វារ ខណ្ឌជ្រោយចង្វារ ។
តាមប្រភពពីនារីរងគ្រោះបានឱ្យដឹងថា មុនកើតហេតុ ខ្លួនមានគ្នាទាំងអស់ជិត១០នាក់ មានស្រីមានប្រុស បានចេញមកពីក្លឹបកម្សាន្ត Play នៅម៉ោង២និង៣០នាទីរំលងអធ្រាត្រ ហើយបានបបួលគ្នាទៅអង្គុយផឹកបន្តនៅមុខវត្តបុទុមវត្តី ខណៈពេលកំពុងអង្គុយផឹកបានមួយសន្ទុះក្រោយមក ស្រាបតែលេចមុខជនសង្ស័យម្នាក់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរី២០១៩ ពាក់ស្លាកលេខភ្នំពេញ 1HC9933 ជិះមកវាយទៅលើរូបនាង បណ្តាលឱ្យរងរបួសបែកក្បាល រួចក៏ជិះម៉ូតូរត់គេចខ្លួន ប៉ុន្តែត្រូវមិត្តភក្តិរបស់នាងខឹងក៏ដេញវាយចំខ្សែក្រវ៉ាត់បែកក្បាលហូរឈាម ហើយរត់ទៅដល់ចំណុចមុខសាលាចតុមុខ ក៏ត្រូវសមត្ថកិច្ចឃាត់បានយកមកសួរនាំនៅប៉ុស្តិ៍ចតុមុខ ។
នារីរងគ្រោះបាននិយាយថា ខ្លួនពិតជាមិនដែលស្គាល់ជនបង្កពិតមែន ហើយមិនដឹងថាជនបង្កខឹងរឿងអីពីពេលណានោះទេ ។ ចំណែកជនបង្កពេលដែលឃាត់ខ្លួនយកទៅសួរនាំបានប្រាប់ថា រូបគេស្រវឹងហើយ វាយច្រឡំមនុស្សទេ ។
ក្រោយពេលកើតហេតុនារីរងគ្រោះបានទៅដាក់ពាក្យបណ្តឹងនៅប៉ុស្តិ៍រដ្ឋនគរបាលចតុមុខដោយនឹកឃើញថាអាណិកជន នារីរងគ្រោះក៏ដកពាក្យបណ្តឹងវិញ ដើម្បីបញ្ចប់រឿងនៅនឹងកន្លែងកើតហេតុ ៕
ចែករំលែកព័តមាននេះ