ខេត្តត្បូងឃ្មុំ ៖ ប្រជាពលរដ្ឋរស់នៅតាមបណ្តាស្រុកមួយចំនួន ក្នុងនោះឃុំដារ ស្រុកមេមត់ បានដាំម្រេចច្រើនជាងគេសរុបមានចំនួនជាង១.០០០ហិកតា សម្រាប់តំលៃទីផ្សារវិញធ្លាប់បានហក់ឡើងដល់ទៅ៤ម៉ឺនរៀលនិងបានចុះបន្តបន្ទាប់មកដល់សព្វថ្ងៃតំលៃ៨.០០០រៀលក្នុង១គីឡូក្រាម។ ហើយអាកាសធាតុក្តៅកាន់តែជះ ឥទ្ធិពលបណ្តាលឲ្យដើមម្រេចងាប់ច្រើន ក្នុងនោះមានអ្នកដែលខ្ចីបុលធនាគារឯកជនកំពុងតែព្រួយបារម្ភពិបាក នឹងរកលុយបង្វិលសងផងដែរ។
ស្ត្រីឈ្មោះធួន សុខលី អាយុ៣៩ឆ្នាំនៅភូមិសំរោង ឃុំទ្រៀក ស្រុកមេមត់ ប្រាប់ឲ្យដឹងថាៈដោយសារតែមើលឃើញតំលៃទីផ្សារម្រេចលក់បានថ្លៃជាងដំណាំផ្សេងៗនោះ គាត់ក៏បានចាប់ផ្តើមគិតនិងបានខ្ចីលុយធនាគារឯកជនជិត៤ម៉ឺនដុល្លារ ដើម្បីមកដាំម្រេចក្នុងឆ្នាំ២០១២និងបានដាំពង្រីកបន្តបន្ទាប់កើនដល់ទៅជាង៧.០០០ជន្លង់ ដោយសង្ឃឹងថាផលដែលបានមកនឹងលក់សងធនាគារ តាមដំណាក់កាល។
ស្ត្រីឈ្មោះសុខ លី ប្រាប់បន្តថា នៅក្នុងឆ្នាំ២០១៤តំលៃម្រេចបានចុះ នៅត្រឹមជាង២ម៉ឺនរៀលនិងបានបន្តចុះរហូតដល់ឆ្នាំ២០១៩នេះនូវត្រឹមជាង៨.០០០រៀលក្នុង១គីឡូក្រាម គាត់បានដើរប្រមូលទិញពីអ្នកភូមិរបស់គាត់ដោយក្នុង១ថ្ងៃបានចំនេញបានជាង៥ម៉ឺនរៀល សម្រាប់ចំណាយឲ្យកូនៗបានរៀនសូត្រនៅសាលារៀន។ ជីវភាពគ្រួសារទាំងមូលពឹងទៅលើរបរម្រេចនេះ ស្របពេលដែលតំលៃចុះថោកដូច្នេះបានបង្កផលវិបាកដល់រូបគាត់ ដោយពេលខ្លះរកលុយបង់ទៅឲ្យធនាគារសឹងមិនគ្រប់ជួនរកពេលត្រូវបានខាងធនាគារទូរស័ព្ទមកសួរនាំផងដែរ។ ក្នុងពេលខាងមុខបើតំលៃទីផ្សារម្រេចហក់ឡើងបានជាង២ម៉ឺនរៀលនោះ នឹងមិនសូវព្រួយក្នុងការរកលុយសងធនាគារ។
ស្ត្រីឈ្មោះហ៊ឹម ញ៉ អាយុ៥៦ឆ្នាំនៅភូមិដារ ឃុំដារ ស្រុកមេមត់ ប្រាប់ថា គាត់មានដី១ហិក តាបានចាប់ផ្តើមដាំម្រេចតំបូង៤០០ជន្លង់និងបន្ទាប់មក ដាំកើនដល់ទៅជាង៣០០០ជន្លង់ ដោយសារតែកក្តាអាកាសធាតុក្តៅនោះបានធ្វើឲ្យម្រេចរបស់គាត់ បានងាប់បន្តបន្ទាប់រហូតដល់អស់រលីងហើយនៅឆ្នាំ២០១៩ទើបតែបានជួសជុលដាំឡើងវិញបានជាង៤០០ជន្លង់ប៉ុណ្ណោះ ។ ទោះជាបែបនេះក្តីក៏ការប្រមូលផលម្រេចបន្តបន្ទាប់សរុបបានជាង៥តោន និងលក់បានលុយទិញដីបន្ថែម២ហិកតា សម្រាប់ចែកឲ្យកូនៗ។ សម្រាប់តំលៃម្រេចសព្វថ្ងៃតំលៃ៨.០០០រៀលក្នុង១គីឡូក្រាម មិនចំណេញនោះទេដោយជីថ្លៃនិងមួយផ្នែកចំណាយលើកម្លាំងពលកម្មក៏រាងថ្លៃទៀត ។
លោកហេង ពិសិដ្ឋ ប្រធានមន្ទីរកសិកម្មរុក្ខាប្រមាញ់និងនេសាទខេត្តវិញប្រាប់ឲ្យដឹងនៅល្ងាចថ្ងៃទី១៧មីនា ២០១៩ថា ផ្ទៃដីម្រេចនៅក្នុងខេត្តត្បូងឃ្មុំ មានចំនួនជាង១០០០ហិកតា ហើយតំលៃទីផ្សារវិញកាលពីឆ្នាំ២០១៨កន្លងទៅរាងថ្លៃបន្តិចជាងឆ្នាំ២០១៩ក្នុង១គីឡូក្រាម៨២០០រៀល។តាមគោលការណ៏របស់ថ្នាក់ដឹកនាំខេត្តដោយបានទាក់ទងក្រុមហ៊ុននៅបរទេស ឲ្យចុះមកទិញពីកសិករផ្ទាល់និងមានកិច្ចសន្យាត្រឹមត្រូវរវាងក្រុមហ៊ុននិងកសិករនោះ ដើម្បីជួយទិញកុំឲ្យម្រេចធ្វើបាន បែរមិនមានអ្នកទិញនោះហើយម្រេចរាល់ថ្ងៃឈ្មួញប្រមូលទិញ យកទៅលក់នៅប្រទេសវៀតណាម៕
ចែករំលែកព័តមាននេះ