គ្រូពេទ្យបានព្រមានថា ការផឹកភេសជ្ជៈប៉ូវកម្លាំងច្រើនអាចជាមូលហេតុមួយ ក្នុងចំណោមមូលហេតុជាច្រើនទៀត ដែលធ្វើឱ្យកើតមានជំងឺទឹកនោមផ្អែមច្រើននៅកម្ពុជា ។
លោក ងួន សេរ័ត្ន ស្ថាបនិកវេ៉បសាយសុខភាព health.com.kh បាននិយាយថា ភេសជ្ជៈប៉ូវកម្លាំង ភាគច្រើនមានជាតិស្ករខ្ពស់ ហើយការទទួលទានជាតិស្ករច្រើន នឹងអាចធ្វើឱ្យមនុស្សកើតជំងឺទឹកនោមផ្អែមបាន ។
លោកពន្យល់ថា នៅក្នុងភេសជ្ជៈប៉ូវកម្លាំងជាទូទៅ មានសារធាតុសំខាន់ពីរ គឺជាតិស្ករ និងជាតិកាហ្វេអុីនដែលសារធាតុទាំងពីរនេះ ធ្វើឱ្យយើងមានថាមពលខ្លាំង ។
ចំណែកឯកសារផ្លូវការមួយរបស់ក្រសួងសុខាភិបាលបាននិយាយថា ប្រជាជនកម្ពុជាចំនួនជាង៦ ២០០០នាក់ បានកមកពិគ្រោះនិងពិនិត្យជំងឺទឹកនោមផ្អែមនៅតាមមន្ទីរពេទ្យរដ្ឋនៅឆ្នាំ២០១៨ ។
ចំនួនអ្នកកើតជំងឺនេះ ត្រូវគេគិតថា នឹងច្រើនជាងនេះដោយសារមនុស្សមួយចំនួន ប្រើសេវាសុខភាពឯកជន និងមួយចំនួនទៀត ប្រហែលជាមិនបានពិនិត្យសុខភាពទៀងទាត់ឡើយ ៕
ចែករំលែកព័តមាននេះ