ប្រទេសចិន ៖ អាជ្ញាធរចិនកាលពីថ្ងៃទី១៨ មីនា បានលើកហេតុផលនៃការបង្ក្រាបប្រឆាំងសហគមន៍អ៊ួយហ្គួរ កាន់សាសនាអ៊ិស្លាម ក្នុងខេត្ត XINJIANG ភាគខាងលិចប្រទេសដោយអះអាងថា បានចាប់ភេរវករជិត១៣.០០០នាក់ ចាប់តាំងពីឆ្នាំ២០១៤មក។
ចិនអះអាងថា ចាំបាច់ត្រូវចាត់វិធានការបង្ក្រាបទាំងនេះ ដើម្បីប្រយុទ្ធប្រឆាំងលទ្ធិជ្រុលនិយម ហើយរារាំងការវាយប្រហារនានា ក្នុងតំបន់នោះដែលមានសហគមន៍អ៊ិស្លាមធំមួយ។
សៀវភៅសចិនមួយចេញផ្សាយនាថ្ងៃទី១៨មីនាគូសបញ្ជាក់ថា ចាប់តាំងពីឆ្នាំ២០១៤មក អាជ្ញាធរខេត្តXINJIANGតបានកម្ទេចជនខិលខូចសាហាវនិងប្រព្រឹត្តភេរវកម្ម១៥៨៨ក្រុម ដោយចាប់ខ្លួនភេរវករ១២.៩៩៥នាក់ រឹបអូសបានគ្រឿងផ្ទុះចំនួន២០៥២ ដាក់ទោសមនុស្ស៣០.៦៤៥នាក់ ពីបទធ្វើភេរវកម្មសាសនាខុសច្បាប់ ព្រមទាំងរឹបអូសសៀវភៅឯកសារសាសនាខុសច្បាប់៣៤៥.២២៩ច្បាប់៕
ចែករំលែកព័តមាននេះ