ប្រទេសឥណ្ឌូណេស៊ី ៖ មនុស្សជាង៦០នាក់ត្រូវស្លាប់ ហើយច្រើនសិបនាក់ទៀតរងរបួសកាលពីថ្ងៃទី១៦មីនា ដោយសារភ្លៀងធ្លាក់ខ្លាំ ងនិងការបាក់ដី នៅខេត្តប៉ាពូអាស៊ីឥណ្ឌូណេស៊ី។ តុល្យការប្រកាសដោយទីភ្នាក់ងារគ្រប់គ្រងគ្រោះមហន្តរាយឥណ្ឌូស៊ី នាព្រឹកថ្ងៃទី១៧មីនា អាចមានខ្ពស់ជាងនេះទៀត…
ប្រទេសឥណ្ឌូណេស៊ី ៖ មនុស្សជាង៦០នាក់ត្រូវស្លាប់ ហើយច្រើនសិបនាក់ទៀតរងរបួសកាលពីថ្ងៃទី១៦មីនា ដោយសារភ្លៀងធ្លាក់ខ្លាំ ងនិងការបាក់ដី នៅខេត្តប៉ាពូអាស៊ីឥណ្ឌូណេស៊ី។ តុល្យការប្រកាសដោយទីភ្នាក់ងារគ្រប់គ្រងគ្រោះមហន្តរាយឥណ្ឌូស៊ី នាព្រឹកថ្ងៃទី១៧មីនា អាចមានខ្ពស់ជាងនេះទៀត ខណៈផ្ទះជាច្រើនសិបខ្នងរងការខូចខាត។ ភ្លៀងធ្លាក់ខ្លាំងដែលនាំឲ្យមានការបាក់ដី កើតឡើងជាពិសេសនៅតំបន់សេនតានី ចម្ងាយប្រមាណជា២០គីឡូម៉ែត្រពីក្រុងហ្សាយ៉ាពូរ៉ាទីប្រជុំជនខេត្ត។
លោកSUTOPO PURWO NUGROHO អ្នកនាំពាក្យរបស់ទីភ្នាក់ងារគ្រប់គ្រងគ្រោះមហន្តរាយជាតិគូសបញ្ជាក់ថា ចំនួនជនរងគ្រោះអាចមានការកើនឡើង ដោយក្រុមអ្នកសង្គ្រោះបន្តខិតខំតាមរុករក ក្នុងតំបន់រងការប៉ះពាល់ឯទៀតៗ។ លោកបន្តថាទឹកបានស្រកចុះទៅវិញ ប៉ុន្តែអាជ្ញាធរនៅបន្តជម្លៀសមនុស្សចេញ ហើយគេនៅពុំទាន់ចូលទៅដល់គ្រប់តំបន់រងការប៉ះពាល់នៅឡើយ ដោយសារដើមឈើរលំបាក់ រាយប៉ាយ ភក់និងថ្មរាំងផ្លូវ។
ក្រោយភ្លៀងធ្លាក់់ខ្លាំងបំផុតទឹកជំនន់ភ្លាមៗបានហូរបុកពេញបន្ទុក ហើយនាំយកទៅជាមួយនូវអ្វីៗដែលនៅពីមុខ។ ដើមឈើទាំងឡាយរលើងដួលរាយប៉ាយនៅលើដី។ ទឹកបានហូរបុកខ្លាំងបំផុតនៅមូលដ្ឋានសេនតានី។ វីដេអូមួយចំនួនថតពីលើ បង្ហាញផ្ទះទាំងឡាយកប់ដោយទឹកភក់។ ខណៈចំនួនជនរងគ្រោះមានការកើនឡើងរយៈពេលប៉ុន្មានម៉ោងចុងក្រោយនេះ ការជួយសង្គ្រោះហាក់ដូចជាមានការយឺតយ៉ាវ ក្នុងតំបន់ដែលពិបាកចូល ដោយសារទឹកជន់លិច។
នៅឯព្រលានយន្តហោះក្រុងហ្សាយ៉ាពូរ៉ា យន្តហោះតូចមួយហាក់ដូចជារងការខូចខាតដោយទឹកជំនន់។ ទោះបីយ៉ាណាព្រលានយន្តហោះនោះនៅតែបើកដំណើរការ។
ទឹកជំនន់និងការបាក់ដីកើតមានញឹកញាប់ ក្នុងរដូវភ្លៀងនៅឥណ្ឌូណេស៊ី ពីខែតុលាដល់ខែមេសា។ កាលពីខែមករាកន្លងទៅនេះ មនុស្សយ៉ាងតិច៧០នាក់បានត្រូវស្លាប់ ដោយសារទឹកជំនន់និងការបាក់ដីនៅភាគខាងត្បូងនៃខេត្តសេឡែប៕
ចែករំលែកព័តមាននេះ