រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសាន បានបញ្ជាក់ថា នៅក្នុងប្រទេសកាន់លទ្ធិប្រជាធិបតេយ្យស្វាគមន៍ចំពោះអ្នកចង់សុំសិទ្ធិធ្វើនយោបាយឡើងវិញ ។ លោកសុខ ឥសាន បានឲ្យដឹងនៅថ្ងៃទី១៨…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោកសុខ ឥសាន បានបញ្ជាក់ថា នៅក្នុងប្រទេសកាន់លទ្ធិប្រជាធិបតេយ្យស្វាគមន៍ចំពោះអ្នកចង់សុំសិទ្ធិធ្វើនយោបាយឡើងវិញ ។ លោកសុខ ឥសាន បានឲ្យដឹងនៅថ្ងៃទី១៨ ខែមីនានេះថា គ្រាន់តែមានអ្នកនយោបាយ៤នាក់បានទទួលសិទ្ធិធ្វើនយោបាយឡើងវិញប្រជាជនកម្ពុជាទូទៅបានកត់សម្គាល់ឃើញថាលទ្ធិប្រជាធិបតយ្យនៅកម្ពុជានៅតែមានជីវិតរស់រវើក និងមានសុពលភាពដដែលដែលអ្នកនយោបាយមានសិទ្ធិសេរីភាពគ្រប់គ្រាន់ក្នុងការសម្រេចចិត្តដោយឯករាជ្យក្នុងជីវភាពនយោបាយរបស់ខ្លួន ។
លោកបានបន្តថា អ្នកដែលបានដាក់ពាក្យសុំនីតិសម្បទានយោបាយឡើងវិញស្របតាមច្បាប់វិសោធនកម្មច្បាប់ស្តីពីគណបក្សនយោបាយ និងនីតិវិធីរបស់ក្រសួងមហាផ្ទៃ អ្នកនោះនឹងទទួលបានសិទ្ធិធ្វើនយោបាយវិញភ្លាមដូចបំណង ។ ចំណែកអ្នកដែលមិនបានដាក់ពាក្យអ្នកទាំងនោះក៏មិនទទួលបានសិទ្ធិធ្វើនយោបាយដែរទៅស្របតាមសំណូមពររបស់ខ្លួន ។ លោកបញ្ជាក់ថា«ដូច្នេះបញ្ហាស្ថិតនៅលើសិទ្ធិសម្រេចចិត្តដោយឯករាជ្យរបស់ម្នាក់ៗគ្មានអ្នកណាគាបសង្កត់ ឬគំរាមកំហែងខ្លួនឡើយ ។
បើខ្លួនឯងចង់បាន គឺបាន តែបើខ្លួនឯងមិនចង់បានទេក៏មិនបានដែរ ។ ត្រង់នេះសរបញ្ជាក់ថាជីវិតនយបាយរបស់ខ្លួន គឺស្ថិតនៅលើខ្លួនឯងម្នាក់ៗទេ មិនរណបលើអ្នកដទៃឡើយ» ។ អ្នកនាំពាក្យបក្សកាន់អំណាចបានបន្ថែមថា នេះបង្ហាញពីសិទ្ធិនយោបាយនៅកម្ពុជាត្រូវបានបើកចំហរ និងស្វាគមន៍ជានិច្ចចំពោះគ្រប់អ្នកនយោបាយពាក់ព័ន្ធអំពីនីតិសម្បទានយោបាយរបស់ខ្លួនដែលសាម៉ីខ្លួនជាអ្នកទទួលខុសត្រូវដោយខ្លួនឯងផ្ទាល់ ។
សូមជម្រាបថា ការលើកឡើងរបស់អ្នកនាំពាក្យគណបក្សកាន់អំណាចនេះ បន្ទាប់ពីសម្តេច សេនាវិបុលភក្តីសាយ ឈុំ ប្រមុខរដ្ឋស្តីទីបានផ្តល់នីតិសម្បទាសិទ្ធិនយោបាយដល់លោក រៀល ខេមរិន្ទ្រ អតីតតំណាងរាស្ត្រគណបក្សសង្គ្រោះជាតិ ។ សម្រាប់ថា បើតាមអ្នកនាំពាក្យក្រសួងមាហាផ្ទៃក៏បានឲ្យដឹងថា នឹងមានអតីតមន្ត្រីបក្សប្រឆាំងសុំសិទ្ធធ្វើនយោបាយចំនួន២៦នាក់ ។
អតីតមន្ត្រីគណបក្សប្រឆាំងចំនួន៤នាក់ ហើយត្រូវបានព្រះមហាក្សត្រព្រះរាជទានផ្តល់នីតិសម្បទាសិទ្ធិនយោបាយ ៕
ចែករំលែកព័តមាននេះ