រាជធានីភ្នំពេញ ៖ ដើម្បីកាត់បន្ថយការកកកុញនៅក្នុងមន្ទីរឃុំឃាំងនោះសម្តេចតេជោហ៊ុន សែន នាយករដ្ឋមន្ត្រីបានជំរុញរដ្ឋមន្ត្រីក្រសួងយុត្តិធម៌ និងភាគីពាក់ព័ន្ធត្រូវពន្លឿនការដោះស្រាយករណីឃុំខ្លួនពិរុទ្ធជនហួសការកំណត់ក្នុងនោះក៏ផ្តោតលើស្ត្រី ។ ថ្លែងក្នុងពិធីប្រគល់វិញ្ញាបនបត្រ និងសញ្ញាបត្រដល់សិស្សនិស្សិតនៃវិទ្យាស្ថានខ្មែរជំនាន់ថ្មី នាព្រឹកថ្ងៃទី១៨ ខែមីនា ឆ្នាំ២០១៩ នៅវិទ្យាស្ថានជាតិអប់រំសម្តេចតេជោបន្តជំរុញឲ្យក្រសួងយុត្តិធម៌ត្រូវពន្លឿនការដោះស្រាយរឿងរ៉ាវស្ត្រីដែលជាប់ឃុំឃាំង ដើម្បីពិនិត្យមើលថា តើមាននរណាខ្លះដែលគួរត្រូវបានលើកលែងទោស ពីព្រោះបច្ចុប្បន្ននេះសម្តេចតេជោបានកំពុងដំណើរការនូវការបង្កើតក្រុមមេធាវី ដើម្បីការពារក្តីដល់ស្ត្រីក្រីក្រ ។
ទន្ទឹមនឹងនេះសម្ដេចតេជោនាយករដ្ឋមន្ត្រីបញ្ជាឲ្យក្រសួងយុត្តិធម៌ត្រូវពន្លឿនការងារនេះបន្ថែមទៀតឲ្យទាន់ពេលវេលា ។ សម្តេចតេជោ ហ៊ុនសែន នាយករដ្ឋមន្ត្រីបានលើកឡើងថាដោយសារតែគេដឹងថា ខ្ញុំបានបង្កើតក្រុមមេធាវីការពារក្តីឲ្យស្ត្រីជនក្រីក្រ អីញ្ចឹងទេទន្ទឹមនឹងថវិកាដែលមានរួចហើយខ្ញុំបានទទួលថវិកាបាន៤ពាន់លានរៀល និងស្មើរមួយ១លានដុល្លារថែមទៀត ដើម្បីរៀបចំឲ្យមេធាវីរបស់ខ្ញុំដំណើរការទៅមុខបានលឿនក្នុងការពារក្តីឲ្យស្ត្រី ។
សម្តេចបានបញ្ជាក់ថា ស្ត្រីដែលនៅក្នុងមន្ទីរឃុំឃាំងពេលមើលទៅឃើញច្បាស់ហើយថា អ្នកជាប់ឃុំដែលជាទណ្ឌិតពិតប្រាកដមានចំនួន១ភាគ៣ ចំណែកពិរុទ្ធជនមានចំនួន២ភាគ៣ ។ ពិរុទ្ធជនមានន័យមិនទាន់កាត់ទោស ។ អីញ្ចឹងបញ្ហានេះតុលាការគ្រប់ជាន់ថ្នាក់ និងរដ្ឋមន្ត្រីក្រសួងយុត្តិធម៌ត្រូវធ្វើការងារនឹងឲ្យលឿន ។ បើមិនចឹងទេចាប់គេទៅឃុំខ្លួនខុសកាលពីប៉ុន្មានឆ្នាំមុនលើកចំណោតឡើងថា ខ្វះកន្លែងសវនាការ អីញ្ចឹងកាលនឹងខ្ញុំបានឲ្យជួលកន្លែងធ្វើសវនការកុំឲ្យនិយាយថា ខ្វះកន្លែងសវនាការ ។
ឥឡូវនេះនិយាយនេះ និយាយពីខ្វះមេធាវី អាឡូវនេះខ្ញុំរុញមេធាវីទៀត ។ ហើយមេធាវីដែលខ្ញុំ រុញនោះមានមេធាវីមួយរុញឲ្យលុយទៅតាមគណៈមេធាវី ។ មួយទៀតទៅតាមក្រសួងកិច្ចការនារី ។ អាឡូវនេះខ្ញុំបង្កើតមេធាវីរបស់ខ្លួនផ្ទាល់ ដើម្បីបញ្ជូនចំនួន២នាក់ទៅតាមបណ្តាលខេត្ត ហើយចង់ច្រើនជាងនេះក៏ត្រូវមានដែរ ព្រោះពេលនេះថវិកាបានបញ្ចូលទៅក្នុងកុងធនាគារជាង៦ពាន់លានរៀលស្មើនឹងជាង១លានដុល្លារ» ។ សម្តេចក៏បានលើកឡើងថា មេធាវីដែលសម្តេចបង្កើតឡើងមិនយកកម្រៃនោះទេ ប៉ុន្តែនេះជាធម្យោបាយដែលយើងឲ្យគេធ្វើការ ។ សម្តេចក៏បានបញ្ជាក់ពីមូលហេតុដែលមន្ទីរឃុំខ្លួនមានការណែនដោយសារថ្ងៃមុនគណៈកម្មការសិទ្ធិមនុស្សរបស់លោកកែវ រ៉េមី ទៅជាមួយក្រសួងកិច្ចការនារីទៅជាមួយមេធាវីទៅដល់បានឃើញចំនុចដែលមិនបានកាត់ក្តីមានចំនួនច្រើន ។ ប៉ុន្តែឥឡូវខ្ញុំឲ្យអាទិភាពជាមួយនឹងស្ត្រីក្រីក្រ អីចឹងបានស្នើឲ្យមេធាវីខ្ញុំ អ្វីដែលសុំឲ្យនៅក្រៅឃុំបានស្នើ ដើម្បីបន្តក្តីក្តាំបន្តទៀត ។
សម្តេចក៏បានលើកឡើងថា មានស្ត្រីមួយចំនួនមានកូននៅក្នុងពន្ធនាគារ ហើយពេលខ្លះក៏មានផ្ទៃពោះនៅក្នុងពន្ធនាគារ ប៉ុន្តែយើងក៏មិនបានលើកលែងចំពោះករណីអ្នកប្រព្រឹត្ត្តកម្ម ។ ដូចជាមានស្ត្រីមានជាប់គុករហូតដល់១២០ឆ្នាំ ព្រោះទោសបានប្រព្រឹត្តទោសច្រើនពេលដែលស្លាប់មនុស្សនៅទីនេះ សម្លាប់នៅទីនោះតាមរយៈធ្វើសកម្មភាពប្រដាប់អាវុធជារឿងមួយផ្សេង ។ សម្តេចក៏បានអំពាវនាវឲ្យមានការយកចិត្តទុកដាក់ទាំងអស់ ដើម្បីកាត់បន្ថយបទល្មើសឧក្រិដ្ឋកម្ម ។ តែម្យ៉ាងអ្នកខ្លះរឿងខ្លះនៅក្នុងមន្ទីរឃុំឃាំងកកកុញឲ្យមនុស្សដែលជាទណ្ឌិតដែលបានកាត់ទោសរួចហើយ គឺត្រូវរៀបចំឲ្យនៅម្ខាង ដើម្បីរៀបចំបែបបទដោយអ្នកណាមានទោស ប៉ុន្មានរៀបចំស្នើសុំតាមព្រះរាជពិធីបុណ្យនីមួយៗក្នុងការស្នើសុំព្រះមហាក្សត្រ ដើម្បីបន្ធូប ន្ថយទោស ឬលើកលែងទោស ។
សម្តេចក៏បានលើកឡើងថា ការឃុំខ្លួនពិរុទ្ធដែលហួសកំណត់ គឺជាការខុស ដូច្នេះត្រូវបង្កើនល្បឿន ហើយខ្ញុំស្នើសុំឲ្យរដ្ឋមន្ត្រីក្រសួងយុត្តិធម៌ និងភាគីពាក់ព័ន្ធធ្វើកិច្ចការងារនេះ ។ សម្តេចក៏បានលើកឡើងថា សម្តេចនឹងបន្ថែមមេធាវីរបស់សម្តេច ដើម្បីសិក្សាលើកសំណុំរឿងចាស់ ហើយមិនបោះបង់ចោលសំណុំរឿងដែលទើបនឹងកើតមានដែរ ៕
ចែករំលែកព័តមាននេះ