ខេត្តសៀមរាប ៖ កម្លាំងសមត្ថកិច្ចខេត្តកំពង់ធំបានសហការជាមួយកម្លាំងប៉ូលិសព្រហ្មទណ្ឌកំរិតស្រាលនៃស្នងការនគបាលខេត្តសៀមរាបបានចុះអនុវត្តតាមដីការបស់តំណាងអយ្យការខេត្តកំពង់ធំបញ្ជាឱ្យនាំខ្លួនថៅកែលក់រថយន្តដ៏ធំមួយនៅកណ្តាលក្រុងសៀមរាប ដោយជាប់ពាក់ព័ន្ធករណីសមគំនិត, ទទួលផលចោរកម្ម និងអំពើឆបោក ។ ការចុះឃាត់ខ្លួនថៅកែលក់រថយន្តម្នាក់ខាងលើបានធ្វើឡើងកាលពីថ្ងៃទី១៥ ខែមីនា ឆ្នាំ២០១៩…
ខេត្តសៀមរាប ៖ កម្លាំងសមត្ថកិច្ចខេត្តកំពង់ធំបានសហការជាមួយកម្លាំងប៉ូលិសព្រហ្មទណ្ឌកំរិតស្រាលនៃស្នងការនគបាលខេត្តសៀមរាបបានចុះអនុវត្តតាមដីការបស់តំណាងអយ្យការខេត្តកំពង់ធំបញ្ជាឱ្យនាំខ្លួនថៅកែលក់រថយន្តដ៏ធំមួយនៅកណ្តាលក្រុងសៀមរាប ដោយជាប់ពាក់ព័ន្ធករណីសមគំនិត, ទទួលផលចោរកម្ម និងអំពើឆបោក ។
ការចុះឃាត់ខ្លួនថៅកែលក់រថយន្តម្នាក់ខាងលើបានធ្វើឡើងកាលពីថ្ងៃទី១៥ ខែមីនា ឆ្នាំ២០១៩ ស្ថិតនៅផ្ទះជនត្រូវចោទ ក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប ។
ជនជាប់ចោទខាងលើឈ្មោះ តឹក គង់ ភេទប្រុស មានទីលំនៅក្នុងភូមិតាវៀន សង្កាត់សាលាកំរើក ក្រុងសៀមរាប ខេត្តសៀមរាប ជាថៅកែលក់រថយន្តយីហោ តឹក គង់ ។
តាមប្រភពពីសមត្ថកិច្ចជំនាញខេត្តសៀមរាបបានប្រាប់ឱ្យដឹងកាលពីរសៀលថ្ងៃទី១៧ ខែមីនា ឆ្នាំ២០១៩នេះថា មុនឈានដល់ការឃាត់ខ្លួនថៅកែលក់រថយន្តដ៏ធំមួយនៅក្រុងសៀមរាបនោះ គឺដោយមានការសហការជាមួយកម្លាំងនគរបាលខេត្តកំពង់ធំបានអនុវត្តដីកាបញ្ជាឱ្យនាំខ្លួនជនត្រូវចោទ ដែលចេញដីកាដោយតំណាងអយ្យការខេត្តកំពង់ធំ ទើបកម្លាំងជំនាញខេត្តសៀមរាបចុះទៅដល់ផ្ទះជនជាប់ចោទ រួចធ្វើការឃាត់ខ្លួនប្រគល់ឱ្យសមត្ថកិច្ចខេត្តកំពង់ធំបញ្ជូនទៅតុលាការខេត្តកំពង់ធំវិញ ដើម្បីធ្វើការសួរនាំតាមនីតិវិធីច្បាប់។
បច្ចុប្បន្ន ជនជាប់ចោទឈ្មោះ តឹក គង់ ដែលជាថៅកែលក់រថយន្តដ៏ធំក្នុងក្រុងសៀមរាប នោះត្រូវបានកម្លាំងជំនាញខេត្តសៀមរាបប្រគល់ទៅឱ្យកម្លាំងជំនាញខេត្តកំពង់ធំបញ្ជូនទៅសាលាដំបូងខេត្តកំពង់ធំ ដើម្បីធ្វើការស៊ើបសួរ និងកសាងសំណុំរឿងចាត់ការទៅតាមនីតិវិធីច្បាប់៕
ចែករំលែកព័តមាននេះ