ប្រគល់ថវិកាជូនដល់ក្រុមគ្រួសារសពលោកនាយរងប៉ុស្តិ៍នគរបាលរដ្ឋបាលតាសែន
- បាត់ដំបង
ខេត្តបាត់ដំបង ៖ កាលពីព្រឹកថ្ងៃទី១៧ ខែមីនា ឆ្នាំ ២០១៩ លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង…
ខេត្តបាត់ដំបង ៖ កាលពីព្រឹកថ្ងៃទី១៧ ខែមីនា ឆ្នាំ ២០១៩ លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង…
ខេត្តបាត់ដំបង ៖ កាលពីព្រឹកថ្ងៃទី១៧ ខែមីនា ឆ្នាំ ២០១៩ លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងជាប្រធានគណៈកម្មាធិការមូលដ្ឋានសមាគម មិត្តនគរបាលជាតិកម្ពុជានៃស្នងការដ្ឋាននគរបាលខេត្តបាត់ដំបងបានចាត់តាំងលោកឧត្តមសេនីយ៍ត្រី សៅ សាម៉ុន ស្នងការរងផែនការងារធនធានមនុស្ស និងជាអនុប្រធានគណៈកម្មាធិការមូលដ្ឋានសមាគមមិត្តនគរបាលជាតិកម្ពុជានៃស្នងការដ្ឋាននគរបាលខេត្តបាត់ដំបងជាតំណាងក្នុងការប្រគល់ថវិកាសមាគមមិត្តនគរបាលជាតិកម្ពុជាជូនដល់ក្រុមគ្រួសារសពលោកអនុសេនីយ៍ត្រី ដន ឡុង នាយរងប៉ុស្តិ៍នគរបាលរដ្ឋបាលតាសែន នៃអធិការដ្ឋាននគរបាលស្រុកកំរៀង ចំណុះស្នងការដ្ឋាននគរបាលខេត្តបាត់ដំបង ដែលលោកបានទទួលមរណៈភាពកាលពីវេលាម៉ោង៦ និង២១នាទីព្រឹកថ្ងៃទី១៦ ខែមីនា ឆ្នាំ២០១៩ ដោយរោគាពាធ និងកំពុងតំកល់ធ្វើបុណ្យតាមប្រពៃណីក្នុងលំនៅដ្ឋាននៃសព ស្ថិតនៅភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង ដែលមានថវិកាសមាគមមិត្តនគរបាលជាតិកម្ពុជាចំនួន៦លានរៀល(ប្រាំមួយលានរៀល)ត្រូវបានប្រគល់ជូនក្រុមគ្រួសារសពដើម្បីបានចាត់ចែងប្រើប្រាស់ក្នុងពិធីបុណ្យនេះផងដែរ ។
លោកឧត្តមសេនីយ៍ត្រី សៅ សាម៉ុន បានពាំនាំនូវការផ្តាំផ្ញើចូលរួមរំលែកទុក្ខពីសំណាក់ថ្នាក់ដឹកនាំក្រសួងមហាផ្ទៃ អគ្គស្នងការដ្ឋាននគរបាលជាតិ នាយកដ្ឋានបុគ្គលិក និងថ្នាក់ដឹកនាំស្នងការដ្ឋាននគរបាលខេត្តបាត់ដំបងចំពោះក្រុមគ្រួសារសព ហើយបានសម្តែងនូវអំណរគុណយ៉ាងជ្រាលជ្រៅចំពោះការយកចិត្តទុកដាក់គិតគូរពីសុខទុក្ខនិងការលំបាករបស់ក្រុមគ្រួសារមន្ត្រីនគរបាលជាតិកម្ពុជា ពីសំណាក់ថ្នាក់ដឹកនាំគ្រប់ជាន់ថ្នាក់ ជាពិសេសថ្នាក់ដឹកនាំក្រសួងមហាផ្ទៃដែលមានសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនិងជាប្រធានកិត្តិយសសមាគមមិត្តនគរបាលជាតិកម្ពុជា លោកនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិនិងជាប្រធានសមាគមមិត្តនគរបាលជាតិកម្ពជា ព្រមទាំងលោកនាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ ប្រធាននាយកដ្ឋានបុគ្គលិក និងជាអគ្គលេខាធិការសមាគមមិត្តនគរបាលជាតិកម្ពុជា ។
ក្នុងពេលនោះដែរ ក្រុមគ្រួសារសពបានថ្លែងអំណរគុណចំពោះការយកចិត្តទុកដាក់ពីថ្នាក់ដឹកនាំចំពោះការចូលរួមមរណទុក្ខនេះ ហើយព្យាយាមថែរក្សាអប់រំកូនឲ្យបានចូលរៀនសូត្រយកចំណេះដឹងតាមតម្រូវការដែលប្រទេសជាតិកំពុងត្រូវការកូនអ្នកបន្តវេណដើម្បីរួមចំណែកកសាង អភិវឌ្ឍន៍ប្រទេសជាតិឲ្យកាន់តែរីកចំរើនជាបន្តទៅមុខទៀត ៕
ចែករំលែកព័តមាននេះ