រាជធានីភ្នំពេញ ៖ សពបុរសជនជាតិអ៊ិស្លាមម្នាក់ត្រូវបានប្រជាពលរដ្ឋប្រទះឃើញអណ្តែតទឹកទន្លេមេគង្គ ដោយជើងទាំងពីរជាប់ចំណង ចងភ្ជាប់ជាមួយប៊ីដុងចំណុះ៣០លីត្រមានដាក់ដីខ្សាច់ ដែលក្រុមគ្រួសារអះអាងថា ជនរងគ្រោះធ្វើអត្តឃាតសម្លាប់ខ្លួន។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១០និង៣០នាទីព្រឹកថ្ងៃទី១៦ ខែមិនា ឆ្នាំ២០១៩…
រាជធានីភ្នំពេញ ៖ សពបុរសជនជាតិអ៊ិស្លាមម្នាក់ត្រូវបានប្រជាពលរដ្ឋប្រទះឃើញអណ្តែតទឹកទន្លេមេគង្គ ដោយជើងទាំងពីរជាប់ចំណង ចងភ្ជាប់ជាមួយប៊ីដុងចំណុះ៣០លីត្រមានដាក់ដីខ្សាច់ ដែលក្រុមគ្រួសារអះអាងថា ជនរងគ្រោះធ្វើអត្តឃាតសម្លាប់ខ្លួន។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១០និង៣០នាទីព្រឹកថ្ងៃទី១៦ ខែមិនា ឆ្នាំ២០១៩ ស្ថិតនៅ ក្នុងទន្លេរភូមិ១ សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
តាមប្រភពពីក្រុមគ្រួសាររបស់ជនរងគ្រោះបានអោយដឹងថា ជនរងគ្រោះដែលស្លាប់ឈ្មោះ ស្លេះ កវី ភេទប្រុស អាយុ៣៣ឆ្នាំ មុខរបរអ្នកនេសាទ ស្នាក់នៅភូមិ២ សង្កាត់ជ្រោយចង្វារ។
តាមប្រភពពីក្រុមគ្រួសារបានអោយដឹងថា ជនរងគ្រោះខាងលើបានបាត់ខ្លួនតាំងយប់ថ្ងៃទី១៤ មីនា មកម្ល៉េះ ហើយ ក្រុមគ្រួសារ និងអ្នកជិតខាងបានចេញទូកទៅរកដែរ តែរកមិនឃើញ ។ រហូតដល់ថ្ងៃកើតហេតុទើបត្រូវបានគេប្រទះឃើញសពជនរងគ្រោះអណ្តែតទឹកទន្លេដោយមានខ្សែជ័រពណ៌ខ្មៅចងជាប់កជើងទាំង២ភ្ជាប់ជាមួយប៊ីដុងចំណុះ៣០លីត្រមានច្រកខ្សាច់ពេញ។ ភ្លាមៗនោះប្រជាពលរដ្ឋបានទៅប្រាប់ក្រុមគ្រួសារជនរងគ្រោះ និងនាំគ្នាស្រងសពមកលើទូក យកមកភូមិ២ សង្កាត់ជ្រោយចង្វារ រួចរាយការណ៍ប្រាប់នគរបាលមូលដ្ឋានដើម្បីឱ្យចុះមកពិនិត្យ។
ប្រភពប្រភពដដែលបានបន្តថា កន្លងមក ជនរងគ្រោះខាងលើធ្លាប់ធ្វើអត្តឃាតម្តងរួចមកហើយ តែមិនបានសម្រេចនោះទេ ព្រោះមានអ្នកជួយសង្គ្រោះទាន់។ លុះរហូតដល់វេលាយប់កើតហេតុ ជនរងគ្រោះបានចេញទៅនេសាទតែម្នាក់ឯង ដោយប្រពន្ធហាមឃាត់ដែរ តែមិនស្តាប់ឡើយ គឺទៅបាត់រហូតតែម្តង។
ពាក់ព័ន្ធនឹងករណីខាងលើ នគរបាលក៍បានចុះទៅស្រាវជ្រាវជុំវិញការស្លាប់នេះ ដោយសង្ស័យថាបុរសរងគ្រោះធ្វើអត្តឃាតដោយខ្លួនឯង ហើយក្រុមគ្រួសារក៏ពុំបានប្តឹងផ្តល់អ្វីឡើយ។
បច្ចុប្បន្ន សពត្រូវបានក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ