តាមប្រភពពី Shanghaiist បានឱ្យដឹងថា ចោរប្លន់ម្នាក់ត្រូវបានមហាជនលើបណ្តាញសង្គមសរសើរ ដោយសារតែមិនដាច់ចិត្តប្លន់មនុស្ស ដែលគ្មានសល់លុយក្នុងធនាគារ ។ តាមរយៈកាមេរ៉ាសុវត្ថិភាព ដែលថតបាន នៅធនាគារ ICBC នៅក្នុងទីក្រុង Heyuan ខេត្ត Guangdong កាលពីខែមុន គេបានឃើញនារីម្នាក់ត្រកូលលី កំពុងតែដកលុយចេញពីទូរ ATM ខណៈដែលមានបុរសម្នាក់ទៀត ឈរនៅពីក្រោយ ជាមួយនឹងដៃកំពុងតែកាន់កាំបិត។
ដោយសារតែភ័យខ្លាចស្លាប់ នាងក៏បានឱ្យលុយ២៥០០យន់ ដែលនាងទើបតែដកបានពីទូទៅឱ្យចោរម្នាក់នោះ។ តែចោរបានបញ្ជាឱ្យនាងដកលុយថែមទៀត ចេញពីកុងធនាគាររបស់នាង ។ ដល់ពេលនាងចុចចូលកុងរបស់នាង ចោរនោះក៏ឃើញថា នាងគ្មានសល់លុយអ្វីទៀត ក្រៅពី២៥០០យន់នៅក្នុងដៃឡើយ ។
ចោរនោះក៏ឱ្យលុយទៅនាងវិញ ជាមួយនឹងស្នាមញញឹម។ តែទោះបីជាចោរម្នាក់នោះ មានចិត្តធម៌ក្នុងខ្លួនខ្លះក៏ដោយ ក៏ប៉ូលិសនៅតែកំពុងតាមដានរកចាប់ខ្លួនបុរសម្នាក់នោះ មកកាន់តុលាការ ដើម្បីផ្តន្ទាទោសតាមច្បាប់ ៕
ចែករំលែកព័តមាននេះ