ខេត្តបាត់ដំបង ៖ សេចក្តីរាយការណ៍បឋមឱ្យដឹងថា មានការចុះបង្ក្រាបមួយពីកម្លាំងសមត្ថកិច្ចក្រុងបាត់ដំបងនាមុននេះបន្តិច ស្ថិតក្នុងទីតាំងល្បែងហ្គេមគ្រប់ប្រភេទដែលជ្រកក្រោមស្លាកអុីនធើរណេតផង និងវេរលុយផង ខណៈអ្នកលេងក្នុងនោះគឺសុទ្ធតែជាយុវសិស្សសាលា មានអាយុក្រោម១៨ឆ្នាំ មានជាង៣០នាក់ តែត្រូវកម្លាំងឃាត់បាន៥ទៅ៦នាក់ទេ…
ខេត្តបាត់ដំបង ៖ សេចក្តីរាយការណ៍បឋមឱ្យដឹងថា មានការចុះបង្ក្រាបមួយពីកម្លាំងសមត្ថកិច្ចក្រុងបាត់ដំបងនាមុននេះបន្តិច ស្ថិតក្នុងទីតាំងល្បែងហ្គេមគ្រប់ប្រភេទដែលជ្រកក្រោមស្លាកអុីនធើរណេតផង និងវេរលុយផង ខណៈអ្នកលេងក្នុងនោះគឺសុទ្ធតែជាយុវសិស្សសាលា មានអាយុក្រោម១៨ឆ្នាំ មានជាង៣០នាក់ តែត្រូវកម្លាំងឃាត់បាន៥ទៅ៦នាក់ទេ ព្រោះបានរត់ប្រសាចចែកជើងគ្នាអស់ ។
សេចក្តីរាយការណ៍បន្តថា ទីតាំងល្បែងហ្គេមខាងលើ គឺស្ថិតនៅចម្ងាយពីវិទ្យាល័យមុន្នីវង្ស១០០ម៉ែត្រស្ថិតក្នុងភូមិព្រែកមហាទេព សង្កាត់ស្វាយប៉ោយ ក្រុងបាត់ដំបង ។ ជំហានដំបូង ម្ចាស់ទីតាំងនេះ កំពុងត្រូវបានសមត្ថកិច្ចសាកសួរ ដោយមិនទាន់ស្គាល់ឈ្មោះនៅឡើយ ។ រីឯអ្នកលេងដែលឃាត់ខ្លួន ក៏នៅមិនទាន់ស្គាល់ឈ្មោះដែរ តែពួកគេក្នុងឯកសណ្ឋានជាសិស្សទាំងអស់។
បច្ចុប្បន្ន សមត្ថកិច្ចកំពុងចុះអន្តរាគមន៍ និងដកហូតវត្ថុតាងជាសម្ភារជាច្រើនពីក្នុងទីតាំងល្បែងខាងលើ ហើយចំពោះម្ចាស់ទីតាំងវិញ នៅមិនទាន់ដឹងមានចំណាត់ការយ៉ាងណាពីសមត្ថកិច្ចនោះទេ ។
តែអ្វីដែលកត់សម្គាល់ខ្លាំងនោះ សម្រាប់អ្នកលេងជាក្មេងៗសិស្សសាលាបានឃាត់ខ្លួននោះ គឺពួកគាត់កំពុងភ័យតក់ស្លុតខ្លាំង ដោយខ្លះលើកដៃសំពះ និងខ្លះទៀតអង្គុយយំសស្រាក់ ព្រោះខ្លាចឪពុកម្តាយបានដឹងរឿងនេះហើយ អត់ឱ្យគាត់ចូលផ្ទះវិញ ។
ព័ត៌មាបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ