រាជធានីភ្នំពេញ ៖ ទីតាំងហ្គេមបាញ់ត្រីមួយកន្លែង ដែលនៅជិតអធិការដ្ឋាននគរបាលខណ្ឌចំកាមន បាននិងកំពុងបើកលេងយ៉ាងរលូន ដោយមិនមានការរំខានពីកម្លាំងសមត្ថកិច្ចនោះឡើយ ដែលធ្វើឱ្យពលរដ្ឋនៅក្បែរៗនោះ កំពុងសង្ស័យថា លោកអធិការខណ្ឌចំកាមន បានត្រូវរ៉ូវគ្នាជាមួយម្ចាស់ទីតាំងល្បែងសុីសងដែលខុសច្បាប់មួយកន្លែងនោះ ។
ជាក់ស្តែង កាលពីយប់ថ្ងៃទី១៤ មីនា ស្ថិតនៅទីតាំងល្បែងហ្គេមបាញ់ត្រីខាងលើ បានឃើញមានក្រុមក្មេងស្ទាវជាច្រេីននាក់ពពាក់ពពូនគ្នាចូលទៅក្នុង ដោយបានបង្កការរំខានដល់អ្នកជិតខាង និងធ្វើឱ្យបារម្ភពីសុវត្ថិភាពរបស់គាត់ជាខ្លាំង ។ ប្រភពបន្តថា ទីតាំងហ្គេមបាញ់ត្រីនេះ កំពុងសង្ស័យមានការចែកចាយ និងជក់គ្រឿងញៀននៅក្នុងនោះថែមទៀតផង ។ ហើយច្បាស់ណាស់ បើមិនមានការត្រូវរ៉ូវគ្នាជាមួយសមត្ថកិច្ចនោះទេ គឺទីតាំងហ្គេមបាញ់ត្រីនេះមួយនេះ មិនអាចបើករលូនបានយ៉ាងរទេ ។
កត់សម្គាល់ថា ទីតាំងហ្គេមបាញ់ត្រីនេះ ស្ថិតនៅផ្ទះលេខ២៣ ផ្លូវលេខ៩៧ ដែលមានចម្ងាយប្រហែល១៥០ម៉ែតប៉ុណ្ណោះពីអធិការខណ្ឌចំកាមន ស្ថិតក្នុងសង្កាត់ផ្សារដើមថ្កូវ ។ ហើយទីតាំងមួយនេះ កន្លងមក ក៏ធ្លាប់ត្រូវបានបង្ក្រាបពីសមត្ថកិច្ចជាច្រេីនដងដែរ តែស្ងាត់បានតែប៉ុន្មានថ្ងៃ ឃើញបើកដំណើរការវិញដដែល។
ចែករំលែកព័តមាននេះ