តាមប្រភពពី Oddity Central បានឱ្យដឹងថា ស្ត្រីជាម្តាយម្នាក់បានជិះរថយន្តទៅយកកូនមកទម្លាក់ចោលនៅលើផ្លូវដែលមានមនុស្សអ៊ូអរមួយកន្លែង នាទីក្រុង Luoyang ដោយបានជេរនិងវាយជាច្រើនដៃថែមទៀត ដោយសារតែកូនប្រុសអាយុ១២ឆ្នាំរូបនោះ ប្រឡងបាន៨១ពិន្ទុមកនោះ ។
ប៉ូលិសនៅក្នុងសង្កាត់ Gucheng បានឃើញក្មេងប្រុសម្នាក់នេះ ដើរចុះឡើងនៅលើផ្លូវតែម្នាក់ឯង ។ ពួកគេដឹងដោយសារតែមានអ្នកឃើញហេតុការណ៍ប្រាប់ ។ គេឃើញស្ត្រីម្នាក់ជិះរថយន្តមកទម្លាក់កូនចេញ ហើយជេរជាច្រើនម៉ាត់ ព្រមទាំងវាយជាច្រើនដៃ មុនពេលជិះរថយន្តចេញទៅបាត់ ។ វីដេអូតាមកាមេរ៉ាសុវត្ថិភាព បានបង្ហាញពីសកម្មភាពរបស់ប៉ូលិស បានមកសួរនាំក្មេងប្រុសម្នាក់នោះពីដំណើររឿង។
ប៉ូលិសបានសួរនាំថា តើស្ត្រីដែលវាយឯងនោះ ជាម្តាយឯងឬ? ។ ក្មេងប្រុសត្រកូល Yang ឆ្លើយថា បាទ
ពូ! នេះមកពីខ្ញុំធ្វើមិនបានល្អពេលប្រឡង។ តាមប្រភពអ្នកនៅទីនោះបានឱ្យដឹងទៀតថា ម្តាយរបស់ក្មេងប្រុសនេះ ចង់ឱ្យកូនបានពិន្ទុចាប់ពី៩៥ឡើងទៅ។ ក្រោយពីបានធ្វើការសួរនាំរួច ប៉ូលិសបានកំណត់អត្តសញ្ញាណរបស់ស្ត្រីជាម្តាយ តាមរយៈស្លាកលេខ ។
ពួកគេបានទាក់ទងទៅកាន់ស្ត្រីនោះ ដែលគេបាននិយាយថា៖ «ខ្ញុំមិនចង់បានអាកូនហ្នឹងទៀតទេ ។ ពូអាចយកវាទៅណាទៅទៅ! ពួចង់ប្តឹងខ្ញុំក៏ប្តឹងទៅ» ។ តាមការរាយការណ៍របស់ប៉ូលិសបានឱ្យដឹងថា ក្មេងប្រុសខាងលើ បានចំណាយពេលនៅប៉ុស្តិ៍ប៉ូលិសខ្ទង់មួយម៉ោង មុនពេលពូគេមកយក ។ គេមិនដឹងថា ពូម្នាក់នោះបានយកគេទៅឱ្យម្តាយវិញឬអត់ទេ ហើយក៏មិនដឹងថា ប៉ូលិសគ្រោងនឹងដាក់ពាក្យប្តឹងនោះដែរ ។
ចែករំលែកព័តមាននេះ