ខេត្តត្បូងឃ្មុំ-ខេត្តមណ្ឌលគិរី ៖ ទោះបីប្រមុខរាជរដ្ឋាភិបាល ដែលមានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវវិធានការក្តៅ ដោយតម្រូវឱ្យបណ្តាខេត្ត ដែលនៅជាប់តាមបណ្តាព្រំដែន…
ខេត្តត្បូងឃ្មុំ-ខេត្តមណ្ឌលគិរី ៖ ទោះបីប្រមុខរាជរដ្ឋាភិបាល ដែលមានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវវិធានការក្តៅ ដោយតម្រូវឱ្យបណ្តាខេត្ត ដែលនៅជាប់តាមបណ្តាព្រំដែន ជាមួយនឹងប្រទេសវៀតណាម ត្រូវទប់ស្កាត់មិនឲ្យមានលំហូរចេញឈើប្រណីតឱ្យមានប្រសិទ្ធភាព ។
ទោះជាបែបនេះក្តី ក្នុងរយៈពេលប៉ុន្មានថ្ងៃនេះ មានរថយន្តដឹកឈើធុនយក្សបានសម្រុកដឹកចេញតាមច្រកទន្លេចាម ស្រុកមេមត់ ដោយក្នុង១គ្រឿងៗ អាចមានទម្ងន់រហូតដល់ទៅរយតោនចូលទៅក្នុងប្រទេសវៀតណាម បានយ៉ាងរលូតដោយពុំមានការរំខានណាមួយ ពីលោកប្រធានច្រកនិងស្ថាប័នពាក់ព័ន្ធនានានោះឡើយ សង្ស័យយូរៗបើកម្តង ព្រោះអត់ស៊ីយូរហើយ ។
តាមប្រភពក្រុមអ្នកព័ត៌មានជាច្រើនរូបបានទម្លាយឱ្យដឹងថា ប្រមាណជាមួយសប្តាហ៍ទៅកន្លះខែមក
ហើយ មានរថយន្តប្រភេទធុនធំ បានដឹកឈើប្រណីតចេញពីខេត្តស្ទឹងត្រែង និងស្រុកកោះញែក ខេត្ត
មណ្ឌលគិរី មានរហូតដល់ទៅជាង១០គ្រឿង ដោយកាត់តាមផ្លូវជាតិលេខ៧ ស្របពេលដែលបើកមក
ដល់ក្នុងទឹកដីស្រុកមេមត់ ក៏បានចេញតាមច្រកនានា ក្នុងនោះ មានទាំងច្រកទន្លេចាមខាងលើ ត្រូវបាន
ក្រុមឈ្មួញមុខខ្មូតសង្ស័យមុខដដែលៗ បានចេញទៅវៀតណាម ដោយស្រួល១០០ភាគរយ ។
ប្រភពច្បាស់ការបានឲ្យដឹងទៀតថា កាលពីព្រឹកថ្ងៃទី០៩ មីនា ២០១៩ កន្លងទៅ មានរថយន្តធុនយក្ស
ចំនួន២គ្រឿង បានដឹកឈើប្រណីតចេញតាមច្រកទន្លេចាម ដោយបានបើកកាត់មុខស្នាក់ការគយបាន
ចូលទៅក្នុងប្រទេសវៀតណាម ហើយក៏មិនបានឃើញលោកប្រធានច្រក និងមន្ត្រីផ្សេងៗចេញមុខមកសួរនាំអ្វីនោះទេ ក្នុងគ្រានោះក្រុមអ្នកសារព័ត៌មានជាច្រើននាក់ បានត្រឹមតែថតផ្តិតយករូបភាពតែ
ប៉ុណ្ណោះ ។
ហើយមកដល់ថ្ងៃទី១៣ មីនា ២០១៩ នៅត្រង់ទីតាំងចំការកៅស៊ូ«ធី៧៣» ម្តុំស្ពានជ្រាវក្នុងស្រុកមេមត់ ដែលមានព្រំប្រទល់ជាមួយនឹងខេត្តក្រចេះ មានគំនរឈើនិងរថយន្តវេអងធុនយក្ស មានដឹកឈើដោយក្រុមអ្នកពត៌មានបានថតយករូបភាព និងបានរាយការណ៏ទៅដល់ស្ថាប័នពាក់ព័ន្ធផងដែរ។
លោកឧត្តមសេនីយ៍ត្រី ហុង ណាក់ ស្នងការរងនគរបាលខេត្តត្បូងឃ្មុំប្រាប់ឲ្យដឹងថា យោងតាមការណែនាំរបស់លោកអភិបាលខេត្ត និងឧត្តមសេនីយ៍ទោ បែន រ័ត្ន ស្នងការនគរបាលខេត្ត បានចាត់ឲ្យកងកម្លាំងនគរបាលផែនការិយាល័យសេដ្ឋកិច្ចខេត្ត បានចុះទៅពិតត្រង់ទីតាំងចំការកៅស៊ូ៧៣ បានឃើញគំនរឈើនិងរថយន្តវេអងចំនួន២គ្រឿង នៅយប់ថ្ងៃទី១៣ មីនា ហើយតាមគោលការណ៍របស់គណៈកម្មការថ្នាក់ជាតិបានសម្រេច ឱ្យចាត់ការតាមផ្លូវច្បាប់លើរថយន្តចំនួន២គ្រឿងនោះហើយ ។
រឿងដឹកឈើ២រថយន្តធុនវ៉េអងនេះ ភ្នាក់ងារកោះសន្តិភាពបានរាយការណ៍បន្ថែមពីខេត្តមណ្ឌលគិរីមកថារថយន្តយីឌុបចំនួន២គ្រឿង ផ្ទុកឈើពេញៗដែលមន្ត្រីមេព្រៃប្រាប់ថា ជាឈើរបស់ឧកញ៉ា តុប វីរដានាយកក្រុមហ៊ុន វិជ្ជរី អ៊ីមផត អិចផត បម្រុងឆ្លងដែនទៅប្រទេសវៀតណាម តាមច្រកទន្លេចាម ក្នុងស្រុកមេមត់ ខេត្តត្បូងឃ្មុំ ខណៈគោលដៅដែលស្នើសុំច្បាប់ដឹកជញ្ជូន គឺត្រូវទៅទម្លាក់ឈើនៅភូមិបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។
សេចក្តីរាយការណ៍បានឲ្យដឹងថា នៅវេលាម៉ោងប្រមាណ១០យប់ថ្ងៃទី១៣ មីនា ២០១៩ កម្លាំងចម្រុះរបស់ខេត្តត្បូងឃ្មុំ ដឹកនាំដោយលោក ឡុង ហុកម៉េង ព្រះរាជអាជ្ញារខេត្ត បានចុះស្ទាក់ចាប់បានរថយន្តយី
ឌុបទាំងពីរគ្រឿង កំពុងដឹកឈើខុសគោលដៅ ឆ្ពោះទៅច្រកទន្លេចាម នៅចំណុចភូមិកោះថ្ម ឃុំទន្លុង ស្រុកមេមត់ ខេត្តត្បូងឃ្មុំ ក្នុងបំណងលក់ចេញទៅឱ្យឈ្មួញយួនតាមច្រកព្រំដែន ។
ព័ត៌មានពិស្តារនឹងមានផ្សាយជូននៅលើទំព័រកោះសន្តិភាព ។
ចែករំលែកព័តមាននេះ