ខេត្តបាត់ដំបង ៖ សពស្ត្រីវ័យចំណាស់ម្នាក់ត្រូវបានអ្នកភូមិប្រទះឃើញដេកស្លាប់នៅកណ្ដាលវាលស្រែ កាលពីវេលាម៉ោង៥និង៣០នាទីល្ងាចថ្ងៃទី១៣ មីនា នៅក្នុងភូមិជ្រៃ២ ឃុំជ្រៃ ស្រុកមោងប្ញស្សី តែមិនទាន់មានអ្នកស្គាល់អត្តសញ្ញាណឡើយ ។…
ខេត្តបាត់ដំបង ៖ សពស្ត្រីវ័យចំណាស់ម្នាក់ត្រូវបានអ្នកភូមិប្រទះឃើញដេកស្លាប់នៅកណ្ដាលវាលស្រែ កាលពីវេលាម៉ោង៥និង៣០នាទីល្ងាចថ្ងៃទី១៣ មីនា នៅក្នុងភូមិជ្រៃ២ ឃុំជ្រៃ ស្រុកមោងប្ញស្សី តែមិនទាន់មានអ្នកស្គាល់អត្តសញ្ញាណឡើយ ។
លោកជេត វណ្ណនី ស្នងការរងខេត្តបានប្រាប់ថា សាកសពស្ត្រីនោះមានវ័យជាង៥០ឆ្នាំ តែគេមិនទាន់ស្គាល់អត្ដសញ្ញាណនៅឡើយទេ តែគេសង្ស័យជនរងគ្រោះអាចជាមនុស្សមានសតិមិនប្រក្រតី ។ នេះបើតាមការអះអាងរបស់អ្នកភូមិដែលបានឃើញស្ត្រីរងគ្រោះដើនៅទីនោះមុនពេលស្លាប់ ។
អ្នកភូមិឈ្មោះ អឿន អ៊ន ភេទប្រុស អាយុ៦២ឆ្នាំ ដែលបានប្រទះឃើញសាកសពបានរាយការណ៍ទៅសមត្ថកិច្ចតាមទូរស័ព្ទថា គេបានឃើញសាកសពមនុស្សស្រីម្នាក់ដេកស្លាប់នៅវាលស្រែ តែគេមិនដឹងស្លាប់តាំងពីពេលណា ហើយក៏គ្មានអ្នកស្គាល់អត្តសញ្ញាណដែរ ។ ប្រភពដដែលបានឲ្យដឹងថា មុនពេលកើតហេតុប៉ុន្មានថ្ងៃមានគេឃើញស្ត្រីរូបនេះដើរនៅទៅនោះដែលមានសកម្មភាពដូចជាមនុស្សមានសតិមិនគ្រប់ តែគេមិនបានដឹងថា គាត់មកពីណាទេ លុះនៅល្ងាចថ្ងៃទី១៣ មីនា ស្រាប់តែគេប្រទះឃើញស្ត្រីរូបនេះដេកស្លាប់តែម្តង ។
លោកជេត វណ្ណនី ស្នងការរងខេត្តបាននិយាយថា មន្ត្រីគ្រប់ការិយាល័យជំនាញបានចុះទៅពិនិត្យសាកសពរួមទាំងគ្រួពេទ្យ និងអាជ្ញាធរមូលដ្ឋានផង ។ លោកស្នងការរងបានបន្តថា បើតាមមន្ត្រីជំនាញនៅលើខ្លួនសាកសពគេមិនឃើញមានស្លាកស្នាមដែលគួឲ្យសង្ស័យពាក់ព័ន្ធនឹងករណីឃាតកម្មទេ ។ ប៉ុន្តែមន្ត្រីជំនាញបានធ្វើការសន្និដ្ឋានជាបឋមថា ស្ត្រីរូបនេះទំនងស្លាប់ដោយសារខ្យល់គរដែលបណ្ដាលមកពីដាច់បាយដាច់ទឹក ខណៈអាកាសធាតុក្ដៅខ្លាំងផង ។ ទោះយ៉ាងណាក្រោយពេលពិនិត្យសមត្ថកិច្ចបានធ្វើកំណត់ហេតុប្រគល់សពស្ត្រីរងគ្រោះឲ្យទៅអាជ្ញាធរដែនដីយកទៅបូជានៅវត្តអារាមដែលនៅក្បែរនោះហើយ ៕
ចែករំលែកព័តមាននេះ