ក្រុមអ្នកស្រាវជ្រាវរបស់សហរដ្ឋអាមេរិកបានអះអាងថា បុរសដែលលេបថ្នាំគ្រាប់វីតាមីនចម្រុះជាប្រចាំអាចនឹងជួយកាត់បន្ថយអត្រាកើតជំងឺមហារីក ។ នៅក្នុងការពិសោធលើបុរសវ័យ៥០ឆ្នាំប្រមាណជា ១៥.០០០នាក់អស់រយៈពេលជាង១០ឆ្នាំ ក្រុមអ្នកស្រាវជ្រាវបានពិនិត្យឃើញថា អ្នកដែលលេបវីតាមីនចម្រុះមួយគ្រាប់រៀងរាល់ថ្ងៃ អត្រាប្រឈមនឹងជំងឺមហារីករបស់គេថយចុះ៨ភាគរយ
ក្រុមអ្នកស្រាវជ្រាវរបស់សហរដ្ឋអាមេរិកបានអះអាងថា បុរសដែលលេបថ្នាំគ្រាប់វីតាមីនចម្រុះជាប្រចាំអាចនឹងជួយកាត់បន្ថយអត្រាកើតជំងឺមហារីក ។ នៅក្នុងការពិសោធលើបុរសវ័យ៥០ឆ្នាំប្រមាណជា ១៥.០០០នាក់អស់រយៈពេលជាង១០ឆ្នាំ ក្រុមអ្នកស្រាវជ្រាវបានពិនិត្យឃើញថា អ្នកដែលលេបវីតាមីនចម្រុះមួយគ្រាប់រៀងរាល់ថ្ងៃ អត្រាប្រឈមនឹងជំងឺមហារីករបស់គេថយចុះ៨ភាគរយធៀបទៅនឹងអ្នកដែលលេប placebo ។
អ្នកសរសេររបាយការណ៍សិក្សា Howard Sessoបានថ្លែងថា ៖«ការសិក្សាស្រាវជ្រាវជាច្រើនបានរកឃើញថា របបអាហារដែលចិញ្ចឹមរាងកាយអាចកាត់បន្ថយឱកាសកើតជំងឺមហារីកចំពោះបុរសបាន ប៉ុន្តែក្នុងពេលនេះ យើងដឹងបន្ថែមទៀតថា លេបថ្នាំវីតាមីនចម្រុះមួយគ្រាប់រាល់ថ្ងៃ ក៏អាចជួយទប់ស្កាត់ជំងឺនេះមិនឱ្យកើតមានលើបុរសចាប់ពីវ័យកណ្តាលទៅបានផងដែរ »។
ក្រុមអ្នកស្រាវជ្រាវបានចង្អុលបង្ហាញថា វាមិនទាន់ច្បាស់លាស់ថាតើវីតាមីនឬសារធាតុរ៉ែពិតប្រាកដមួយណានៅក្នុងថ្នាំគ្រាប់វីតាមីនចម្រុះដែលមានសមត្ថភាពកាត់បន្ថយឱកាសកើតជំងឺមហារីកនោះទេ ។ បន្ថែមពីលើនេះទៀត គេក៏មិនទាន់ដឹងដែរថា តើលទ្ធផលនៃការសិក្សានេះគ្របដណ្តប់លើស្ត្រីដែរឬយ៉ាងណានោះ ៕
ចែករំលែកព័តមាននេះ