ខេត្តបន្ទាយមានជ័យ ៖ មន្ត្រីគយនិងរដ្ឋាករតំបន់៥ ប្រើវិធានការក្តៅចាប់ម៉ូតូបង់ពន្ធបន្ថយឆ្នាំនិងគេចពន្ធ ជាបន្តបន្ទាប់បានជាច្រើនគ្រឿង នៅពេលឈ្មួញដឹកចេញទៅលក់នៅតាមបណ្តាខេត្ត និងនាំទៅរាជធានីភ្នំពេញ ។ ជាក់ស្តែង នៅអំឡុងដើមឆ្នាំ២០១៩នេះ…
ខេត្តបន្ទាយមានជ័យ ៖ មន្ត្រីគយនិងរដ្ឋាករតំបន់៥ ប្រើវិធានការក្តៅចាប់ម៉ូតូបង់ពន្ធបន្ថយឆ្នាំនិងគេចពន្ធ ជាបន្តបន្ទាប់បានជាច្រើនគ្រឿង នៅពេលឈ្មួញដឹកចេញទៅលក់នៅតាមបណ្តាខេត្ត និងនាំទៅរាជធានីភ្នំពេញ ។ ជាក់ស្តែង នៅអំឡុងដើមឆ្នាំ២០១៩នេះ មន្ត្រីគយនិងរដ្ឋាករនៃអគ្គនាយកដ្ឋាន ដែលឈរជើងនៅខាងលិចស្ពានទឹកថ្លា ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ បានចាប់ម៉ូតូនិងរថយន្តគេចពន្ធឱ្យបង់ពន្ធជូនរដ្ឋជាបន្តបន្ទាប់ ។
មន្ត្រីគយនិងរដ្ឋាករចល័តតំបន់៥ខេត្តបន្ទាយមានជ័យ បានឱ្យដឹងនៅថ្ងៃទី១១ ខែមីនាថា ដោយមានការណែនាំពីក្រសួងសេដ្ឋកិច្ចនិងហិរញ្ញវត្ថុ និងការដាក់វិធានការពីអគ្គនាយកដ្ឋានគយនិងរដ្ឋាករ ឱ្យពង្រឹងការប្រមូលពន្ធជូនរដ្ឋ មន្ត្រីជំនាញបានធ្វើការស្រាវជ្រាវចាប់ម៉ូតូគ្មានពន្ធនិងម៉ូតូដែលបង់ពន្ធបន្ថយឆ្នាំ ឬសេ៊រីម៉ូតូល្មើសច្បាប់ដែលឈ្មួញដឹកចេញពីក្រុងសិរីសោភ័ណ យកចេញទៅលក់តាមបណ្តាខេត្ត និងរាជធានីភ្នំ
ពេញ ។
មន្ត្រីដដែលបញ្ជាក់ថា ការបង្ក្រាបម៉ូតូគេចពន្ធនិងម៉ូតូបង់ពន្ធបន្ថយសេ៊រីឬឆ្នាំនេះ នៅដើមឆ្នាំ២០១៩បានរកឃើញជាច្រើនគ្រឿង ដោយអនុវត្តតាមច្បាប់ដែលតម្រូវឲ្យឈ្មួញឬម្ចាស់ម៉ូតូចូលបង់តាមច្បាប់កំណត់ ដោយមិនអាចគេចវេះបានឡើយ ។ មន្ត្រីគយនិងរដ្ឋាករចល័តតំបន់៥ បានពន្យល់ថា ម៉ូតូដែលបង់ពន្ធបន្ថយសេ៊រីឬឆ្នាំល្មើសនឹងច្បាប់ គឺជាម៉ូតូដែលឈ្មួញនាំចូលតាមច្រកព្រំដែនមកបង់ពន្ធ តែជាការបង់ពន្ធបន្ថយសេ៊រីឬឆ្នាំផលិតដើម្បីកេងចំណេញ ។
នៅពេលមន្ត្រីគយ និងរដ្ឋាករចល័តសង្ស័យ ធ្វើការត្រួតពិនិត្យក៏រកឃើញថា ម៉ូតូមួយចំនួនត្រូវបានបង់
ពន្ធបន្ថយសេ៊រីឬឆ្នាំដូចជាឆ្នាំ២០១៩ គេបន្ថយមកឆ្នាំ២០១៥ជាដើម ។ ក្រោយពេលរកឃើញ ក៏បានចាប់ឃាត់យកមករក្សាទុកនៅស្នាក់ការគយនិងរដ្ឋាករ ដើម្បីបង់ពន្ធតាមកំណត់ច្បាប់ ។ ការកេងប្រវ័ញ្ញបែបនេ រដ្ឋខាតបង់ច្រើន ៕
ចែករំលែកព័តមាននេះ