យោងតាមការសិក្សាដែលបានចុះផ្សាយនៅក្នុងព្រឹត្តិបត្រ JAMA Internal Medicine ឱ្យដឹងថា ទទួលទានសាច់ក្រហមញឹកញាប់រយៈពេលច្រើនឆ្នាំអាចបង្កើនឱកាសកើតជំងឺទឹកនោមផ្អែមប្រភេទ២ ។ ការសិក្សាដែលធ្វើឡើងដោយក្រុមអ្នកស្រាវជ្រាវមកពីសាកលវិទ្យាល័យជាតិសិង្ហបុរីលើមនុស្ស២ក្រុមប្រើពេលអស់ជាង៤ឆ្នាំបានបង្ហាញថា អ្នកដែលទទួលទានសាច់ក្រហមជារឿយៗ
យោងតាមការសិក្សាដែលបានចុះផ្សាយនៅក្នុងព្រឹត្តិបត្រ JAMA Internal Medicine ឱ្យដឹងថា ទទួលទានសាច់ក្រហមញឹកញាប់រយៈពេលច្រើនឆ្នាំអាចបង្កើនឱកាសកើតជំងឺទឹកនោមផ្អែមប្រភេទ២ ។ ការសិក្សាដែលធ្វើឡើងដោយក្រុមអ្នកស្រាវជ្រាវមកពីសាកលវិទ្យាល័យជាតិសិង្ហបុរីលើមនុស្ស២ក្រុមប្រើពេលអស់ជាង៤ឆ្នាំបានបង្ហាញថា អ្នកដែលទទួលទានសាច់ក្រហមជារឿយៗដោយមិនព្រមផ្លាស់ប្តូរអំឡុងពេលការសិក្សាពិសោធប្រឈមនឹងឱកាសកើតជំងឺខាងដើម៤៨ភាគរយធៀបនឹងក្រុមដែលកាត់បន្ថយឬទទួលទានសាច់ក្រហមតិចតួច ដោយក្រុមនេះជួបនឹងអត្រាប្រឈមក្រោម១៤ភាគរយប៉ុណ្ណោះ ។
ចំពោះសាច់ក្រហមដែលកែច្នៃទុកឱ្យបានយូរវិញ ក្រុមអ្នកស្រាវជ្រាវបានពិនិត្យឃើញថា វារឹតតែផ្តល់គ្រោះថ្នាក់ដល់សុខភាពជាងសាច់ក្រហមស្រស់ទៅទៀត ដ្បិតនៅក្នុងសាច់ប្រភេទនេះផ្ទុកអាស៊ីដខ្លាញ់ Saturated Fat កម្រិតខ្ពស់បំផុត ។ Saturated Fat មានច្រើនបំផុតនៅក្នុងសាច់ ក្នុងស៊ុត ទឹកដោះគោ ។ល។ សរសេរនៅក្នុងរបាយការណ៍គំហើញរបស់ខ្លួន វេជ្ជបណ្ឌិត AnPan ជាអ្នកដឹកនាំការសិក្សាស្រាវជ្រាវបានបញ្ជាក់ថា ៖ «លទ្ធផលរបស់យើងបានបញ្ជាក់យ៉ាងមុតមាំពីការជាប់ពាក់ព័ន្ធគ្នារវាងសាច់ក្រហម និងជំងឺទឹកនោមផ្អែមប្រភេទ២ ហើយវាបន្ថែមទម្ងន់ក្នុងភស្តុតាងដែលកំណត់ថា កម្រិតបរិមាណនៃការទទួលសាច់ប្រភេទនេះរយៈពេលច្រើនឆ្នាំនឹងផ្តល់អត្ថប្រយោជន៍លើការទប់ស្កាត់ជំងឺរ៉ាំរ៉ៃមួយនេះ» ។
ទឹកនោមផ្អែមជាជំងឺមួយប្រភេទដែលកម្រិតស្ករក្នុងឈាមរបស់បុគ្គលម្នាក់ឬហៅថា គ្លុយកូសកើនឡើងខ្ពស់ ។ ដោយឡែកចំពោះទឹកនោមផ្អែមប្រភេទ២វិញ រាងកាយមិនអាចផលិតអ័រម៉ូនអាំងស៊ុយលីនបានគ្រប់គ្រាន់ឬមិនអើពើនឹងវត្តមានរបស់អ័រម៉ូននេះ ។ អាំងស៊ុយលីនជាអ័រម៉ូនមាននាទីបំលែងគ្លុយកូសឱ្យទៅជាថាមពលប្រើប្រាស់ដោយបណ្តាកោសិកាក្នុងរាងកាយ៕
ចែករំលែកព័តមាននេះ