សហរដ្ឋអាមេរិក ះ បណ្ដាអ្នកទទួលខុសត្រូវអាមេរិករាយការណ៍ថា អដ្ឋិធាតុបណ្ដាអ្នកបើកយន្តហោះអាមេរិក ដែលស្លាប់នៅមីយ៉ាន់ម៉ា កាលពីសម័យសង្គ្រាមលោកលើកទី២ ត្រូវបានបញ្ជូនទៅកាន់សហរដ្ឋអាមេរិកកាលពីថ្ងៃទី១២មីនា បន្ទាប់ពីពិធីប្រគល់មួយ ពុំធ្លាប់មានក្នុងប្រទេសនៅអាសីុអាគ្នេយ៍នោះ។
សាកសពទាហានអាមេរិកជាច្រើនរយនាក់នៅពុំទាន់រកឃើញនៅមីយ៉ាន់ម៉ា ជាតំបន់គន្លឹះមួយនៃជម្លោះនៅអាសីុរវាងពួកសម្ព័ន្ធមិត្តនិងជប៉ុន។ អដ្ឋិធាតុដែលធ្វើមាតុភូមិនិវត្តន៍ទាំងនោះ ប្រហែលជាអដ្ឋិធាតុរបស់ទាហានអាមេរិក២នាក់ដែលស្លាប់ ក្នុងការធ្លាក់យន្តហោះធុនB-25Gមួយគ្រឿង កាលពីខែកុម្ភៈឆ្នាំ១៩៤៤ នៅSALINGYIក្នុងតំបន់SAGAINGភាគពាយ័ព្យមីយ៉ាន់ម៉ា។ ពិធីនោះប្រព្រឹត្តទៅកាលពីរសៀលថ្ងៃទី១២មីនានៅព្រលានយន្តហោះអន្តរជាតិក្រុងម៉ង់ដាឡៃ។ កងទាហានបានគោរពសព មុនពេលលើកដាក់ក្នុងមឈូសគ្របទង់ជាតិអាមេរិក ដឹកតាមយន្តហោះយោធាC-17ទៅកាន់អាមេរិក។
បំណែកយន្តហោះB-25Gនោះត្រូវបានរកឃើញ២ឆ្នាំក្រោយការធ្លាក់ តែសាកសពអ្នកបើកយន្តហោះនោះទាំង២នាក់ ទើបរកឃើញនាឱកាសនៃបេសកកម្មក្នុងពេលថ្មីៗនេះ របស់ទីភ្នាក់ងារអាមេរិកទទួលបន្ទុកបញ្ហាទាហានបាត់ខ្លួនDPAA៕
ចែករំលែកព័តមាននេះ