សហភាពអ៊ឺរ៉ុប និងចក្រភពអង់គ្លេសមានកិច្ចប្រជុំបន្ថែមពី Brexit
ទីក្រុងឡុងដ៍៖ ភ្នាក់ងារសារព័ត៌មាន Channel News Asia បានឲ្យដឹងកាលពីថ្ងៃទី១០ មីនា កន្លងមកថា ប្រទេសអង់គ្លេស និងសហភាពអ៊ឺរ៉ុប…
ទីក្រុងឡុងដ៍៖ ភ្នាក់ងារសារព័ត៌មាន Channel News Asia បានឲ្យដឹងកាលពីថ្ងៃទី១០ មីនា កន្លងមកថា ប្រទេសអង់គ្លេស និងសហភាពអ៊ឺរ៉ុប…
ទីក្រុងឡុងដ៍៖ ភ្នាក់ងារសារព័ត៌មាន Channel News Asia បានឲ្យដឹងកាលពីថ្ងៃទី១០ មីនា កន្លងមកថា ប្រទេសអង់គ្លេស និងសហភាពអ៊ឺរ៉ុប (EU) មានកិច្ចប្រជុំមួយកាលពីថ្ងៃសៅរ៍ដើម្បីដោះស្រាយការខ្វែងគំនិតគ្នាលើបញ្ហាកិច្ចព្រមព្រៀងពេលដែលចក្រភពអង់គ្លេសចាកចេញពីសហភាពនេះ។ ភាគីទាំងពីរកំពុងតែព្យាយាមស្វែងរកវិធីធ្វើឲ្យអាចព្រមព្រៀងលើកិច្ចព្រមព្រៀងចាកចេញមួយដែលអាចទទួលយកបានដោយសមាជិកសភាអង់គ្លេស។
ប្រភពមួយចំនួនក្នុងទីក្រុងឡុងដ៍និងប្រ៊ុជសែលបានប្រាប់ដល់សារពទ៌មានខាងលើថា ការចរចាបែបបច្ចេកទេសបានបន្តកើតមានឡើងនៅថ្ងៃសៅរ៍ ប៉ុន្តែមិនមានការចរចាថ្នាក់នយោបាយសម្រាប់ដំណាក់កាលនេះទេ។
អ្នកស្រីនាយករដ្ឋមន្ត្រី Theresa May របស់ប្រទេសអង់គ្លេសបានសន្យាដល់សមាជិកសភាអ្នកស្រីថានឹងព្យាយាមកែប្រែលកិច្ចព្រមព្រៀងទាក់ទិននឹងព្រំប្រទល់អៀរឡង់បន្ទាប់ពីចក្រភពអង់គ្លេសចាកចេញពីសហភាពអ៊ឺរ៉ុប។
ប៉ុន្តែតម្រូវការរបស់អ្នកស្រីត្រូវបានបដិសេធដោយសហភាពអ៊ឺរ៉ុប និងបង្កើនហានិភ័យថាប្រទេសអង់គ្លេសអាចនឹងកាត់ផ្តាច់ទំនាក់ទំនង ៤៦ឆ្នាំជាមួយនឹង EU នៅថ្ងៃទី ២៩ខែមិនាប្រសិនបើភាគីទាំងពីរមិនអាចព្រមព្រៀងលើកិច្ចព្រមព្រៀងណាមួយបាន។
រដ្ឋាភិបាលអ្នកស្រី May ស្នើឲ្យប្រទេសអង់គ្លេសបន្តស្ថិតក្នុងសហភាពរួចពន្ធរបស់ EU និងនៅក្នុងផ្នែកមួយចំនួននៃទីផ្សាររួមរបស់សហភាពនេះផងដែរ ប៉ុន្តែសមាជិកសភាអង់គ្លេសគិតថាការធ្វើដូច្នេះនឹងចងប្រទេសអង់គ្លេសជាមួយនឹងសហភាពរួចពន្ធ។
ដើម្បីឆ្លើយតបនឹងប្រសាសន៍របស់អ្នកស្រី May កាលពីថ្ងៃសុក្រ លោក Michel Barnier ដែលជាអ្នកចរចាតំណាង EU បានកត់សម្គាល់ថា ប្រទេសអង់គ្លេសអាចចាកចេញពីសហភាពរួចពន្ធរបស់ EU ដោយឯកតោភាគីបាន ប៉ុន្តែពួកគេត្រូវអនុញ្ញាតឲ្យអៀរឡង់ខាងត្បូងស្ថិតក្នុងទីផ្សាររួមដដែល។ យ៉ាងណាក្តី ចក្រភពអង់គ្លេសបានបដិសេធនឹងសំណើរនេះ ៕
ចែករំលែកព័តមាននេះ