សហរដ្ឋអាមេរិក ះ បណ្ដាក្រុមហ៊ុនអាកាសចរណ៍អាមេរិកនៅតែបន្តការហោះហើររបស់យន្តហោះធុន ប៊ូអីុង737MAX ទោះនៅតាមកន្លែងជាច្រើននៃពិភពលោកគេនាំគ្នាធ្វើពហិការ ផ្អាកលែងឲ្យយន្តហោះធុននោះហោះហើរ ឬហាមមិនឲ្យហោះលើដែនអាកាសពួកគេក្ដី។ ប៉ុន្តែទោះជាបែបនេះក្ដីក៏អ្នកដំណើរអាមេរិកកាន់តែច្រើនឡើង បដិសេធមិនជិះយន្តហោះ737MAX។ ពួកអ្នកដំណើរក៏ទាមទារដែរឲ្យផ្អាកប្រើយន្តហោះធុននោះ…
សហរដ្ឋអាមេរិក ះ បណ្ដាក្រុមហ៊ុនអាកាសចរណ៍អាមេរិកនៅតែបន្តការហោះហើររបស់យន្តហោះធុន ប៊ូអីុង737MAX ទោះនៅតាមកន្លែងជាច្រើននៃពិភពលោកគេនាំគ្នាធ្វើពហិការ ផ្អាកលែងឲ្យយន្តហោះធុននោះហោះហើរ ឬហាមមិនឲ្យហោះលើដែនអាកាសពួកគេក្ដី។ ប៉ុន្តែទោះជាបែបនេះក្ដីក៏អ្នកដំណើរអាមេរិកកាន់តែច្រើនឡើង បដិសេធមិនជិះយន្តហោះ737MAX។ ពួកអ្នកដំណើរក៏ទាមទារដែរឲ្យផ្អាកប្រើយន្តហោះធុននោះ ក្រោយគ្រោះថ្នាក់របស់យន្តហោះក្រុមហ៊ុនETHIOPIAN AIRLINES។
យន្តហោះធុន737MAX8 ដែលនៅថ្មី២គ្រឿង បានធ្លាក់អំឡុងពេលតែ៥ខែ ដែលមួយគ្រឿងធ្លាក់នៅឥណ្ឌូណេសីុកាលពីដំណាច់ខែតុលា បណ្ដាលឲ្យមនុស្សស្លាប់១៨៩នាក់ ក្រោយពេលហោះចេញបន្តិចដូចគ្នា។ ប្រទេសចិនផ្អាកលែងឲ្យហោះហើរយន្តហោះធុន737MAX8ទាំង៩៦គ្រឿងរបស់ខ្លួន ខណៈក្រុមហ៊ុនអាកាសចរណ៍អាមេរិក SOUTHWEST AMERICAN និងUNITED AIRLINESត្រូវធ្វើការធានាចំពោះប្រជាជនអាមេរិក លើការត្រៀមហោះហើរយន្តហោះ737MAX8 ឬក៏ផ្អាកលែងឲ្យហោះហើរ។
ពលរដ្ឋអាមេរិកកាន់តែច្រើន បានសម្ដែងតាមបណ្ដាញសង្គមពីការសង្ស័យរបស់ពួកគេ លើភាពគត់មត់កក់ក្ដៅរបស់យន្តហោះ737MAX ហើយស្វែងរកការធានាពីបណ្ដាក្រុមហ៊ុនអាកាសចរណ៍ធ្វើអាជីវកម្មយន្តហោះធុននោះ ដែលតំំណាងឲ្យ១ភាគ៣នៃប្រាក់ចំណេញរបស់ក្រុមហ៊ុនប៊ូអីុងក្នុងឆ្នាំ២០១៨។
ប្រទេសជាច្រើន ក្នុងនោះមានអង់គ្លេស អាល្លឺម៉ង់ បារាំងនិងប្រទេសនៅអាសីុ៣បានហាមឃាត់ការហោះហើរកាត់ដែនអាកាសរបស់ពួកគេរបស់យន្តហោះប៊ូអីុង737MAX8។ ចំណែកប្រទេសជាច្រើនប្រកាសផ្អាកមិនឲ្យយន្តហោះធុននោះហោះហើរ។
ទីភ្នាក់ងារសន្តិសុខអាកាសចរណ៍អឺរ៉ុបEASA បានសម្រេចកាលពីថ្ងៃទី១២មីនា បិទដែនអាកាសអឺរ៉ុប សម្រាប់ការហោះហើរនៃយន្តហោះធុនប៊ូអីុង737MAX8ឬ737MAX9។ ការសម្រេចនេះធ្វើឡើង២ថ្ងៃក្រោយការធ្លាក់យន្តហោះប៊ូអីុង737MAX8របស់អេត្យូពីបណ្ដាលឲ្យមនុស្សជិះក្នុងនោះទាំង១៥៧នាក់ស្លាប់។ ទីភ្នាក់ងារនោះគូសបញ្ជាក់ថា ការហាមឃាត់បែបនេះចាប់ផ្ដើមពីម៉ោង១៩ម៉ោងសកលទៅ សម្រាប់គ្រប់ការហោះហើរយន្តហោះធុននេះ ទាំងចូលទាំងចេញឬទាំងក្នុងសហភាពអឺរ៉ុប ទោះជារបស់ពួកអឺរ៉ុបឬមកពីបណ្ដាប្រទេសទី៣ក្ដី។ EASAនិយាយថា វិធានការនោះគឹដើម្បីធានាសន្តិសុខរបស់ពួកអ្នកដំណើរ។
គ្រោះថ្នាក់របស់យន្តហោះប៊ូអីុង737MAX គេមានការសង្ស័យលើបណ្ដាឧបករណ៍សំខាន់នៃប្រព័ន្ធហោះហើរ របស់យន្តហោះធុនទាំងនោះជំនាន់ចុងក្រោយ ដូចជាប្រព័ន្ធធ្វើឲ្យយន្តហោះមានលំនឹងហៅប្រព័ន្ធMCAS ដែលអាជ្ញាធរអាមេរិកទាមទារឲ្យកែប្រែ៕
ចែករំលែកព័តមាននេះ