រាជធានីភ្នំពេញ ៖ សិប្បកម្មធ្វើស្លាកយីហោមួយកន្លែង ខណៈជាងកំពុងតែផ្សារដែក ស្រាប់ខ្ទាតកំទេចផ្សារទៅប៉ះនឹងសាំងក្រអូប បណ្តាលអោយឆាបឆេះចេញជាផ្កាភ្លើងយ៉ាងសន្ធោសន្ធៅបង្កការភ្ញាក់ផ្អើលឆោឡោដល់ប្រជាពលរដ្ឋនាំគ្នាជួយពន្លត់កាលពីវេលាម៉ោង៨យប់ថ្ងៃទី១២ ខែមីនា ឆ្នាំ២០១៩ នៅឃ្លាំងសិប្បកម្ម ធ្វើស្លាកយីហោមួយកន្លែង…
រាជធានីភ្នំពេញ ៖ សិប្បកម្មធ្វើស្លាកយីហោមួយកន្លែង ខណៈជាងកំពុងតែផ្សារដែក ស្រាប់ខ្ទាតកំទេចផ្សារទៅប៉ះនឹងសាំងក្រអូប បណ្តាលអោយឆាបឆេះចេញជាផ្កាភ្លើងយ៉ាងសន្ធោសន្ធៅបង្កការភ្ញាក់ផ្អើលឆោឡោដល់ប្រជាពលរដ្ឋនាំគ្នាជួយពន្លត់កាលពីវេលាម៉ោង៨យប់ថ្ងៃទី១២ ខែមីនា ឆ្នាំ២០១៩ នៅឃ្លាំងសិប្បកម្ម ធ្វើស្លាកយីហោមួយកន្លែង ក្បែរបុរី៩៩៩ ផ្លូវ៨៩BT ក្រុម៤ ភូមិត្នោតជ្រុំ៥ សង្កាត់បឹងទំពន់២ ខណ្ឌមានជ័យ ។
តាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុ សិប្បកម្មធ្វើស្លាកយីហោខាងលើគឺមានជាងកំពុងតែផ្សាដែក លុះពេលកំពុងតែផ្សារដែកនោះ ស្រាប់តែខ្ទាតកម្ទេចផ្សារទៅប៉ះនឹងកំប៉ុងសាំងក្រអូប បណ្ដាលអោយចេញជាផ្កាភ្លើងសន្ធោសន្ធៅហុយផ្សែងខ្មួលខ្មាញ់តែម្តង ។ ភ្លាមៗនោះដែរ បងប្អូនប្រជាពលរដ្ឋ ព្រមទាំងជាងៗដែលក្នុងសិប្បកម្មនោះបាននាំគ្នាយកបំពង់ពន្លត់អគី្គភ័យ និងទឹកមកជួយពន្លត់យ៉ាងញាប់ដៃញាប់ជើងទើបភ្លើងរលត់ទៅវិញនៅវេលាម៉ោង៨និង៣០នាទីយប់ថ្ងៃដដែល។
ក្រោយកើតហេតុ គេឃើញមានសមត្ថកិច្ចមូលដ្ឋានបានចុះទៅកន្លែងដើម្បីសាកសួរពីករណីកើតហេតុខាងលើ ហើយក៍បានអោយដឹងថា ការចាប់ឆាបឆេះនេះគឺមិនបណ្តាលអោយមានគ្រោះថ្នាក់ដល់មនុស្សនោះទេ គ្រាន់តែរងការខូចខាតម៉ូតូម៉ាកហុងដាគុបជ្រុងមួយគ្រឿង, សំភារៈសំរាប់កែច្នៃស្លាកយីហោ និងតុ ទូអស់បន្តិចបន្ទួចតែប៉ុណ្ណោះ ៕
ចែករំលែកព័តមាននេះ