រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសជាធារណថា ទោះបីជាត្រូវជីកដីជម្រៅណាក៏ដោយត្រូវតាមចាប់មេខ្លោងគ្រឿងញៀននៅក្លឹបកម្សាន្តរ៉ុកឲ្យបាន ហើយកុំឲ្យនៅពីក្រោយខ្នង ។ សម្តេចតេជោបន្តថា កុំឲ្យមានអ្នកកាងខ្នងចំពោះករណីបង្ក្រាបគ្រឿងញៀននៅក្លឹបកម្សាន្តរ៉ុកឲ្យសោះ ហើយទោះបីជាថ្នាក់ប៉ុន្មានក៏ត្រូវកម្ចាត់ដែរ ។ សម្តេចថ្លែងក្នុងពិធីបិទសន្និបាតបូកសរុបការងារប្រចាំឆ្នាំរបស់ក្រសួងសុខាភិបាល នៅសណ្ឋាគារសូហ្វីតែល នារសៀលថ្ងៃទី១២ ខែមីនា ឆ្នាំ២០១៩ថា ករណីរ៉ុក គឺជាករណីមិនត្រូវលើកលែងនោះទេ ។ ករណីរ៉ុកទោះបីជាត្រូវជីកជម្រៅប៉ុន្មានរយម៉ែត្រ ឬម៉ឺនម៉ែត្រ ចុះក្នុងដី ដើម្បីរកមេខ្លោងក៏ត្រូវជីកឲ្យជ្រៅតាមរកដែរ ។
សម្តេចបានបញ្ជាក់ថា «រកឲ្យឃើញព្រោះការបំផ្លិចបផ្លាញដែលចេញពីកន្លែងនេះ គឺធំធេង ហួសពេល ។ តាមខ្ញុំដឹងនៅសល់មួយកន្លែងទៀត ប៉ុន្តែឥឡូវវាសម្ងំ ។ ពេលនោះបើប្រតិបត្តិការម្តងពីកន្លែងអាចចប់ អីញ្ចឹងឯឧត្តមកែវ កឹមយ៉ាន នៅទីនេះ សម្រាប់មានការ ខ្លួនហើយមិនថា ដឹងទៅទីណា»។ សម្តេចតេជោ ហ៊ុន សែនក៏លើកឡើងថា រឿងកម្សាន្តចាំបាច់ណាស់ត្រូវសម្តេចលូកដៃចូលក្នុងសំណុំរឿងនេះ ដោយមិនអាចឲ្យរួចផុតនោះទេ ។ សម្តេចថា «អីញ្ចឹងសំណុំរឿងមួយនេះ ខ្ញុំត្រូវលូកដៃចូលក្នុងសំណុំរឿងនេះ គឺមិនអាចឲ្យរួចផុតទេ ឧក្រិដ្ឋកម្មមួយនេះវាធ្ងន់ហួស ។ គ្រឿងញៀនបានបំផ្លាញនូវអនាគតរបស់យុវជនយើងមិនតិចទេ ហើយនៅរ៉ុកតើបានបំផ្លាញប៉ុន្មានរួចហើយ ? អីញ្ចឹងទេ មិនអាចផ្តន្ទាទោសត្រឹមអាមេការតូចតាច អាមេបន្ទាប់ និងអាអ្នកជក់នោះទេ ។ ចាប់អាមេវាអាធំ» ។
សម្តេចក៏បានប្រើសំដីធ្ងន់ចំពោះរឿងគ្រឿងញៀននៅរ៉ុកថា «រឿងនេះត្រូវតែធ្វើឲ្យបានដាច់ខាត ដោយគ្មានការលើកលែងទេ ។ ខ្ញុំបានបញ្ជាក់ហើយអភិក្រម៥យ៉ាងឆ្លុះកញ្ចក់ងូតទឹកដុសក្អែលព្យាបាល និងវះកាត់ ។ មិនមែនធ្វើតែវិស័យរដ្ឋនោះទេ វិស័យឯកជនក៏ត្រូវធ្វើដែរ សង្គមទាំងមូលត្រូវធ្វើបញ្ហានេះដោយគ្មានការលើកលែងណាមួយដែលអាចធ្វើទៅរួចទេ» ។ សម្តេចក៏បានលើកទៀតថា ទោះបីជាជាប់ដល់មន្ត្រីថ្នាក់ណាក៏ដោយក៏ត្រូវតែធ្វើដែរនៅទីនេះខ្ញុំធ្លាប់បានលើកឡើងថា ត្រឹមអ្នកឯងពាក់ផ្កាយ ខ្ញុំដកមិនបាននោះ អ្នកពាក់លោកខែ ក៏ខ្ញុំដកដែរ ខ្ញុំចាប់បានដែរ ។ ឲ្យតែតុលាការស៊ើបអង្កេតឲ្យបានគ្រប់គ្រាន់ ហើយកុំឲ្យអ្នកណាមកជើងកាង ទោះបីជាជើងកាងចេញមកមួយកងពលក៏ដោយ ក៏ខ្ញុំវាយកម្ទេចចោលទាំងអស់» ។
សម្តេច « ខ្ញុំមិននិយាយសំដីពួកអាណាអី ប្រុងមកចាប់ខ្ញុំទេ ! ធន់អស់នឹងចង់មកចាប់ ហ៊ុន សែន ខ្ញុំហ៊ាននិយាយត្រឹមកងទ័ព មួយកងពល ឬពីកងពល ខ្ញុំវៃក្រវាត់ចោលទាំងអស់ ដូច្នេះក្រុមគ្រឿងញៀនត្រូវមើលឲ្យច្បាប់អំពីចំណុចនេះ ។ យើងត្រូវចាប់ផ្តើមអំពីសមត្ថភាពរ៉ុកនេះមួយ ដើម្បីបង្ហាញថា មិនមែនតែចាប់តែអាតូចតាចទេ អាមេក្លោងធំប៉ុន្មានក៏ដោយទោះបីជា ក្នុងវិស័យឯកជន និងក្នុងរដ្ឋហ្នែងមានលុយប៉ុន្មាន ស័ក្តិប៉ុន្មានវៃទាំងអស់» ។
សម្តេចក៏បានលើកឡើងថា«ខ្ញុំបានបង្ហោះនៅលើហ្វេសប៊ុករឿងដកឧត្តមសេនីយនៅខេត្តរតនគិរី ខ្ញុំថា ខ្ញុំបានសម្រេចចិត្តមួយថា ជាការសម្រេចអភិក្រមទី៥ គឺវះកាត់បន្ទាប់ទៅដកដោយមិនដឹងខ្លួននូវអភិបាលរងខេត្តពីររូប ។ នេះត្រូវយកខ្សាច់ និងគ្រោះចេញពីស្បែកជើងទើបអាចដើរទៅមុខបាន ។ ខ្ញុំអាចបន្ថែមខ្លាក៏វៃពស់ក៏វៃពស់ក៏វៃរុយក៏វៃកន្លាតក៏វៃឲ្យតែបំផ្លាញដល់សង្គមវៃទាំងអស់ ។ អីញ្ចឹងទេអត់មានថា វៃអាតូច អត់វៃអាធំទេ «…» អាហ្នឹងទាល់តែវៃទាំងអស់» ៕
ចែករំលែកព័តមាននេះ