ខេត្តមណ្ឌលគិរី ៖ បញ្ហាចរាចរណ៍កកស្ទះក្នុងរាជធានីភ្នំពេញកំពុងជាកង្វល់ដែលអាជ្ញាធរពាក់ព័ន្ធកំពុងយកចិត្តទុកដាក់ដោះស្រាយ ហេតុដូច្នេះហើយទើបសាលារាជធានីភ្នំពេញ និងសមាគមរោងចក្រកាត់ដេរនៅកម្ពុជា ហៅកាត់ថា (GMAC) បានលើកទឹកចិត្តដល់វិនិយគិនបរទេស ដែលមានបំណងបង្កើតរោងចក្រថ្មីៗនៅកម្ពុជា ឲ្យយល់ពីផលលំបាកនៃការតាំងទីនៅកណ្តាលក្រុងភ្នំពេញ…
ខេត្តមណ្ឌលគិរី ៖ បញ្ហាចរាចរណ៍កកស្ទះក្នុងរាជធានីភ្នំពេញកំពុងជាកង្វល់ដែលអាជ្ញាធរពាក់ព័ន្ធកំពុងយកចិត្តទុកដាក់ដោះស្រាយ ហេតុដូច្នេះហើយទើបសាលារាជធានីភ្នំពេញ និងសមាគមរោងចក្រកាត់ដេរនៅកម្ពុជា ហៅកាត់ថា (GMAC) បានលើកទឹកចិត្តដល់វិនិយគិនបរទេស ដែលមានបំណងបង្កើតរោងចក្រថ្មីៗនៅកម្ពុជា ឲ្យយល់ពីផលលំបាកនៃការតាំងទីនៅកណ្តាលក្រុងភ្នំពេញ ។
លោក កាំង ម៉ូនីកា អគ្គលេខាធិការសមាគមរោងចក្រកាត់ដេរនៅកម្ពុជា បានអោយដឹងថា សមាគមក៏បានលើកទឹកចិត្ត និងជំរុញអោយវិនិយោគិនថ្មីៗ ទៅដាក់ទីតាំងនៅតំបន់ក្រៅ ខ្សែក្រវ៉ាត់ក្រុងទី៣ អោយហើយទៅ ដើម្បីសម្រួលដល់ការដឹកជញ្ជូនទំនិញចេញចូល ហើយវាក៏សម្រួលដល់កម្មករនិយោជិតដែរ ។
លោក កាំង ម៉ូនីកា មានប្រសាសន៍បញ្ជាក់ថា « យើងមិនបានហាមវិនិយោគិនថ្មីៗអោយដាក់ទីតាំងនៅក្នុងក្រុងទេ តែយើងពន្យល់ពួកគាត់ពីផលលំបាកវិញ ។ ការដាក់ទីតាំងនៅក្នុងក្រុង រថយន្តដឹកទំនិញ មិនអាចចរាចរណ៍ បានគ្រប់ពេលនោះទេ ដូច្នេះពួកគាត់ត្រូវផ្ទេរទំនិញមករថយន្តតូចៗ ដើម្បីនាំចូលរោងចក្រក្នុងក្រុងនៅពេលថ្ងៃ ។ ម្យ៉ាងទៀត បើសិនជាពួកគាត់ដាក់ទីតាំងនៅតំបន់ក្រៅខ្សែក្រវ៉ាត់ក្រុងទី៣វិញ វាក៏នឹងសម្រួលដល់ការចំណាយរបស់កម្មករ និយោជិតដែរ ពីព្រោះថាតម្លៃសេវាកម្មនានា នៅក្នុងក្រុង គឺខ្ពស់ជាងនៅក្រៅ ក្រុងជាក់ស្ដែងតម្លៃផ្ទះជួល ថ្លៃម្ហូបអាហារជាដើម »។ លោកបន្តថា គោលនយោបាយជំរុញរោងចក្រអោយទៅនៅក្រៅក្រុងគឺជាគោល នយោបាយដ៏ត្រឹមត្រូវរបស់រាជរដ្ឋាភិបាល ដើម្បីដោះស្រាយបញ្ហាកកស្ទះចរាចរណ៍ ដែលកើតមានឡើងរាល់ថ្ងៃ នៅក្នុងក្រុង ហើយជាពិសេសនោះ គឺដើម្បីអោយអាជ្ញាធរមានភាពងាយស្រួលក្នុងការកែលំអសោភណភាពទីក្រុងអោយបានស្អាតនៅថ្ងៃអនាគត ។
យោងតាមសេចក្តីប្រកាសរបស់សាលារាជធានីភ្នំពេញនាពេលកន្លងមកថា សាលារាជធានីភ្នំពេញ បានលើកទឹកចិត្ត និងមិនបង្ខំនោះទេ អោយរោងចក្រដែលគ្រោងនឹងបង្កើតថ្មី នៅកម្ពុជា គួរស្វែងរកទីតាំងនៅតំបន់ជាយក្រុងវិញ ប្រសើរជាការរកទីតាំងនៅជិតក្រុង ដែលបង្កជាបញ្ហាកកស្ទះ និងបញ្ហាមួយចំនួនទៀត ។ ដោយឡែក សម្រាប់រោងចក្រដែលកំពុងដំណើរការស្រាប់នៅរក្សាដដែល ។
បើតាមលោក ម៉េត មាសភក្តី អ្នកនាំពាក្យសាលារាជធានីភ្នំពេញ បានមានប្រសាសន៍តាមទូរសព្ទកាលពីរសៀលថ្ងៃទី ០៤ មីនា ២០១៩ នេះថា សាលារាជធានីភ្នំពេញមិនបង្ខំ ឬក៏ តម្រូវថារោងចក្របង្កើតថ្មីត្រូវសាងសង់នៅតាមផ្លូវក្រវ៉ាត់ក្រុងទី ៣ នោះទេ តែសាលារាជធានីភ្នំពេញលើកទឹកចិត្ត ចំពោះរោងចក្រដែលគ្រោងនឹងបង្កើតថ្មីៗនៅកម្ពុជា អោយទៅរកទីតាំងនៅតំបន់ជាយក្រុង ដូចជានៅតំបន់ផ្លូវក្រវ៉ាត់ក្រុងថ្មី ដែលជាគម្រោងរបស់រាជរដ្ឋាភិបាល ព្រោះតំបន់នោះស្ងាត់ល្អ និងមិនបង្កការកកស្ទះចំពោះការចរាចរណ៍ទៀតផងដែរ ។
លោក ម៉េត មាសភក្តី មានប្រសាសន៍បន្តថា សម្រាប់រោងចក្រដែលកំពុងដំណើរការស្រាប់នៅទីតាំងចាស់ជិតឬក្នុងរាជធានីភ្នំពេញផ្ទាល់តែម្ដងមិនចាំបាច់រុះរើទៅកាន់តំបន់ថ្មីនោះទេ ពួកគេអាចដំណើរការរោងចក្រនៅកន្លែងដដែលបាន តែសាលារាជធានីនឹងព្យាយាមដោះស្រាយបញ្ហាកកស្ទះចរាចរណ៍អោយបានស្រួល ដោយមិនអោយបង្កផលប៉ះពាល់ដល់អ្នកធ្វើដំណើរនោះទេ ហើយបច្ចុប្បន្ននេះ បញ្ហាកកស្ទះនៅម្ដុំរោងចក្រក៏បានដោះស្រាយបានមួយចំនួនរួចរាល់ និងបានធូរស្បើយមួយកម្រិតហើយផងដែរ ។ លោកបន្តថា « យើងបានកំណត់ម៉ោងចេញចូលសម្រាប់រថយន្តដឹកអីវ៉ាន់ក្នុងរោងចក្រ ដើម្បីកុំអោយប៉ះពាល់ដល់ការធ្វើដំណើររបស់អ្នកដំណើរ ហើយយើងនឹងព្យាយាមធ្វើអោយបានច្រើនថែមទៀត ដើម្បីដោះស្រាយបញ្ហាកកស្ទះនៅតំបន់រោងចក្រដែលនៅក្នុងក្រុង»។ លោកបន្ថែមថា៖« យើងក៏បានជជែកច្រើនហើយជាមួយសមាគមរោងចក្រកាត់ដេរ និងសម្លៀកបំពាក់កម្ពុជា ពាក់ព័ន្ធនឹងដំណោះស្រាយ ដោយយើងបានប្រាប់គាត់អោយដំណើរការធម្មតាទៅសម្រាប់រោងចក្រដែលដំណើរការក្នុងក្រុងយូរហើយនោះ ដោយមិនបាច់ភ័យពីរឿងរុះរើទៅកាន់កន្លែងថ្មីនោះទេ តែយើងបានប្រាប់គាត់អោយវិនិយោគិនថ្មីដែលគ្រោងនឹងបង្កើតរោងចក្រនៅកម្ពុជា សូមរកទីតាំងថ្មីនៅជាយក្រុងព្រោះវាងាយស្រួល ក្នុងការចេញចូលអីវ៉ាន់ »។
អ្នកនាំពាក្យសាលារាជធានីភ្នំពេញបន្ថែមថា « យើងមិនបានហាមវិនិយោគិនថ្មីៗ អោយដាក់ទីតាំងនៅក្នុងក្រុងទេ តែយើងពន្យល់ពួកគាត់ពីផលលំបាកវិញ ។ ការដាក់ទីតាំងនៅក្នុងក្រុង រថយន្តដឹកទំនិញ មិនអាចចរាចរណ៍ បានគ្រប់ពេលនោះទេ ដូច្នេះពួកគាត់ត្រូវផ្ទេរទំនិញមករថយន្តតូចៗ ដើម្បីនាំចូលរោងចក្រក្នុងក្រុងនៅពេលថ្ងៃ ។ ម្យ៉ាងទៀត បើសិនជាពួកគាត់ដាក់ទីតាំងនៅតំបន់ក្រៅខ្សែក្រវ៉ាត់ក្រុងទី៣វិញ វាក៏នឹងសម្រួលដល់ការចំណាយរបស់កម្មករ និយោជិតដែរ ពីព្រោះថាតម្លៃសេវាកម្មនានា នៅក្នុងក្រុង គឺខ្ពស់ជាងនៅក្រៅ ក្រុងជាក់ស្ដែងតម្លៃផ្ទះជួល ថ្លៃម្ហូបអាហារជាដើម »។ លោកបន្តថា គោលនយោបាយជំរុញរោងចក្រអោយទៅនៅក្រៅក្រុងគឺជាគោល នយោបាយដ៏ត្រឹមត្រូវរបស់រាជរដ្ឋាភិបាល ដើម្បីដោះស្រាយបញ្ហាកកស្ទះចរាចរណ៍ ដែលកើតមានឡើងរាល់ថ្ងៃ នៅក្នុងក្រុង ហើយជាពិសេសនោះ គឺដើម្បីអោយអាជ្ញាធរមានភាពងាយស្រួលក្នុងការកែលំអសោភណភាពទីក្រុងអោយបានស្អាតនៅថ្ងៃអនាគត ។
យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា ហៅកាត់ថា (CDC) ឃើញថាក្នុងឆ្នាំ ២០១៩នេះ មានរោងចក្រសហគ្រាសបើកថ្មីៗជាច្រើន បានដាក់ពាក្យស្នើវិនិយោគនៅកម្ពុជា ហើយក្រុមប្រឹក្សាក៏បានផ្ដល់អាជ្ញាប័ណ្ណជាបន្តបន្ទាប់ ដល់ក្រុមហ៊ុនទាំងនោះ វិនិយោគនៅកម្ពុជាផងដែរជាពិសេសនៅក្នុងរាជធានីភ្នំពេញ ក៏ប៉ុន្តែ បើពិនិត្យមើលរបាយការណ៍របស់ក្រុមប្រឹក្សាអភិវឌ្ឍន៍កម្ពុជា ទីតាំងរោងចក្រ ដែលស្នើសុំវិនិយោគថ្មីៗ ភាគច្រើន នៅទីតាំងតំបន់ជាយរាជធានីភ្នំពេញ ដូចជានៅខណ្ឌពោធិ៍សែនជ័យ ខណ្ឌព្រែកព្នៅ និងខណ្ឌដង្កោ ជាពិសេសទីតាំងដែលទើបកាត់ចូលពីខេត្តមកក្រោមការគ្រប់គ្រងរបស់រដ្ឋបាលរាជធានីភ្នំពេញ ៕
ចែករំលែកព័តមាននេះ