Barcelona ចងជើង Jordi Alba ដល់ឆ្នាំ២០២៤
តាមប្រភពព័ត៌មាន Barca Blaugranes បានឱ្យដឹងថា កីឡាកររបស់ក្លិបអ្នកមានបុណ្យ Jordi Alba បានបន្តកុងត្រាជាមួយនឹងក្លិបរបស់ខ្លួនកាលពីថ្ងៃចន្ទ ដែលនឹងផុតកំណត់នៅឆ្នាំ២០២៤ ។…
តាមប្រភពព័ត៌មាន Barca Blaugranes បានឱ្យដឹងថា កីឡាកររបស់ក្លិបអ្នកមានបុណ្យ Jordi Alba បានបន្តកុងត្រាជាមួយនឹងក្លិបរបស់ខ្លួនកាលពីថ្ងៃចន្ទ ដែលនឹងផុតកំណត់នៅឆ្នាំ២០២៤ ។ នៅក្នុងសន្និសីទកាសែតស្តីពីការចុះកុងត្រានេះ Alba បាននិយាយថា រូបគេសង្ឃឹមថានឹងអាចនៅលេងជាមួយ Lionel Messi ឱ្យបានកាន់តែយូរ ។
កីឡាកររូបនេះថា ៖«Messi តែងតែធ្វើឱ្យអ្នកលេងបានល្អជានិច្ច ។ ពេលនៅជាមួយគេ ខ្ញុំបានរីកចម្រើនយ៉ាងខ្លាំង ។ ខ្ញុំអាចឃើញថា ខ្ញុំពិតជាអភិវឌ្ឍបានច្រើនមែន ។ ខ្ញុំមានភាពចាស់ទុំជាងមុន ទាំងក្នុងនាមជាកីឡាករ និង ជាបុគ្គលមួយរូប»។
គេបានបន្តថា ៖«ខ្ញុំសង្ឃឹមថា Messi នឹងអាចនៅបន្តឱ្យយូរដូចខ្ញុំដែរ ដើម្បីឱ្យពួកយើងលេងជាមួយគ្នាបានកាន់តែយូរ ។ គោលដៅរបស់ខ្ញុំគឺ ដើម្បីនៅលេងទីនេះឱ្យបានយូរតាមតែអាចធ្វើទៅបាន» ។
គួរបញ្ជាក់ផងដែរថា កុងត្រារបស់ Messi នាពេលបច្ចុប្បន្ននឹងផុតនៅឆ្នាំ២០២១ តែប្រធានក្លិបលោក Josep Maria Bartomeu បាននិយាយពីរឿងបន្តកុងត្រាជាច្រើនលើកច្រើនសារនៅក្នុងរដូវកាលនេះ ៕
ចែករំលែកព័តមាននេះ