បុគ្គលមិនគប្បីធ្វើការងារគ្រាន់តែដើម្បីទ្រព្យសម្បត្តិតែម្យ៉ាងនោះ តែត្រូវធ្វើការងារដើម្បីរំដោះខ្លួនឯងឲ្យរួចអំពីសេចក្តីសោកសៅ រំដោះខ្លួនឱ្យរួចពីត្រៃភពនេះផង ។ អ្នកដទៃគេធ្វើអំពើល្អមកលើយើង គឺវាត្រឹមត្រូវមែនហើយ ប៉ុន្តែសេចក្តីល្អនោះមិនមែនជាអំពើល្អរបស់យើងទេ មនុស្សមិនមាននូវអំពើល្អសម្រាប់ខ្លួន មិនអាចជួយខ្លួនឯងបានឡើយ ទាំងអ្នកដទៃក៏រឹតតែមិនអាចជួយបានដែរ…
បុគ្គលមិនគប្បីធ្វើការងារគ្រាន់តែដើម្បីទ្រព្យសម្បត្តិតែម្យ៉ាងនោះ តែត្រូវធ្វើការងារដើម្បីរំដោះខ្លួនឯងឲ្យរួចអំពីសេចក្តីសោកសៅ រំដោះខ្លួនឱ្យរួចពីត្រៃភពនេះផង ។
អ្នកដទៃគេធ្វើអំពើល្អមកលើយើង គឺវាត្រឹមត្រូវមែនហើយ ប៉ុន្តែសេចក្តីល្អនោះមិនមែនជាអំពើល្អរបស់យើងទេ មនុស្សមិនមាននូវអំពើល្អសម្រាប់ខ្លួន មិនអាចជួយខ្លួនឯងបានឡើយ ទាំងអ្នកដទៃក៏រឹតតែមិនអាចជួយបានដែរ ។
គុណតម្លៃនៃការងារមនុស្សគ្រប់គ្នាស្ថិតលើអំពើល្អ និងត្រូវសិក្សាស្វែងយល់ឲ្យបានច្បាស់លាស់ បើពុំដូច្នោះទេ ប្រាកដជាយល់ថាការងារទុច្ចរិត ជាការងារមានតម្លៃដែរហើយ ជាទុទ្ទិដ្ឋិឱ្យផលទុក្ខ ។
នៅក្នុងលោកនេះមិនមានអ្វីដែលយើងបានមកដោយឯងៗ ដែលមិនមានជាលទ្ធផលនៃការងាររបស់ខ្លួននោះទេ គ្រាន់តែថា មានការងារខ្លះយើងបានធ្វើហើយក្នុងជាតិនេះ និងការងារខ្លះយើងបានបំពេញហើយអំពីជាតិមុនមក ។
ការយល់ដឹងអំពីលទ្ធផលនៃការងារយ៉ាងនេះ រមែងកាត់បន្ថយនូវក្តីសៅហ្មង សម្រាលតណ្ហា ដែលតែងប្រាថ្នាក្នុងវត្ថុទាំងពួងឲ្យថយកម្លាំងបានខ្លះ ហើយញ៉ាំងសេចក្តីសន្តោសឲ្យចម្រើនឡើង ជីវិតនឹងបានសុខ ។
ចែករំលែកព័តមាននេះ