ខេត្តរតនគីរី ៖ យុវជនម្នាក់បានយកកាំបិតប៉័ងតោអារ.កសម្លាប់ឯង បណ្តាលឱ្យស្លាប់ក្នុងបន្ទប់ដេករបស់ខ្លួន ហើយនៅមុនពេលកើតហេតុ ជនរងគ្រោះមានអារម្មណ៍រវើរវាយនិយាយស្តីមិនដឹងអីសោះ ត្រូវបានឪពុកម្តាយនាំទៅជួបគ្រូទាយនិយាយថា កូនប្រុសបានដើរជាន់ពែរបស់អ្នកភូមិ។ ហេតុការណ៍ខាងលើនេះបង្កឱ្យមានការភ្ញាក់ផ្អើលកាលពីវេលាម៉ោង៨និង៥០នាទីព្រឹកថ្ងៃទី១១ ខែមីនា…
ខេត្តរតនគីរី ៖ យុវជនម្នាក់បានយកកាំបិតប៉័ងតោអារ.កសម្លាប់ឯង បណ្តាលឱ្យស្លាប់ក្នុងបន្ទប់ដេករបស់ខ្លួន ហើយនៅមុនពេលកើតហេតុ ជនរងគ្រោះមានអារម្មណ៍រវើរវាយនិយាយស្តីមិនដឹងអីសោះ ត្រូវបានឪពុកម្តាយនាំទៅជួបគ្រូទាយនិយាយថា កូនប្រុសបានដើរជាន់ពែរបស់អ្នកភូមិ។
ហេតុការណ៍ខាងលើនេះបង្កឱ្យមានការភ្ញាក់ផ្អើលកាលពីវេលាម៉ោង៨និង៥០នាទីព្រឹកថ្ងៃទី១១ ខែមីនា ឆ្នាំ២០១៩ ស្ថិតនៅភូមិថ្មដា សង្កាត់បឹងកន្សែង ក្រុងបានលុង ។
ជនរងគ្រោះដែលស្លាប់ឈ្មោះឆែម សែន ភេទប្រុស អាយុ២០ឆ្នាំ មុខរបកម្មកសំណង់ រស់នៅភូមិឃុំកើតហេតុខាងលើ ។
ទាក់ទិននឹងករណីខាងលើនេះ យោងតាមឪពុកម្ដាយរបស់ជនរងគ្រោះបានរៀបរាប់ថា កូនប្រុសគាត់គ្រប់ទឹកត្រឹមត្រូវ ទើបតែក្នុងរយៈពេល២ខែនេះ កូនប្រុសរបស់ពួកគាត់បានទៅសុីឈ្នួលធ្វើផ្ទះអោយគេនៅ
ស្រុកវើនសៃ ហើយពេលត្រឡប់មកផ្ទះវិញបានចំនួន៧ថ្ងៃ ស្រាប់តែកូនប្រុសរបស់ពួកគាត់មានអារម្មណ៍រវើរវាយនិយាយស្ដីមិនដឹងអីសោះ ទើបពួកគាត់ជាឪពុកម្ដាយបានយកកូនប្រុសទៅទាយមើល ហើយគ្រូទាយនិយាយថា កូនប្រុសរបស់ពួកគាត់ដើរជាន់ពែដែលអ្នកភូមិសែន ទើបបណ្ដាលអោយកូនប្រុសរបស់ពួកគាត់ធ្លាក់ខ្លួនឈឺ និងមានអារម្មណ៍មិនចង់នៅរស់បែបនេះ។
ក្រោយពីកើតហេតុ សមត្ថកិច្ចចម្រុះរបស់ខេត្ត រួមមានប៉ូលិស ប៉េអឹម មន្ត្រីពេទ្យ និងតុលាការបានចុះទៅដល់កន្លែងកើតហេតុផងដែរ ដើម្បីធ្វើការត្រួតពិនិត្យសពជនរងគ្រោះ ។
ក្រោយពីសមត្ថកិច្ចជំនាញធ្វើការត្រួតពិនិត្យអស់រយៈពេលជាង២ម៉ោងរួចមក ជាលទ្ធផលរកឃើញថា ជនរងគ្រោះពិតជាបានយកកាំបិតប៉័ងតោអារ.កសម្លាប់ខ្លួនឯងប្រាកដមែន គ្មានរឿងឃាតកម្មអ្វីកើតឡើងនោះទេ ហើយមូលហេតុបណ្ដាលអោយជនរងគ្រោះឈានដល់ការសម្លាប់ខ្លួនឯងបែបនេះ សមត្ថកិច្ចបានធ្វើការសន្និដ្ឋានជាជំហានដំបូងថាជនរងគ្រោះមានសតិអារម្មណ៍មិនល្អ ។
ក្រោយពីសមត្ថកិច្ចធ្វើការត្រួតពិនិត្យរួច បានប្រគល់សពជួនក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ