ADផ្ទាំងផ្សព្វផ្សាយពាណិជ្ជកម្ម

Picture

ទុក្ខ​របស់​មនុស្ស​កើត​អំពី​ចំណង់​មិន​ចេះ​គ្រប់

5 ឆ្នាំ មុន

សាមញ្ញ​ជន​មិនមែន​មានទុក្ខ​ត្រឹមតែ​ការ​ស្រេកឃ្លាន​ប៉ុណ្ណោះ​ទេ តែ​មនុស្ស នៅ​មានទុក្ខ​ដទៃ​ៗ​ជ្រែកចូល​មក​ទៀត​ដូច​ជា​៖ ១-​បាន​អាហារ​បរិភោគ​ឆ្អែត​ហើយ តែ​នៅ​ចង់​មាន ចង់បាន​ឲ្យ​ច្រើន​ជាង​ហ្នឹង ចង់​មានបាន​ទុក​សម្រាប់​ចែក​កូនចៅ សម្រាប់​មុខមាត់​កិត្តិយស សម្រាប់​បង្អួត​អ្នក​ដទៃ​គឺ កើត​លោភៈ​ចង់បាន​មិន​ចេះ​ចប់…

សាមញ្ញ​ជន​មិនមែន​មានទុក្ខ​ត្រឹមតែ​ការ​ស្រេកឃ្លាន​ប៉ុណ្ណោះ​ទេ តែ​មនុស្ស នៅ​មានទុក្ខ​ដទៃ​ៗ​ជ្រែកចូល​មក​ទៀត​ដូច​ជា​៖

១-​បាន​អាហារ​បរិភោគ​ឆ្អែត​ហើយ តែ​នៅ​ចង់​មាន ចង់បាន​ឲ្យ​ច្រើន​ជាង​ហ្នឹង ចង់​មានបាន​ទុក​សម្រាប់​ចែក​កូនចៅ សម្រាប់​មុខមាត់​កិត្តិយស សម្រាប់​បង្អួត​អ្នក​ដទៃ​គឺ កើត​លោភៈ​ចង់បាន​មិន​ចេះ​ចប់ ។
២-​បាន​អាហារ​ពេញ​ពោះ​ហើយ តែ​នៅ​ត្រូវការ​ឲ្យ​ភ្នែក ត្រចៀក ច្រមុះ អណ្តាត កាយ ចិត្ត នឹកគិត​បាន​នូវ​ចំណី​អារម្មណ៍ល្អ​ៗ​ទៀត ។

៣-​ប៉ុន្តែ​នៅ​ពេល​ស្វែងរក​រូប សំឡេង ក្លិន រស សម្ផស្ស តាម​ចំណង់​ចំណូលចិត្ត មិន​បាន​ដូច​ការ​ប៉ង ក៏​ជា​ទុក្ខ គឺ​ទុក្ខ​ព្រោះ​អន្ទះសា​ក្នុង​ការ​ស្វែងរក​បន្ត ទុក្ខ​ព្រោះ​ការ​បាន​មក​មិន​សម​តាម​ប្រាថ្នា ទុក្ខ​ព្រោះ​របស់​ដែល​បាន​មក​មានការ​ប្រែប្រួល​ទៅ​វិញ​ជា​ធម្មតា​គឺ​ទុក្ខ​រហូត​ពេញ​មួយ​ជីវិត ។

បើ​និយាយ​ពី​សត្វ​តិរច្ឆាន​មានទុក្ខ​ព្រោះ​ស្រែក​ឃ្លាន​មិន​មាន​ស៊ី និង​ព្រោះ​ត្រូវ​គេ​គំរាមកំហែង​បៀត​ប្រៀន​អាយុជីវិត តែ​ចំណែក​មនុស្ស​ទុក្ខ​ព្រោះ​ចំណង់​ត្រង់​មិន​ចេះ​គ្រប់ មិន​ចេះ​ហើយ​បាន​នេះ​ហើយ ចង់បាន​នោះ​ទៀត​គឺ​នៅ​តែ​ខ្វះ នៅ​តែ​មានទុក្ខ ការ​មិន​ចេះ​គ្រប់​ហ្នឹងហើយ ជា​ទុក្ខ​មិន​ចេះ​ចប់​នោះ ។