គន្លឹះ​ទាំង ៥ កាត់​បន្ថយ​ភាព​ស្ត្រេ​ស​ក្នុង​កន្លែងធ្វើការ


ស្ត្រេ​ស​នៅ​កន្លែងធ្វើការ​គឺជា​អ្វី​ដែល​យើង​តែងតែ​ជួប​ប្រទះ​។ សម្រាប់​មនុស្ស​មួយ​ចំនួន ពួក​គេ​ត្រូវ​ជួបនឹង​វា​ជា​រៀងរាល់ថ្ងៃ តែ​សម្រាប់​មនុស្ស​មួយ​ចំនួន​ទៀត​ប្រហែល​ជួប​វា​តែ​ពេល​ដែល​មានការ​ងារ​ច្រើន​ប៉ុណ្ណោះ​។ ហើយ​ភាព​ស្ត្រេ​ស​នៅ​កន្លែងធ្វើការ​មិនកើត​មាន​ឡើង​តែ​នៅ​កន្លែងធ្វើការ​ទេ វា​ក៏​ត្រលប់​ទៅ​ផ្ទះ​ជាមួយនឹង​យើង​ដែរ​ហើយ​អាច​នឹង​បង្ក​បញ្ហា​ជា​ច្រើន​ដល់​គ្រួសារ​និង​មនុស្ស​ជាទី​ស្រលាញ់​។

ខាងក្រោម​នេះ​គឺជា​គន្លឹះ​ទាំង ៥​ក្នុង​ការ​កាត់​បន្ថយ​ភាព​ស្ត្រេ​ស​នៅ​កន្លែងធ្វើការ​៖ ១. ប្រាប់​ដល់​អ្នកគ្រប់គ្រង​អ្នក អ្នក​គួរតែ​ប្រាប់​ដល់​អ្នកគ្រប់គ្រង​ពី​មូលហេតុ​ដែល​បង្ក​ឲ្យ​អ្នក​ជួបនឹង​បញ្ហា​នេះ រួច​សាកសួរ​ស្នើ​សុំ​ជំនួយ ឬ​ការ​ណែនាំ​ជាដើម​។ ប្រសិនបើ​អ្នក​មិន​មាន​អារម្មណ៍​ស្និទ្ធស្នាល​ជាមួយ​អ្នកគ្រប់គ្រង​អ្នក​ទេ អ្នក​អាច​ស្វែងរក​អ្នក​ដែល​មាន​ឋានៈ​ធំ ឬ​អ្នក​នៅ​ផ្នែក​ធនធានមនុស្ស​ដែល​អ្នក​អាច​ជឿ​ទុកចិត្ត​បានជា​ដើម​។
២. ស្វែងរក​ការ​គាំទ្រ​ពី​មិត្ត​រួមការ​ងារការ​ធានា​ថា​អ្នកមាន​អ្នកគាំទ្រ​អាច​ជួយ​ដល់​អ្នក​ដែល​ពេល​ដែល​អ្នក​ជួប​បញ្ហា​នៅ​កន្លែងធ្វើការ​។ អ្នក​គួរ​និយាយ​រឿង​ក្នុង​ចិត្ត​ប្រាប់​ដល់​អ្នក​ដែល​អាច​ទុកចិត្ត​បាន និង​ដឹង​ពី​ក្រុមហ៊ុន​និង​វប្បធម៌​ក្រុមហ៊ុន​ចាស់​ផង​ដែរ​។ ពេល​ខ្លះ ការ​និយាយ​ជាមួយ​អ្នក​ដែល​ធ្លាប់​កាន់​តំណែង​របស់​អ្នក​អាច​ជួយ​ដល់​អ្នក​ច្រើន​ក្នុង​ការ​ផ្តល់​មតិយោបល់​។

៣. មើលថែ​សុខភាព​របស់​អ្នក អ្នក​គួរតែ​ទទួលទាន​អាហារ​ល្អ សម្រាក​ឲ្យ​បាន​គ្រប់គ្រាន់ និង​ស្វែងរក​ពេល​ធ្វើ​លំ​ហាត់ប្រាណ​ផង​ដែរ ព្រោះ​វា​អាច​នឹង​ជួយ​អ្នក​ប្រសិនបើ​អ្នក​ពេញចិត្ត​នឹង​ខ្លួនឯង​។ ប្រសិនបើ​អ្នក​ជួប​ការ​លំបាក​ក្នុង​ការ​ឈប់​គិត​ពី​រឿង​ការងារ អ្នក​គួរតែ​សាកល្បង Yoga ឬ​ការ​តាំងសមាធិ​ជាដើម​។
៤. តាមដាន​កត្តា​ដែល​បង្ក​ឲ្យ​អ្នក​ស្ត្រេ​ស អ្នក​គួរ​សាកល្បង​កត់ត្រា​ទុក​ពី​អ្វី​និង​ស្ថាន​ការ​ដែល​បង្ក​ឲ្យ​អ្នក​ស្ត្រេ​ស​ជាងគេ និង​ការ​ឆ្លើយ​តប​របស់​អ្នក​ទៅ​នឹង​ភាព​ស្ត្រេ​ស​នោះ​។ ការ​កត់​ត្រាទុក​គំនិត អារម្មណ៍ និង​អ្វី​ដែល​បាន​កើតឡើង ព្រមទាំង​ការ​ឆ្លើយ​តប​របស់​អ្នកផង​ដែរ​អាច​ជួយ​ឲ្យ​អ្នក​យល់​កាន់តែ​ច្បាស់​ពី​ភាព​ស្រេ្ត​ស​របស់​អ្នក និង​ជួយ​ឲ្យ​អ្នក​អាច​រក​វិធី​ក្នុង​ការ​គ្រប់គ្រង​វា​ផង​ដែ​ឬ​។

៥. កំណត់ព្រំដែន​ច្បាស់លាស់ក្នុង​ជំនាន់​ឌី​ជី​ល​ថ​ល​នេះ មនុស្ស​ភាគច្រើន​តែង​យល់​ច្រឡំ​ថា​ពួក​យើង​ត្រូវ​តែ​អាច​ទាក់ទង​បាន​២៤​ម៉ោង​។ តែ​វា​ពិតជា​សំខាន់​ណាស់​ក្នុង​ការ​កំណត់ព្រំដែន​រវាង​ការ​ធ្វើការ និង​ជីវិត​ផ្ទាល់ខ្លួន​ច្បាស់លាស់​។ ឧទាហរណ៍​ដូច​ជា​ហាម​មិន​ឲ្យ​ខ្កួ​ន​ឆែក​អ៊ី​ម៉ែ​ល​ការងារ​បន្ទាប់​ពី​ចេញពី​ធ្វើការ​ជាដើម​។
ការ​ធ្វើ​ដូច្នេះ​អាច​ជួយ​ឲ្យ​អ្នកមាន​ព្រំដែន​ច្បាស់លាស់​រវាង​ជីវិត​ផ្ទាល់ខ្លួន​និង​ការងារ ហើយ​អ្នក​អាច​កាត់​បន្ថយ​បញ្ហា​មិន​អាច​ស្វែងរក​លំនឹង​រវាង​ការងារ​និង​ជីវិត​ផ្ទាល់ខ្លួន​ផង​ដែរ​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

គួរ​យល់​ដឹង

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ