ខេត្តកណ្ដាល ៖ ស្ត្រីវ័យចំណាស់ម្នាក់ទំនងអស់សង្ឃឹមក្នុងជីវិតព្រោះតែជំងឺប្រចាំកាយកាលពីថ្ងៃទី១០ ខែមីនា សម្រេចចិត្តប្រើខ្សែអង្រឹងចង.កធ្វើអត្តឃាតសម្លាប់ខ្លួននៅក្នុងបន្ទប់ទឹក ភូមិម្លូម៉ឺន ឃុំផ្សារដែក ស្រុពញាឮ ខេត្តកណ្ដាល ។…
ខេត្តកណ្ដាល ៖ ស្ត្រីវ័យចំណាស់ម្នាក់ទំនងអស់សង្ឃឹមក្នុងជីវិតព្រោះតែជំងឺប្រចាំកាយកាលពីថ្ងៃទី១០ ខែមីនា សម្រេចចិត្តប្រើខ្សែអង្រឹងចង.កធ្វើអត្តឃាតសម្លាប់ខ្លួននៅក្នុងបន្ទប់ទឹក ភូមិម្លូម៉ឺន ឃុំផ្សារដែក ស្រុពញាឮ ខេត្តកណ្ដាល ។
ស្ត្រីរូបនោះឈ្មោះ ស៊ឹម ហួច អាយុ៥០ឆ្នាំ ជនជាតិខ្មែរ មុខរបរនៅផ្ទះ មានទីលំនៅភូមិម្លូម៉ឺន ឃុំផ្សារដែក ស្រុកពញាឮ ខេត្តកណ្ដាល ។
ទាក់ទិនករណីចង.កធ្វើអត្តឃាតសម្លាប់ខ្លួននេះត្រូវបានឈ្មោះ អ៊ុំ ពៅ អាយុ៥៦ឆ្នាំ ត្រូវជាម្តាយមីងជនរងគ្រោះរៀបរាប់ប្រាប់សមត្ថកិច្ចថា ជារៀងរាល់ថ្ងៃមុនកើតហេតុជនរងគ្រោះតែងតែត្អួញត្អែរប្រាប់គាត់ពីបញ្ហាជំងឺរបស់គាត់ (ស៊ឹម ហួច) ឈឺធ្ងន់ទៅៗ (រោគមហារីកស្បូន) ។ និងចេះថា ចង់តែចងក.សម្លាប់ខ្លួន ព្រោះពិបាករស់នៅ និងទ្រាំណាស់នោះ ប៉ុន្តែគាត់ (ម្ដាយមីង) តែងតែនិយាយអង្វរលួងលោមប្រាប់ទៅវិញកុំគិតអញ្ចឹងអី ! ខំធ្វើបុណ្យសន្សំទៅថ្ងៃមុខទៅ មនុស្សម្នាក់ៗជៀសមិនផុតពីការស្លាប់ទេ ។
ក្រោយពេលនិយាយរួចហើយគាត់បានទៅផ្សារឧដុង្គបាត់ទៅលុះត្រឡប់មកដល់វិញវេលាម៉ោងកើតហេតុខាងលើ គាត់រកមើលជនរងគ្រោះ (ស៊ឹម ហួច) ពុំឃើញនៅក្នុងផ្ទះ ភ្លាមនោះក៏មានការសង្ស័យ ហើយបានដើររកមើល និងឃើញបន្ទប់ទឹកបិទទ្វារជិតព្រមទាំងដាក់គន្លឹះខាងក្នុង ។
ឃើញដូច្នោះគាត់ (អ៊ុំ ពៅ)បានហៅអ្នកជិតខាងឲ្យជួយគាស់ទ្វារបន្ទប់ទឹកនោះ ស្រាប់តែឃើញក្មួយស្រីយកកៅអីជ័រឡើងចង.ក សម្លាប់ខ្លួនជាប់ នឹងផ្លានផ្ទះស្លាប់បាត់ទៅហើយ ។ បន្ទាប់មកក្រុមគ្រួរសារជនរងគ្រោះបានរាយការណ៍ជូនមកសមត្ថកិច្ចប៉ុស្តិ៍ផ្សារដែក ក្រោយពីទទួលបានព័ត៌មានភ្លាមកម្លាំងប៉ុស្តិ៍បានសហការជាមួយកម្លាំងផ្នែកជំនាញបង្កើតគណៈកម្មាការចម្រុះរួមមាន ក្រុមប្រឹក្សាឃុំ គ្រូពេទ្យ មេភូមិ និងសាច់ញាតិជនរងគ្រោះបានធ្វើកោសល្យវិច្ច័យនៅជុំវិញកន្លែងកើតហេតុ ។ ការសន្និដ្ឋានជនរងគ្រោះធ្វើអត្តឃាត(ចង.ក)ដោយខ្លួនឯងស្លាប់ពិតមែន និងបានប្រគល់សពជូនសាច់ញាតិ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ