រាជធានីភ្នំពេញ ៖ សម្តចតេជោ ហ៊ុន សែន នាយករដ្ឋមន្ត្រីបានបញ្ជាក់ទៅកាន់មេបក្សប្រឆាំងនៅក្រៅប្រទេសថា មិនអាចបង្រួបបង្រួមជាមួយបានឡើយ បើនៅប្រកាន់ចរិតចាក់រុក និងចង់កម្ចេចសម្តេចនោះ ។ សម្តេចតេជោបានមានប្រសាសន៍ក្នុងពិធីប្រគល់សញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULES) នៅថ្ងៃទី១១ ខែមីនា ឆ្នាំ២០១៩យ៉ាងដូច្នេះថា «មានអាចង្រៃមួយនោះ (សម រង្ស៊ី) អារត់ចោលស្រុកមួយនោះវាបានបង្ហោះតាមហ្វេសប៊ុកថា បើទោះបីមិនផឹកក៏ដោយធ្វើយ៉ាងនឹងដូចជា រុញឲ្យមនុស្សចេះផឹក ។
ខ្ញុំ ព្រះករុណាខ្ញុំទៅ ជាមនុស្សអស់សិទ្ធិអាលីងវាទៅ ។ អីញ្ចឹងបានថា! អាស្មារតីបង្រួមបង្រួមជាតិអានេះទៅមិនរួចទេ»។ សម្តេចក៏បានលើកឡើងថា«យើងចង់បង្រួបបង្រួមយ៉ាងម៉េច បើវាចង្រៃបែបនេះមិនឲ្យធ្វើបានទេ ។ វាស្អីឡើងវាថា មិនយកខ្មែរធ្វើសត្រូវទេ ក៏ប៉ុន្តែត្រូវកម្ចាត់ពួកនឹងចោលតែម្តង ។
អីញ្ចឹងបើឯងចង់កម្ចាត់អាញ់ អាញ់ចង់ត្រូវកម្ចាត់ឯងដែរ រឿងនឹងមានតែប៉ុណ្ណឹង!»។ ជាមួយគ្នានោះដែរសម្តេចក៏បានលើកឡើងពីសម័យប៉ុល ពតថា មានការកៀបសង្កត់យ៉ាងណាក៏វាយរហូតដល់ដួល អីញ្ចឹងមិនអាចទុកឲ្យមកធ្វើផ្តេសផ្តាសបានទេវាទៅ ៕
ចែករំលែកព័តមាននេះ