ប្រទេសសីុរី ះ កាលពីថ្ងៃទី១០មីនាជាថ្ងៃទី៣នៃការដាច់ភ្លើង ស្ទើរនៅទូទាំងប្រទេសវេណេស៊ុយអេឡា មេដឹកនាំប្រឆាំងប្រទេសនោះ លោកJUAN GUAIDO បានស្នើដល់សភាឲ្យចេញការប្រកាសអាសន្ន ដើម្បីអាចឲ្យជំនួយមនុស្សធម៌ ត្រូវបានបញ្ជូនមកក្នុងប្រទេស។…
ប្រទេសសីុរី ះ កាលពីថ្ងៃទី១០មីនាជាថ្ងៃទី៣នៃការដាច់ភ្លើង ស្ទើរនៅទូទាំងប្រទេសវេណេស៊ុយអេឡា មេដឹកនាំប្រឆាំងប្រទេសនោះ លោកJUAN GUAIDO បានស្នើដល់សភាឲ្យចេញការប្រកាសអាសន្ន ដើម្បីអាចឲ្យជំនួយមនុស្សធម៌ ត្រូវបានបញ្ជូនមកក្នុងប្រទេស។ ក្នុងបាតុកម្មធំមួយលោកJUAN GUAIDOថ្លៃងថា លោកអំពាវនាវដល់ប្រជាជនឲ្យនាំគ្នា ដើរហែក្បួនបាតុកម្មនានានៅតាមដងវិថី ព្រោះរបបនេះទុកឲ្យប្រជាជនដាច់ពោះស្លាប់។ លោកក៏អំពាវនាវផងដែរដល់កងទ័ពឲ្យឈប់ជួយទ្រទ្រង់ជនផ្ដាច់ការ ប្រធានាធិបតីលោកនីកូឡាស់ម៉ាឌូរ៉ូ។
ចាប់តាំងពីរសៀលថ្ងៃទី៧មីនាមក ពលរដ្ឋវេណេស៊ុយឡាជួបប្រទះនឹងការដាច់ភ្លើងអគ្គិសនី ដាច់ទឹកនិងមធ្យោបាយដឹកជញ្ជូននានាព្រមទាំងគមនាគមន៍ ហើយជួបប្រទះកាន់តែខ្លាំងឡើងការលំបាកក្នុងការផ្គត់ផ្គង់។ ជំនួយយ៉ាងតិច២៥០តោន ក្នុងនោះមានស្បៀងនិងថ្នាំពេទ្យបញ្ជូនមកជាពិសេសដោយសហរដ្ឋអាមេរិក នៅស្ទះឯព្រំដែនរបស់ប្រទេសជាមួយកូឡុំប៊ីនិងប្រេសីុល។ កងទ័ពរារាំងមិនឲ្យជំនួយទាំងនេះចូល តាមបញ្ជារបស់លោកម៉ាឌូរ៉ូ ដែលចាត់ទុកជំនួយទាំងនេះថា ជាលេសដើម្បីចាប់ផ្ដើមធ្វើអន្តរាគមន៍យោធានៅវេណេស៊ុយអេឡា។
ការដាច់ភ្លើងបណ្ដាលឲ្យអ្នកជំងឺយ៉ាងតិច១៥នាក់ហើយស្លាប់ក្នុងមន្ទីរពេទ្យនានា ដែលមន្ទីរពេទ្យទាំងនេះភាគតិចណាស់មានអាគុយប្រើ។ នាព្រឹកថ្ងៃទី១០មីនាក្រុមហ៊ុនអគ្គិសនីរដ្ឋCOPELEC អះអាងថារដ្ឋធានីការ៉ាកាស់ពេលនេះអគ្គិសនី ត្រូវបានស្ដារឡើងវិញបាន៤០% បានន័យថា៦០%នៅងងឹតបន្តទៀត។
លោកម៉ាឌូរ៉ូបានបរិហារពីការដាច់ភ្លើងនោះថា ជាការវាយប្រហារខាងព័ត៌មានវិទ្យាក្នុងសង្គ្រាមអគ្គិសនី ដែលលោកថាបង្កឡើងដោយសហរដ្ឋអាមេរិក។ រដ្ឋាភិបាលលោកអះអាងថាខ្លួនមានភស្ដុតាងនានាពីការចោទប្រកាន់នេះ ដែលផ្ដល់ឲ្យដល់អ.ស.ប៕
ចែករំលែកព័តមាននេះ