រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានបញ្ជាក់ថា មិនចាំបាច់ធ្វើវិសោធនកម្មច្បាប់រដ្ឋធម្មនុញ្ញ ដើម្បីដាក់ទោសប្រហារជីវិតចំពោះឪពុករំលោភកូនជីតារំលោភចៅនោះទេ តែត្រូវមានវិធានការអប់រំ ។ ថ្លែងក្នុងពិធីប្រគល់សញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នាព្រឹកថ្ងៃទី១១ ខែមីនានេះ សម្តេចតេជោ ហ៊ុនសែនបានបញ្ជាក់ថា មិនចាំមានវិសោធនកម្មច្បាប់រដ្ឋធម្មនុញ្ញ ដើម្បីដាក់ទោសប្រហារជីវិតចំពោះករណីឪពុករំលោភកូនតារំលោភចៅឪពុកមារំលោភក្មួយនោះទេ តែត្រូវមានការអប់រំ និងមានវិធានការច្បាប់ឲ្យបានម៉ឺងម៉ាត់ចំពោះអ្នកដែលប្រព្រឹត្តិអំពើនេះ ។
ការសម្រេចចិត្តមិនធ្វើវិសោធនកម្មច្បាប់រដ្ឋធម្មនុញ្ញនេះត្រូវបានសម្តេចលើកឡើងថាដោយសារមានការវិភាគពីសំណាក់លោកមេធាវី សុខសំអឿន លោកបណ្ឌិតសុខ ទូច និង លោក អ៊ូវីរៈ ថា មិនចាំឲ្យមានការធ្វើវិសោធនកម្មច្បាប់រដ្ឋធម្មនុញ្ញ ដើម្បីដាក់ទោសប្រហារជីវិតនោះទេ ៕
ចែករំលែកព័តមាននេះ