ខេត្តរតនគីរី ៖ បុរសម្នាក់ចូលទៅអារឈើក្នុងព្រៃត្រូវមែកឈើបាក់ធ្លាក់វាយចំក្បាល បណ្តាលឱ្យស្លាប់ភ្លាមៗនៅនឹងកន្លែងកើតហេតុ ដែលហេតុការណ៍មែកឈើបាក់ធ្លាក់ត្រូវក្បាលស្លាប់នោះបានកើតឡើង នៅវេលាម៉ោង១២និង០០នាទីថ្ងៃត្រង់ ថ្ងៃទី៨ ខែមីនា ឆ្នាំ២០១៩ នៅចំណុចភ្នំទីនណាង…
ខេត្តរតនគីរី ៖ បុរសម្នាក់ចូលទៅអារឈើក្នុងព្រៃត្រូវមែកឈើបាក់ធ្លាក់វាយចំក្បាល បណ្តាលឱ្យស្លាប់ភ្លាមៗនៅនឹងកន្លែងកើតហេតុ ដែលហេតុការណ៍មែកឈើបាក់ធ្លាក់ត្រូវក្បាលស្លាប់នោះបានកើតឡើង នៅវេលាម៉ោង១២និង០០នាទីថ្ងៃត្រង់ ថ្ងៃទី៨ ខែមីនា ឆ្នាំ២០១៩ នៅចំណុចភ្នំទីនណាង ភូមិរ៉ក់ ឃុំកុកឡាក់ ស្រុកវើនសៃ ។
ប្រភពពីសមត្ថកិច្ចបានឱ្យដឹងថា ជនរងគ្រោះឈ្មោះ ភុយ ទូត អាយុ៣៨ឆ្នាំ ជនជាតិឡាវ មានទីលំនៅបច្ចុប្បន្នភូមិហ្វាំង ឃុំប៉ុង ស្រុកវើនសៃ ខេត្តរតនគិរី ។ ប្រភពបន្តថា ជនរងគ្រោះទៅអារឈើគ្រឿងផ្ទះ នៅចំណុចកើតហេតុខាងលើ ពេលកំពុងអង្គុយ ស្រាប់តែមែកឈើបាក់ធ្លាក់ពីលើចំក្បាលស្លាប់ភ្លាមៗតែម្តង ។
ក្រោយកើតហេតុសមត្ថកិច្ចបានប្រគល់សពឱ្យក្រុមគ្រួសារយកទៅធ្វើបុណ្យតាមប្រពៃណី។ បើតាមប្រភពបានឱ្យដឹងថា បុរសរងគ្រោះត្រូវមែកឈើបាក់ធ្លាក់ចំក្បាលស្លាប់ខាងលើនោះ និងបក្សពួកជាច្រើនទៀតតែងតែនាំគ្នាចូលព្រៃអារឈើញឹកញាប់ឱ្យក្រុមឈ្មួញរកស៊ីជំនួញឈើក្នុងស្រុក តែអកុសលក៏ត្រូវមែកឈើបាក់ធ្លាក់សង្កត់ស្លាប់តែម្តង ៕
ចែករំលែកព័តមាននេះ