រាជធានីភ្នំពេញ ៖ សេចក្តីរាយការណ៍ឱ្យដឹងថា ហេតុការណ៍ដ៏ហួសចិត្ត និងស្លុតគ្រប់គ្នា ក្រោយពីមានសន្តិសុខផ្សារអូរឡាំពិកម្នាក់ បានបើករ៉ឺយ៉ែរថយន្តក៏ភ្លាត់ស្នៀត បើកជ្រុលចូលក្នុងផ្ទះរបស់ពលរដ្ឋជាអាជីវករលក់ប្រេងឆា និងខ្លាញ់មួយកន្លែងយ៉ាងកំរោលបំផុត ធ្វើឱ្យម្នាក់ៗភ័យស្រឡាំកាំង…
រាជធានីភ្នំពេញ ៖ សេចក្តីរាយការណ៍ឱ្យដឹងថា ហេតុការណ៍ដ៏ហួសចិត្ត និងស្លុតគ្រប់គ្នា ក្រោយពីមានសន្តិសុខផ្សារអូរឡាំពិកម្នាក់ បានបើករ៉ឺយ៉ែរថយន្តក៏ភ្លាត់ស្នៀត បើកជ្រុលចូលក្នុងផ្ទះរបស់ពលរដ្ឋជាអាជីវករលក់ប្រេងឆា និងខ្លាញ់មួយកន្លែងយ៉ាងកំរោលបំផុត ធ្វើឱ្យម្នាក់ៗភ័យស្រឡាំកាំង និងបះសក់ច្រូង ។ ហេតុការណ៍នេះ កើតឡើងកាលពីវេលាម៉ោង១០ និង២០នាទីព្រឹកថ្ងៃទី០៩ មីនា ស្ថិតចំណុចផ្ទះលេខ៨១Eo, ផ្លូវ២៨៦ ក្នុងសង្កាត់អូរឡាំពិក ខណ្ឌចំការមន តែចាត់ជាសំណាងមួយ ក្នុង១ពាន់គ្រោះថ្នាក់ ដោយសារមិនមានមនុស្សរងគ្រោះថ្នាក់ ។
សេចក្តីរាយការណ៍បន្តថា ចំពោះអ្នកបើកបង្ករខាងលើ មិនត្រូវស្គាល់ឈ្មោះនោះទេ ក្រោយកើតហេតុ ចុះពីរថយន្តដាក់មេប្រូចរត់បាត់ស្រមោល ។ ដោយឡែក នៅក្នុងផ្ទះរងការខូចខាតច្រើនគួរសម ។ ប្រភពពលរដ្ឋបានឱ្យដឹងទៀតថា មុនពេលកើតហេតុ ម្ចាស់រថយន្តដែលជាអ្នករត់តាក់ស៊ីបានឈប់មុខផ្សារ (ម្តុំទីតាំងកើតហេតុ) ដើម្បីឡើងទៅលើអូរឡាំពិកយកអីវ៉ាន់ ។ ក្រោយមក សន្តិសុខបង្កនោះ ក៏បានសុំសោពីម្ចាស់រថយន្ត ដើម្បីបើករកកន្លែងចំណត ហើយមិនដឹងមានមូលហេតុអ្វី ទើបសន្តិសុខនោះភ្លាត់ស្នៀតបែបនេះ
បើតាមអ្នកនៅកន្លែងកើតហេតុវិញ និយាយគ្រប់គ្នាថា នេះមកពីការធ្វេសប្រហែសខ្លាំងពីសន្តិសុខរូបនោះ នេះសំណាងហើយ ដែលមិនត្រូវគ្រោះថ្នាក់ដល់នរណាម្នាក់ ខណៈទីនេះកំពុងមានមនុស្សច្រើនផង ។ទោះបីជាយ៉ាងណា គ្រោះថ្នាក់នេះ ឃើញមានតំណាងសន្តិសុខផ្សារ បានចេញមុខមកដោះស្រាយតាមផ្លូវច្បាប់ហើយ ។
ចែករំលែកព័តមាននេះ