ខេត្តកំពង់ធំ ៖ ព្រះវិហារវត្តស្រះស្រង់ ហៅវត្តបឹងល្វា ស្ថិតនៅភូមិបឹងល្វាលើ ឃុំបឹងល្វា ស្រុកសន្ទុក ខេត្តកំពង់ធំ បច្ចុប្បន្ននេះសម្រេចបានប្រមាណ៦៥% នឹងគ្រោងបញ្ចប់ការសាងសង់នៅចុងឆ្នាំ២០១៩ខាងមុខនេះ។
លទ្ធផលនេះត្រូវបានលោក ឯក ប្រុស អ្នកទទួលការងារសាងសង់បានបញ្ជាក់ឲ្យដឹងនៅថ្ងៃទី៨ មីនា ឆ្នាំ២០១៩ នៅក្នុងដំណើរអញ្ជើញចុះស្វែងយល់ពីស្ថានភាព និងជីវភាពប្រជាពលរដ្ឋ ពិសេសការលូតលាស់ក្នុងវិស័យសេដ្ឋកិច្ចក្នុងតំបន់នេះរបស់លោក ជាចាន់តូ សមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជានិងជាប្រធានក្រុមការងារថ្នាក់ជាតិចុះជួយស្រុកសន្ទុក។
លោក ឯក ប្រុសបានឲ្យដែរថា ព្រះវិហារវត្តស្រះស្រង់ ហៅវត្តបឹងល្វានេះបានចាប់ផ្ដើមធ្វើការសាងសង់នៅអំឡុងឆ្នាំ២០១២ ដោយសង់ថ្មីនៅលើទីទួលព្រះវិហារចាស់។ព្រះវិហារនៗថ្មីនេះសង់ពីថ្មប្រក់ក្បឿងទំហំ១១ម៉ែត្រគុណ២២ម៉ែត្រ និងមាន កម្ពស់១៦ម៉ែត្រ ក្រោមកាជួយឧបត្ថម្ភគាំទ្រពីសំណាក់លោកជា ចាន់តូនិងលោកជំទាវ និងក្រុមកាងារ។
សូមបញ្ជាក់ ថា ដើម្បីមកកាន់វត្តស្រះស្រង់ដែលជាវត្តចំណាស់មួយនេះគឺត្រូវធ្វើដំណើរលើផ្លូវ ចម្ងាយផ្លូវជាង៧០គីឡូម៉ែត្រពីផ្លូវជាតិលេខ៦ ត្រង់ផ្សារឃុំកំពង់ថ្មទើបដល់ ហើយនៅក្នុងស័មយសង្គ្រាមស៊ីវិលប្រជាជនតំបន់នេះបានភៀសខ្លួនទៅរស់នៅតំបន់ឃុំបឹងល្វាក្រោម ជាប់ឃុំកំពង់ថ្មវិញ ប៉ុន្តែក្រោយប្រទេសជាតិមានសុខសន្តិភាពពេញលេញនាឆ្នាំ១៩៩៨ និងមានការលើទឹកចិត្ត ព្រមទាំងការកាគិតគូរពីរាជរដ្ឋាភិបាល ពិសេសសម្ដេចតេជោហ៊ុន សែននោះ ទើបប្រជាពលរដ្ឋបានវិញមករស់នៅក្នុងភូមិករចាស់វិញ និងប្រកបកិច្ចការទទួលទានដូចដើមវិញ និងមានជីវភាពរស់នៅធូរធារជាបន្តបន្ទាប់ ក្នុងនោះរួមទាំងហេដ្ឋានរចនាសម្ព័ន្ធសាធារណៈក៏មានកាអភិវឌ្ឍផងដែរ។
នៅក្នុងឱកានោះ លោក ជា ចាន់តូ បញ្ជាក់ជូនប្រពលរដ្ឋថា គ្មាននសម្បត្តិណាប្រសើរជាសុខសន្តិភាពនិងការរួបរួមសាមគ្គីគ្នាទេ ។ ប្រសិនណាស្រុកទេសមិនមានសុខសន្តិភាពដូចពេលនេះទេ យើងក៏គ្មានឱកាសបានរស់នៅប្រកបការងារដោយសុខសាន្តបានដែរហើយនឹងបានវិញមករស់លើទឹកដីកំណើតពីដូនតារបស់ខ្លួនដូចពេលនេះបានដែរ។
ជាក់ស្ដែងតាមរយៈសមិទ្ធផលព្រះវិហារថ្មីដែលកំពុងកសាងនេះជាសក្ខីភាពបញ្ជាក់ឲ្យឃើញច្បាស់ថា ប្រជាជាតិយើងពិតជាមានការស់នៅប្រកបដោយសុខក្សេមក្សាន្ត និងមានការអភិវឌ្ឍយ៉ាងពិតប្រាកដក្រោមម្លប់ដ៏ត្រជាក់នៃការដឹកនាំដ៏ឈ្លាសវៃរបស់រាជរដ្ឋាភិបាលដឹកនាំរបស់សម្ដេចតេជោហ៊ុន សែន ។
នៅក្នុងឱកាសនោះ លោក ជា ចាន់តូ បានអំពាវនាវឲ្យប្រជាពលរដ្ឋទាំងត្រូវរួមសាមគ្គីគ្នាបន្តថែរក្សាកាពារសន្តិភាពនិងគាំទ្រគោលនយោបាយរាជរដ្ឋាភិបាលពិសេសការដឹកនាំរបស់សម្ដេចតេជោ ហ៊ុន សែន បន្តទៀតដើម្បីឲ្យប្រទេសជាតិទទួលបានការរីកចម្រើននិងអភិវឌ្ឍន៏ថ្មីៗបន្ថែមទៀត។
នៅក្នុងឱកាសនោះលោក ជា ចាន់តូ បានប្រគេនទេយ្យវត្ថុ ភេសជ្ជៈ និងបច្ច័យមួយចំនួនដល់ព្រះសង្ឃ និងបានសន្យាថានឹងបន្តជួយឧបត្ថម្ភគាំទ្រដល់តំបន់នេះបន្ថែមទៀតដើម្បីតំបន់ដាច់ស្រយាលមួយនេះដល់ការអភវិវឌ្ឍដូចតំបន់នេះផ្សេងៗទៀតផងដែរ៕
ចែករំលែកព័តមាននេះ